ئۇيغۇرچە    Uyghurche    Уйғурчә   
  • 2018 - يىلى 27 - ئۆكتەبىر يەكشەنبە كۈنى سائەت 2:00 دە ئىستانبۇلدا «خىتاينىڭ جازا لاگىرلىرىدىكى شەرقىي تۈركىستانلىقلارنىڭ ئاقىۋىتى مۇھاكىمە يىغىنى» ئۆتكۈزۈلدى. ...
سىزنىڭ ئورنىڭىز: باشبەت » ئومۇمى » غەزەپ (شېئىر)

غەزەپ (شېئىر)

anatil[1]دىلبەر راخمان

قولۇمغا تەلمۈرۈپ تۇرىدۇ چەتتە،
بايىلا ئاچچىقتىن ئېتىلغان قەلەم.
چاغلىغاچ بۇ پەيتنى ئاجايىپ پۇرسەت،
غەزەپلەر خىيالغا باسىدۇ قەدەم.

ئۆزۈمنى ھىچ قايىل قىلالماي ئۆزۈم،
يا بىرەر دىلكەشكە ئېيتالماي سۆزۈم.
ئامالسىز قەلەمگە تاياندىم يەنە،
بىرەر دەپ بۇ دەرتكە بىر داۋا – ئۈنۈم.

بىر سوراي: قىرىنداش مىللىتىڭ نىمە؟
ئاتاڭ كىم، ئاناڭ كىم، يۇرتۇڭ قەيەردە؟
تىلىڭچۇ، دىلىڭچۇ، دىنىڭچۇ يەنە؟
روھىڭنىڭ پاكلىقى سەرسان نەلەردە؟

كەلدىڭمۇ بۇ يۇرتقا بىلىم ئالاي دەپ؟
ۋە ياكى ئەسلىمنى ئۇنتۇپ قالاي دەپ؟
شۇ راۋان، يېقىملىق ئانا تىلىڭدىن،
كەپ قالسا مۆرىتى تىزراق تاناي دەپ؟

ھېلىمۇ تىلىمىز بولماقتا ئەبجەش،
يوقمىكىن بىزلەردە بىرەر ئەنسىرەش،
ئۆز تىلىدىن ئالدىراپ كەچكەن ئىنساننى،
جاكارلار دۇنيامۇ كۆرسىتىپ پەسكەش.

2007-يىلى 11-ئاينىڭ12-كۇنى
ئەسكەرتىش: بۇ يازمىنى ئاپتۇر ئىچكىرىدە تولۇق ئوتتۇرىنى ئوقۇۋاتقاندا يازغان.
*****************
http://www.meripet.org/?p=4854
كونا مۇنبەرگە يوللانغان ۋاقتى: 2010-يىل 01-دېكابىر

ئاكادېمىيە ئورگان تورى ©

ئۈستىگە قايتىش