ئەسسالامۇ ئەلەيكۇم قەدىرلىك ئۇيغۇر ئاكادېمىيىسىنىڭ قوللىغىۇچىلىرى، ئۇلۇغ رامىزان ئېيىڭلار مۇبارەك ۋە ئىبادىتىڭلار مەقبۇل، تېنىڭلار سالامەت بولسۇن!

ئۇيغۇر ئاكادېمىيىسى 2010-يىلىدىن باشلاپ دۇنيانىڭ ھەرقايىسى جايلىرىدىكى ئۇيغۇر ئالىم-تەتقىقاتچى ۋە يازغۇچى-مۇتەخەسسىسلەرنى گۈزەل تارىخى شەھەر ئىستانبۇلدا جەم قىلىپ، ئۇلارغا ئۆزلىرىنىڭ ئىلمىي ئەمگەك نەتىجىلىرىنى ئامماباپ ئۇيغۇر تىلىدا ئەزىز ئۇيغۇر خەلقىمىز بىلەن ئورتاقلىشىشىغا سەھنە، خەلقىمىزگە بولسا ئىلىم- پەننىڭ چوققىسىدا چاقنىغان چولپانلىرىمىزنىڭ تەتقىقات تېمىلىرىدىن ھۇزۇرلىنىشىغا پۇرسەت يارىتىپ بېرىشكە تىرىشىپ كەلمەكتە. ھەر بىر بىلىمنى سۆيگەن ۋە ئىلىم ئىشقىدا كۆيۈۋاتقان ياش ئەۋلاتلىرىمىزنىڭ قەلبىدىكى ئىلىم – پەن ئىشتىياقىنى ئۇلغايتىش ئۈچۈن، ھەر يىلى « ئۇيغۇر ئاكادېمىيىسىنىڭ خەلقارا ئىلمىي مۇھاكېمە يىغىنى » پائالىيىتىنى ئۆتكۈزۈپ كېلىۋاتىدۇ.

2013- يىلىدىكى« 5-قېتىملىق خەلقارا ئىلمىي مۇھاكىمە يىغىنى »نى بىر قانچە ئوخشىمىغان دۆلەتلەردىن كەلگەن 25 نەپەر ئالىم – تەتقىقاتچىلىرىمىزنىڭ قىزغىن ئىشتىراك قىلىشى ۋە ھەر قايسى ئىلىم سۆيەر قېرىنداشلىرىمىزنىڭ ئىقتىسادىي ۋە مەنىۋىى جەھەتتىن ياردەم قىلىشى ۋە قوللىشى بىلەن تولىمۇ غەلىبىلىك ئۆتكۈزۈلگەنىدى.

بۇ يىل 9-ئاينىڭ 20،21-كۈنلىرى ئۆتكۈزۈلمەكچى بولغان« 6-قېتىملىق خەلقئارا ئىلمىي مۇھاكىمە يىغىنى »غا قاتناشماقچى بولغان 18 نەپەر ئالىم – تەتقىقاتچى ۋە يازغۇچى- مۇتەخەسسىسلىرىمىزنىڭ لېكسىيە تېمىلىرى قىسقىچە مەزمۇنلىرى بىلەن قوبۇل قىلىنىپ، يىغىن كۈنتەرتىپىگە ئېلىندى. 9-ئاينىڭ 20- ۋە 21-كۈنلىرىگە ئىلمىي مۇھاكىمە يىغىنى، 22- ۋە 23-كۈنلىرىگە سەيلى- ساياھەت ۋە زىيارەتلەر ئورۇنلاشتۇرۇلغان ئاساستا، « 6-قېتىملىق خەلقئارا ئىلمىي مۇھاكىمە يىغىنى »نىڭ تەييارلىق خىزمەتلىرى باشلاندى. ئاللاھ خالىسا يىغىن كۈنتەرتىپى بىر قانچە كۈن ئىچىدە توربېتىمىز https://www.akademiye.org/ug دە ئېلان قىلىنىدۇ.

بۇ قېتىملىق پائالىيەتلىرىمىزنىڭ تېخىمۇ ئوڭۇشلۇق ۋە مول نەتىجىلىك ئېلىپ بېرىلىشى ئۈچۈن ھەر قايسى ساھەلەردىكى ئىلىم سۆيەر قېرىنداشلىرىمىزنىڭ خالىسانە ياردەم قوللىرىنى سۇنۇشىنى تۆۋەنلىك بىلەن سورايمىزھەمدە ھەرتۈرلۈك ياردەملىرىڭلار بىلەن ئۇيغۇر ئاكادېمىيىسىنىڭ تېخىمۇ گۈللىنىشى ئۈچۈن بىر كىشلىك تۆھپە قۇشىشىڭلارنى چىن كۆڭلىمىزدىن ئۈمۈد قىلىمىز.

ئىئانە قىلىش شەكلى: نەق پۇل ياكى تۈۋەندىكى بانكا ھېساپ نۇمېرىمىزغا ياكى Paypal ھېسابىمىز ئارقىلىق ئۇيغۇر ئاكادېمىيىسىگە كۆڭلىڭىزنى ئىپادىلىسىڭىز بۇلىدۇ.

ئىئانە ۋە بانكا ھېسابى