ئۇيغۇرچە    Uyghurche    Уйғурчә    Ortaq Türkçe   
  • 2018 - يىلى 25 - مارت يەكشەنبە سائەت 2:00 دە ئىستانبۇل فىندىكزادە زۈبەيدە خانىم كۈلتۈر مەركىزىدە «ئۇيغۇرلاردا ئانا تىل سۆيگۈسى ۋە نورۇز شادلىقى» پائالىيىتى ئۆتكۈزۈلىدۇ. ۋاقتىدا
سىزنىڭ ئورنىڭىز: باشبەت » ئومۇمى » مەدەنىيەت تەتقىقاتى كەسپىدە ماگېستىر ۋە دوكتورلۇق ئوقۇش مۇكاپاتى

مەدەنىيەت تەتقىقاتى كەسپىدە ماگېستىر ۋە دوكتورلۇق ئوقۇش مۇكاپاتى

ئىستانبۇلدا يېڭى قۇرۇلغان ئىبىن خالدۇن ئۇنىۋېرسىتېتى مەدەنىيەتلەر ئىتتىپاقى ئېنىستىتوتى 2018 – يىلى ئۈچۈن مەدەنىيەت تەتقىقاتى كەسپىدە 10 ماگېستىر ۋە 5 دوكتۇر ئوقۇغۇچىسىغا ئوقۇش مۇكاپاتى تەسىس قىلدى.

ئىگەللىنىشىچە، بۇ ئالىي مەكتەپ يۇقىرى مائاش بىلەن تۈركىيە ۋە باشقا دۆلەتلەردىن ئەڭ خىل ئوقۇتقۇچىلارنى تەكلىپ قىلىۋاتقان بولۇپ، قىسقا ۋاقىت ئىچىدە ئوقۇتۇش سۈپىتىنىڭ يۇقىرى بولىشى بىلەن تۈركىيەدىكى داڭلىق ئالىي مەكتەپلەرنىڭ بىرى بولۇپ قالىدىكەن. بۇ مەكتەپنىڭ بەرگەن ئوقۇش پۇلى ئايلىق 1500 لىرادىن – 2500 لىراغىچە (تەخمىنەن 400 دوللاردىن 600 دوللارغىچە) بولۇپ، تۈركىيە شارائىتىدا خېلى يوقىرى ئوقۇش مۇكاپاتى ھېساپلىنىدۇ.

مەدەنىيەت تەتقىقاتى كەسپىدە ئوقۇشقا ئاساسلىقى ئىجتىمائىي پەن كەسپىلىرىدە باكلاۋۇرلۇق ياكى ماگېستىرلىقنى ئەلا نەتىجە بىلەن پۈتتۈرگەن ۋە ئىنگىلىزچە توئىفۇل ئىمتىھانىدىن 84 تىن يۇقىرى ياكى تۈركىيە چەتئەل تىلى ئىمتىھانى ئىنگلىزچە (YDS) دىن 70 تىن يۇقىرى نۇمۇر ئالغان ئۇيغۇر ئوقۇغۇچىلارنىڭ ئىلتىماس قىلىشىنى ئالاھىدە تەۋسىيە قىلىنىدۇ.

ئەسكەرتىش: مەدەنىيەتلەر ئىتتىپاقى ئېنىستىتوتى ئەسلىدە فاتىھ سۇلتان مەھمەت ئۇنىۋېرسىتېتىغا تەۋە بولۇپ، 2017- يىلى باھار ئوقۇش مەۋسۇمىدىن ئىتىبارەن ئىبىن خالدۇن ئۇنىۋېرسىتېتىگە باغلانغان ۋە كېيىنكى يىلدىن باشلاپ، يېڭى ئوقۇتۇش بىناسىدا پائالىيەت ئېلىپ بارىدىكەن. بۇ يىلقى ئوقۇش ئىلتىماس ئىشلىرى يەنىلا بۇرۇنقى فاتىھ سۇلتان مەھمەت ئۇنىۋېرسىتېتى توپكاپى مەۋلەۋىخانىسىدا بىجىرىلىدىكەن.

بۇ ئوقۇش پۇرسىتى ھەققىدىكى تەپسىلىي مەلۇمات تۆۋەندىكىچە:

ماگېستىرلىققا ۋە دوكتورلۇق تىزىملىتىش ۋە قوبۇل قىلىش شەرتلىرى:
چەتئەللىك ئوقۇغۇچىلار ئۈچۈن مەدەنىيەت تەتقىقاتى كەسپىگە 10 ماگىستىر ۋە 5 دوكتور ئوقۇغۇچىسى قۇبۇل قىلىنىدۇ.
تىزىملىتىش شەرتلىرى:
باكلاۋۇرلۇقتىن ئوتتۇرىچە نومۇرى ئەڭ ئاز دېگەندە 75 (100 نومۇردىن) بولۇشى؛
تۈركىيە چەتئەل تىلى ئىمتىھانى (YDS) دىن 70 نۇمۇر؛ توئىفۇل (TOEFL) دىن ئەڭ ئاز 84 ۋە شۇنىڭغا ئوخشايدىغان ئىنگىلىزچە ئىمتىھانلاردىن يىتەرلىك نومۇر ئالغان بولۇشى؛ (ئەسكەرتىش: 2013 – يىلىدىن باشلاپ تۈركىيەدە IELTS ئىمتىھان نەتىجىسى قوبۇل قىلىنمايدۇ.)
تىزىملىتىش ئۈچۈن كېرەكلىك ماتېرىياللار:

* شەخسى تەرجىمىھالى
* نىيەت مەكتۇبى ئىلتىماس جەدۋىلى
* ئىلتىماس خېتى
* ماگېستىرلىققا تىزىملىتىش ئۈچۈن باكلاۋۇرلۇق ۋە دوكتورلۇققا تىزىمتىلىتىش ئۈچۈن باكلاۋۇرلۇق ۋە ماگىستىرلىق دىپلوملىرى ۋە نەتىجە قەغەزلىرى
* چەتئەل تىلىدىن (ئىنگىلىزچە) لاياقەتلىك ئىسپاتى
* ئىككى پارچە تەۋسىيەنامە (ئالدىن تاللاشتىن ئۆتكەنلەردىن تەلەپ قىلىنىدۇ)
* پاسپورت كوپىيەسى

* ئىنگلىزچە يازغان تاپشۇرۇق ۋە ئىلمىي ماقالىلار بولسا تاپشۇرۇش تەۋسىيە قىلىنىدۇ.

تىزىملىتىش ۋاقتى ۋە ئورنى: 2018 – يىلى 3 – ئاينىڭ 19 – كۈنىدىن 6 – ئاينىڭ 8 – كۈنىگىچە توردىن http://apply.umran.ihu.edu.tr/tr/Profile/SignIn?ReturnUrl=%2ftr ئارقىلىق تىزىملاتسا بولىدۇ؛ ياكى ئېلخەت ئادرىسىگە ئىۋەرتىلىسە بولىدۇ: meditbasvuru@fsm.edu.tr
ئورنى: Yenikapı Mevlevihanesi Yerleşkesi: Merkez Efendi Mah. Mevlevihane Cad. No:25 Zeytinburnu-İstanbul

ئىنگلىزچە سەۋىيە سىناش ئىمتىھان ۋاقتى: 2018 – يىلى 6 – ئاينىڭ 8 – كۈنى

يېزىقچە ئىمتىھان ۋە يۈزتۇرانە ئىمتىھانغا تەكلىپ قىلىنغانلارنىڭ ئىلان ۋاقتى: 2018 – يىلى 6 – ئاينىڭ 11 – كۈنى

يېزىقچە ئىمتىھان ۋاقتى: 2018 – يىلى 6 – ئاينىڭ 12 – كۈنى سائەت 10:00

يۈزتۇرانە ئىمتىھان ۋاقتى: 2018 – يىلى 6 – ئاينىڭ 13 – كۈنى

ئوقۇش پۇلى: ماگېستىرلىق ئۈچۈن 15000 لىرا، دوكتورلۇق ئۈچۈن 18000 لىرا (قوشۇمچە قىممەت بېجى مۇشۇنىڭ ئىچىدە)؛
ئوقۇش مۇكاپات ئەھۋالى: مەدەنىيەت تەتقىقاتى كەسپىدە ئېھتىياج ۋە لاياقەت ئەھۋالىغا قارىتا «ئوقۇتقۇچى ياردەمچىسى» سۈپىتىدە مۇئامىلە قىلىنىدۇ ۋە مەكتەپ رەھبەرلىكى قارار قىلغان مەلۇم ساندىكى ئوقۇغۇچىغا ئوقۇش مۇكاپات بېرىلىدۇ.
2018 – يىللىق ئوقۇش ئۈچۈن قوبۇل قىلىنغان «ئوقۇتقۇچى ياردەمچىسى» ئوقۇغۇچىلاردىن ئوقۇش بەدەل پۇلى ئېلىنمىغاندىن سىرت، ئايلىق 1500 – 2500 لىرا (تەخمىنەن 400 دوللاردىن 600 دوللارغىچە) ئارىسىدا ئوقۇش مۇكاپاتى بېرىلىدۇ.
ئالاقىلىشىش:

ئالاقە: ئەھمەد تارىق چاشكۇرلۇ
تېلېفون: 00902125829070 ئارقىلىق 2033 كە ئۇلاڭ
ئېلخەت: meditbasvuru@fsm.edu.tr

ماگېستىرلىق ئوقۇشى ئۈچۈن ئىلتىماس تورى: http://medit.ihu.edu.tr/basvuru/yuksek-lisans/

دوكتورلۇق ئوقۇشى ئۈچۈن ئىلتىماس تورى: http://medit.ihu.edu.tr/basvuru/doktora/

ئەسكەرتىش: بۇ مەكتەپكە ئىلتىماس قىلىش جەريانىدا ئوقۇغۇچىدىن تەۋسىيە خېتى تەلەپ قىلىنىدۇ. بۇ ھەقتە مەسلىھەت ۋە تەۋسىيە خېتى يېزىپ بېرىش ئىشلىرىدا ئۇيغۇر ئاكادېمىيىسى ئۇيغۇر ئوقۇغۇچىلارغا ياردەمدە بولىدۇ.

ئۇيغۇر ۋە باشقا چەتئەللىك ئوقۇغۇچىلار ئۈچۈن چەتئەل تىلى نەتىجىسى، باكلاۋۇرلۇق ۋە ماگېستىرلىق دەرس نەتىجىسى ئاساس قىلىنىدۇ. بۇ مەكتەپنىڭ بەرگەن ئوقۇش پۇلى تۈركىيدە خېلى ياخشى بولۇپ، ئۇيغۇر ئوقۇغۇچىلارنىڭ ئىلتىماس قىلىشىنى ئالاھىدە تەۋسىيە قىلىمىز. بۇ ئوقۇش مۇكاپاتى ھەر يىلى بېرىلىدىغان بولۇپ، بۇ يىل يېتىشەلمىگەن ئوقۇغۇچىلار ئۈمىدسىزلەنمەي، كېلەر يىلى ئۈچۈن پۇختا تەييارلىق قىلسا بولىدۇ.
بۇ ئوقۇش ھەققىدە ياردەم ۋە مەسلىھەتتە: ئۇيغۇر ئاكادېمىيىسى ئوقۇغۇچى ئىشلىرى بۆلۈمى
تېلىفۇن: 05530072799 ياكى 05306677851
ئېلخەت: uyghuracademy@gmail.com

يازغۇچى ھەققىدە

ماقالە سانى : 1172

ئاكادېمىيە ئورگان تورى ©

ئۈستىگە قايتىش