ئۇيغۇرچە    Uyghurche    Уйғурчә    Ortaq Türkçe   
  • 2017- يىلى 11- ۋە 12- نويابىردا ئىستانبۇلدىكى فاتىھ سۇلتان مەھمەت ۋەخپە ئۇنىۋېرسىتېتىنىڭ فاتىھتىكى مۇدىرىيەت بىناسىدا «ئۇيغۇر مەدەنىيىتى تەتقىقاتى» ئىلمىي مۇھاكىمە يىغىنى ئۆتكۈزۈلىدۇ. ۋاقتىدا
سىزنىڭ ئورنىڭىز: باشبەت » ئاكادېمىيە » ئۇيغۇر مەدەنىيىتى تەتقىقاتى ئىلمىي مۇھاكىمە يىغىنى ئۇقتۇرۇشى

ئۇيغۇر مەدەنىيىتى تەتقىقاتى ئىلمىي مۇھاكىمە يىغىنى ئۇقتۇرۇشى

Email this to someoneTweet about this on TwitterShare on LinkedIn0Print this pageShare on Facebook33Share on Google+0

ئۇيغۇر پەن – تەتقىقاتچى، ئەدىب ۋە مۇتەخەسىسلىرى ئۇچرىشىشى، ئۇيغۇر ئاكادېمىيىسى ئۇيۇشتۇرۇپ كېلىۋاتقان ئىلمىي پائالىيەتلەر ئىچىدىكى مۇھىم ئەھمىيەتكە ئىگە ۋە تەسىرى كۈچلۈك پائالىيەتلەردىن بىرى بولۇپ، بۇ ئىلمىي پائالىيەتنىڭ  9- قېتىملىقى مەخسۇس «ئۇيغۇر مەدەنىيىتى تەتقىقاتى» غا ئايرىلغان بولۇپ، 2017- يىلى 11- ئاينىڭ 11- ۋە 12- كۈنلىرى ئىبىن خالدۇن ئۇنىۋېرىسىتېتى بىلەن ھەمكارلاشقان ئاساستا ئىستانبۇل فاتىھ رايۇنىدىكى فاتىھ سۇلتان مەھمەت ۋەخپە ئۇنىۋېرسىتېتى مۇدىرىيەت بىناسىدا ئۆتكۈزۈلىدۇ.

«ئۇيغۇر مەدەنىيىتى تەتقىقاتى» يىغىنغا، ھەرقايسى ئەللەردىكى ئۇيغۇر تەتقىقاتىدا كۆزگە كۆرۈنگەن 20 ئۇيغۇر ۋە تۈرك تەتقىقاتچى – مۇتەخەسىسلەر قاتنىشىدىغان بولۇپ، يىغىن «ئىسلامىيەتتىن بۇرۇنقى ئۇيغۇر مەدەنىيىتى (مىلادىدىن كېيىنكى 50 – يىلىدىن – 932 – يىلغىچە)»، «ئىسلامىيەتتىن كېيىنكى ئۇيغۇر مەدەنىيىتى (932 – يىلىدىن 1514 – يىلىغىچە)»، «يېقىنقى زامان ئۇيغۇر مەدەنىيىتى (1883 – يىلىدىن كۈنىمىزگىچە)» بولۇپ ئۈچ بۆلۈمگە بۈلۈنۈپ، ئۇيغۇرلارنىڭ قەدىمدىن ھازىرغىچە بىر پۈتۈن ئۇيغۇر مەدەنىيىتى تەتقىقاتچىلار تەرىپىدىن مۇھاكىمە قىلىنىدۇ.

شۇنىڭ بىلەن بىرگە، بۇ مۇھاكىمە يىغىنىنىڭ ھەر بىر بۆلىكى ئاخىرىدا ئۇيغۇر ۋە تۈرك كەسپى سەنئەتچىلەرنىڭ ئورۇنلىشىدا ئەدەبىيات – سەنئەت نۇمۇرلىرى كۆرسىتىلىدۇ ۋە  ئىككىنجى كۈنى ئۇيغۇر مەدەنىيىتى كۆرگەزمىسى بولىدۇ. بۇ ئارقىلىق شانلىق ئۇيغۇر مەدەنىيىتىنىڭ نايامەندىلىرى تۈرك ۋە ئۇيغۇرلارغا تونۇشتۇرۇلىدۇ.

ئۆزىنىڭ مەدەنىيىتى ۋە تارىخىنى بىلمىگەن مىللەت يوق بولۇشقا مەھكۇم. يېقىنقى بىر ئەسىردىن كۆپرەك ۋاقىتتا، ئۇيغۇرلار تارىخ سەھنىسىدە بۇران چاپقۇنلۇق تولىمۇ ئېغىر كۈنلەرنى باشتىن كەچۇردى ۋە ئۆز ۋەتىنىدا خورلاندى. ھالبۇكى ئۇيغۇرلار تۈرك قەۋىملىرى ئىچىدە ئەڭ بۇرۇن شەھەرلىشپ مەدەنىيلەشكەن، «ئۇيغۇر دۆلىتى» ۋە «ئۇيغۇر ئىدىقۇت دۆلىتى» دەپ ئۇيغۇر ئىتنىڭ مىللەت نامى بىلەن قۇدرەتلىك ئىمپىراتۇرلۇقلارنى قۇرغان، ئۆزىگە خاس بوستانلىق مەدەنىيىتىنى بەرپا قىلغان ۋە تۈرك ئىسلام تارىخىدىكى تۈنجى ئىسلام دۆلىتى «قاراخانىلار دۆلىتى» نى قۇرغان بىر كۈچلۈك مىللەت.  بۇ مىللەت ھازىر ئاجىز  ۋە زۇلۇمىغا ئۇچرىغان بولىشى مۇمكىن، بۇ دېمەك ھەرگىزمۇ مەڭگۈ ئاجىز ۋە خار ھالدا ياشايدۇ دېگەن مەنىنى بىلدۈرمەيدۇ. تارىخ تەكرارلىنىدۇ، تارىختا قۇدرەتلىك دۆلەتلەرنى قۇرۇپ، ياۋلارنى باش ئەگدۈرگەن ۋە تىز چۆكتۈرگەن ئۇيغۇرلار كەلگۈسىدە يەنە قايتىدىن قەد كۆتۈرىدۇ ۋە ھۆر ياشايدۇ. چۈنكى بۇ مىللەت ئەزەلدىن ھۆر ياشاپ كەلگەن. بىلگە قاغان دىگەندەك: «يۇقارىدا كۆك چۆكمىگىچە، ئاستىدا يەر يارىلمىغىچە، ئۇيغۇر قاتارلىق تۈرك قەۋىملىرىنىڭ ئىلىنى ۋە تۆرەسىنى كىم بۇزالايدۇ؟»

«ئۇيغۇر مەدەنىيىتى تەتقىقاتى ئىلمىي مۇھاكىمە يىغىنى»،  ئۇيغۇر ۋە تۈرك تەتقىقاتچىلارنىڭ  ئىلمىي دوكلاتىنى بىۋاستە ئاڭلاش، ئۇلار بىلەن سۆھبەتتە بولۇش ئۈچۈن تېپىلغۇسىز پۇرسەتتۇر. ھەتتا، بىردىنبىر پۇرسەت بولۇپلا قالماستىن، ئىستانبۇل، ئۆزىنىڭ تەبىئي گۈزەللىكى، ھەيۋەتلىك تارىخى ئەسەرلىرى، ئۆز خەلقىمىزگە ئوخشاپ كېتىدىغان ئۇچۇق -يۇرۇق، قىزغىن ئىنسانلىرى، تىلى، تۇرمۇش پۇرىقى ۋە شۇنداقلا ئۇيغۇرلارنىڭ كۆپلۈكى بىلەن سىزدە ئىسسىق ۋەتەن تۇيغۇسىنى ئويغىتىدۇ، كۈچ-قۇۋۋەت بېغىشلايدۇ.

ئۇيغۇر مەدەنىيىتى تەتقىقاتى ئىلمىي مۇھاكىمە يىغىنى تەشكىلىي تەرتىپ كومىتېتى ئەزالىرى:

پېروفېسسور ئالىمجان ئىنايەت (ئەگە ئۇنىۋېرسىتېتى تۈرك دۇنياسى تەتقىقات ئېنىستىتوتى، تۈركىيە)

پېروفېسسور سائادەتتىن ياغمۇر گۆمەچ (ئەنقەرە ئۇنىۋېرسىتېتى تارىخ بۆلۈمى، تۈركىيە)

پېروفېسسور قونۇرئالپ ئەرجىلاسۇن (غازى ئۇنىۋېرسىتېتى تارىخ بۆلۈمى، تۈركىيە)

دوتسېنت ئادەم ئۆگەر (نەۋشەھىر ھاجى بەكتاش ۋەلى ئۇنىۋېرسىتېتى تۈرك خەلق بىلىمى بۆلۈمى، تۈركىيە)

دوتسېنت كۈرشات يىلدىرىم (ئىستانبۇل ئۇنىۋېرسىتېتى تارىخ بۆلۈمى، تۈركىيە)

ياردەمچى دوتسېنت مەغپىرەت كامال (بەيكەنت ئۇنىۋېرسىتېتى تۈرك تىلى ۋە ئەدەبىياتى بۆلۈمى، تۈركىيە)

دوكتور پەرھات تەڭرىتاغلى (مۇستەقىل تەتقىقاتچى، تۈركىيە)

ۋاھدەتتىن ئېشىق (ئىبىن خالدۇن ئۇنىۋېرسىتېتى مەدەنىيەتلەر ئىتتىپاقى ئېنىستىتوتى، تۈركىيە)

ئابدۇلھەمىد قاراخان (ئۇيغۇر ئاكادېمىيىسى، تۈركىيە)

ئۇيغۇر مەدەنىيىتى تەتقىقاتى ئىلمىي مۇھاكىمە يىغىنى كۈنتەرتىپى

(ئۇيغۇر ئاكادېمىيىسى 9 – نۆۋەتلىك ئۇيغۇر پەن – تەتقىقاتچى، ئەدىب ۋە مۇتەخەسىسلەر ئۇچرىشىشى)

ۋاقتى: 2017 – يىلى 11 – ۋە 12 – نويابىر

ئورنى: فاتىھ سۇلتان مەھمەت ۋەقىپ ئۇنىۋېرسىتېتى مۇدىرىيەت بىناسى، ئىستانبۇل فاتىھ رايۇنى

10- نويابىر شەنبە

09:30 – 08:30 : قاتناشقۇچىلار تىزىملىتىش

10:00 – 09:30 : ئېچىلىش نوتۇقلىرى

1- بۆلەك: قەدىمقى ئۇيغۇر مەدەنىيىتى (12:00 – 10:00)

يىغىن باشقۇرغۇچى: پروفېسسور ئالىمجان ئىنايەت

10:25 – 10:00 : تۈرك قەدىمقى دەۋىرلىرىدە ئۇيغۇرلار

پروفېسسور قونۇرئالپ ئەرجىلاسۇن (غازى ئۇنىۋېرسىتېتى تارىخ بۆلۈمى)

10:55 – 10:30 : ئۇيغۇر تارىخى ۋە مەدەنىيىتىنى چۈشىنىشتە جۇغراپىيە بىلىشنىڭ مۇھىملىقى

دوتسېنت كۈرشات يىلدىرىم (ئىستانبۇل ئۇنىۋېرسىتېتى تارىخ بۆلۈمى)

11:25 – 11:00 : قەدىمىي ئۇيغۇر مەدەنىيىتى ۋە دەسلەپكى تىل تەتقىقاتى

دوتسېنت مۇرات ئەلمالى (ئىستانبۇل ئۇنىۋېرسىتېتى تىل تەتقىقاتى بۆلۈمى)

11:55 – 11:30 : قەدىمقىي ئۇيغۇرلاردا كۆپ تىللىق بولۇش ۋە تەرجىمە خىزمەتلىرى ھەققىدە

ياردەمچى دوتسېنت مەغپىرەت كامال يۇنۇسئوغلى (بەيكەنت ئۇنىۋېرسىتېتى تۈرك تىلى ۋە ئەدەبىياتى بۆلۈمى)

12:30 – 12:00 : ئۇيغۇر سەنئىتىدىن ئارىيە (ئۇيغۇر سەنئەتچى مۇختەر ئابدۇكېرىم جانباز، شىۋىتسىيە)

13:30 – 12:30 : چۈشلۈك تاماق

2- بۆلەك: ئىسلامىيەتتىن كېيىنكى ئۇيغۇر مەدەنىيىتى (15:30 – 13:30)

يىغىن باشقۇرغۇچى: پروفېسسور سائادەتتىن ياغمۇر گۆمەچ

13:55 – 13:30 : خىتاينىڭ مىتو-ئىستىراتىگىيەلىك ئۇسۇلى ۋە ئاسمىلاتسىيە

پروفېسسور ئالىمجان ئىنايەت (ئەگە ئۇنىۋېرسىتېتى تۈرك دۇنياسى تەتقىقات ئېنىستىتوتى)

14:25 – 14:00 : ئۇيغۇر خەلق ئېغىز ئەدەبىياتىدا قىسسەلەرنىڭ ئۇيغۇر مەدەنىيىتىگە بولغان تەسىرى

دوتسېنت گۈلبەھرەم مولوتوۋا (ئالمۇتا شەرقشۇناسلىق ئېنستىتوتى، قازاقىستان)

14:55 – 14:30 : ئۇيغۇر خەلىق لەتىپىلىرى

ياردەمچى دوتسېنت ئەھمەد قارامان (ئافيون كوجاتەپە ئۇنىۋېرسىتېتى ھازىرقى زامان تۈرك تىللىرى ۋە ئەدەبىياتلىرى بۆلۈمى)

15:25 – 15:00 : ئېتنىك ۋە تارىخى مەنبەلەر بىلەن ئۇيغۇر – تۈرك مۇزىكىلىرىنىڭ خىتاي مۇزىكىسىغا بولغان تەسىرى: ئۇيغۇر چالغۇ ئەسۋاپلىرىنىڭ خىتاي مۇزىكىسىدىكى ئورنى

دوكتور پەرھات تەڭرىتاغلى (مۇستەقىل تەتقىقاتچى)

16:00 – 15:30 : ئۇيغۇر سەنئىتىدىن ئارىيە (تۈرك سەنئەتچى بۈنيامىن ئاقسۇنگۇر)

16:30 – 16:00 : چاي ۋە قەھۋە

3- بۆلەك: يېقىنقى زامان ئۇيغۇر مەدەنىيىتى (18:30 – 16:30)

يىغىن باشقۇرغۇچى: دوتسېنت كۈرشات يىلدىرىم

16:55 – 16:30 : قازاقىستاندىكى ئۇيغۇرلارنىڭ غەيرى ماددىي مەدەنىيىتى ھەققىدە تەتقىقات

دوتسېنت ئادەم ئۆگەر (نەۋشەھىر ھاجى بەكتاش ۋەلى ئۇنىۋېرسىتېتى تۈرك خەلق بىلىمى بۆلۈمى)

17:25 – 17:00 : 20 – ئەسىرنىڭ باشلىرىدا ئۇيغۇرلارنىڭ مىللىي كۆرەشى

ياردەمچى دوتسېنت مىنارا ئالىيېۋا چىنار (ئۇلۇغتاغ ئۇنىۋېرسىتېتى پىداگۇگىكا بۆلۈمى)

17:55 – 17:30 : ئۇيغۇر مەدەنىيىتىدە سالاملاشما

ياردەمچى دوتسېنت نەشە ھاربالىئوغلۇ (نەۋشەھىر ھاجى بەكتاش ۋەلى ئۇنىۋېرسىتېتى ھازىرقى زامان تۈرك تىللىرى ۋە ئەدەبىياتلىرى بۆلۈمى)

18:25 – 18:00 : سوپىلارنىڭ مەركىزى ئاسىيا ھۆكۈمدارلىرىنىڭ سىياسىتىگە بولغان تەسىرلىرى

دوكتور ئەلۋىرا مولوتوۋا (ئالمۇتا شەرقشۇناسلىق ئېنستىتوتى، قازاقىستان)

19:00 – 18:30 : ئۇيغۇر سەنئىتىدىن ئارىيە (ئۇيغۇر سەنئەتچى مۇختەر ئابدۇكېرىم جانباز، شىۋىتسىيە)

12- نويابىر يەكشەنبە

10:00 – 09:30 : قاتناشقۇچىلار تىزىملىتىش ۋە ئېچىلىش نوتۇقى

4- بۆلەك: قەدىمقى ئۇيغۇر مەدەنىيىتى (12:00 – 10:00)

يىغىن باشقۇرغۇچى: پىروفېسسور قونۇرئالپ ئەرجىلاسۇن

10:25 – 10:00 : ئۇيغۇر تۈركلىرىنىڭ داستانلىرى ۋە مەدەنىيىتى ھەققىدە

پروفېسسور سائادەتتىن ياغمۇر گۆمەچ (ئەنقەرە ئۇنىۋېرسىتېتى تارىخ بۆلۈمى)

10:55 – 10:30 : ئۇيغۇر خاقانلىرىنىڭ خىتاي مەلىكىلىرى بىلەن توي قىلىش مەسىلىسى

ياردەمچى دوتسېنت ئەلى ئەھمەتبەگئوغلى (ئىستانبۇل ئۇنىۋېرسىتېتى تارىخ بۆلۈمى)

11:25 – 11:00 : ئۇيغۇر تۈركلىرىنىڭ مۇزىكا مەدەنىيىتى ھەققىدە

ياردەمچى دوتسېنت ئەردەم ئۆزدەمىر (ئۇلۇغتاغ ئۇنىۋېرسىتېتى تۈرك مۇزىكىسى ۋە سەنئىتى بۆلۈمى)

11:55 – 11:30 : ئۇيغۇرلاردا ئاياللارنىڭ چاچ ئۆرۈمىسى ۋە ئۇنىڭ مەنىسى

دوكتور گۈلزادەم تەڭرىتاغلى (مىمار سىنان گۈزەل سەنئەتلەر ئۇنىۋېرسىتېتى دۆلەت سەنئەت ئۆمىكى)

12:30 – 12:00 : ئۇيغۇر سەنئىتىدىن ئارىيە (ئۇيغۇر سەنئەتچى رىدا ئابلىمىت، گىرمانىيە)

13:30 – 12:30 : چۈشلۈك تاماق

5- بۆلەك: يېقىنقى زامان ئۇيغۇر مەدەنىيىتى (15:30 – 13:30)

يىغىن باشقۇرغۇچى: دوتسېنت ئادەم ئۆگەر

13:55 – 13:30 : لۇتپۇللا مۇتەللىپ ۋە ھازىرقى زامان ئۇيغۇر مەدەنىيىتى

پىروفېسسور سەيپۇللاھ ئابدۇللايىۋ (ئىسسق كۆل دۆلەت ئۇنىۋېرسىتېتى رۇس تىلى ۋە ئەدەبىياتى بۆلۈمى، قىرغىزىستان)

14:25 – 14:00 : چوقان ۋەلىخانوۋنىڭ ئۇيغۇر ئىجتىمائىي جەمىئىيىتى ۋە ئۇيغۇر مەدەنىيىتى ھەققىدىكى مۇلاھىزىلىرى

دوتسېنت دىنچئەر كوچ (ئىستانبۇل ئۇنىۋېرسىتېتى ئەدەبىيات فاكۇلتىتى)

14:55 – 14:30 : ئۇيغۇرلارنىڭ ئېلىپبە مەدەنىيىتى ۋە 20-ئەسىردە ئۇيغۇر ئېلىپبەلىرى

ياردەمچى دوتسېنت راھىلە قەشقىرى (ئىستانبۇل ئۇنىۋېرسىتېتى ھازىرقى زامان تۈرك تىللىرى ۋە ئەدەبىياتلىرى بۆلۈمى)

15:25 – 15:00 : مەركىزى ئاسىيا دۆلەتلىرىدە ئۇيغۇر نۇپۇسىنى تەكشۈرۈشتىكى مەسىلىلەر

دوكتور زۆھرە ئابدۇماناپوۋا (ئىسسق كۆل دۆلەت ئۇنىۋېرسىتېتى رۇس تىلى ۋە ئەدەبىياتى بۆلۈمى، قىرغىزىستان)

16:00 – 15:30 : ئۇيغۇر سەنئىتىدىن ئارىيە (ئۇيغۇر سەنئەتچىلەردىن دوكتور پەرھات تەڭرىتاغلى ۋە دوكتور گۈلزادەم تەڭرىتاغلى)

16:30 – 16:00 : يېپىلىش مۇراسىىمى

17:00 – 16:30 : ئۇيغۇر مەدەنىيىتى كۆرگەزمىسى

بۇ ئىلمىي مۇھاكىمە يىغىنىنىڭ ئىلگىرىكىدىنمۇ يوقىرى سۈپەتتە، پىلانلىق ۋە تەرتىپلىك ئېلىپ بېرىلىشى ئۈچۈن يىغىن ھەققىدە تۆۋەندىكىدەك قارار ئېلىندى:

1) بۇ قېتىملىق يىغىندا ئەڭ كۆپ بولغاندا 20 تەتقىقاتچى دوكلات سۇنىدىغان بولۇپ، دوكىلات سۇنغۇچى تەتقىقاتچىلار چوقۇم تۈركولوگىيە، ئارخىئولوگىيە، تارىخ، پەلسەپە، جەمىئىيەتشۇناسلىق، ئىنسانشۇناسلىق ۋە دىنى ئىلىملەر بويىچە دوكتورلوق ئۇنۋانى ئالغان بولۇشى كىرەك.

2) يىغىننىڭ دوكلات تىلى تۈركچە ۋە ئۇيغۇرچە بولۇپ، دوكىلات بەرگۈچى تەتقىقاتچىلار چوقۇم يا ئۇيغۇرچە ياكى تۈركچە سۆزلىشى ۋە مۇناسىۋەتلىك ماقالىسىنىمۇ تۈركچە ياكى ئۇيغۇرچە تەييارلىشى تەلەپ قىلىنىدۇ.

3) ھەر بىر دوكىلات بەرگۈچى تەتقىقاتچىغا بېرىلگەن سۆزلەش ۋاقتى 25 مىنۇت ۋە سوئال-جاۋاب ۋاقتى 5 مىنۇت بولۇپ، جەمئىي 30 مىنۇتتۇر. شۇڭا دوكىلات سۇنغۇچى تەتقىقاتچىلار تەييارلىغان PPT ھۆججىتى ئەڭ كۆپ بولغاندا 20 بەتتىن كۆپ بولماسلىقى كىرەك. يىغىننىڭ پىلانلانغان كۈنتەرتىپ بويىچە ئېلىپ بېرىلىشى ئۈچۈن، تەتقىقاتچىلارنىڭ دوكلات سۇنۇش ۋاقتىغا ئاڭلىق ھالدا رىئايە قىلىشى تەلەپ قىلىنىدۇ ۋە قەتئىي ئىجرا قىلىنىدۇ.

4) بۇ ئىككى كۈنلۈك يىغىندا دوكىلات سۇنغۇچى تەتقىقاتچىلار ئۈچۈن 11-ئاينىڭ 10- ۋە 13- كۈنلىرى بولۇپ تۆت كۈنلۈك ياتاق زاكاس قىلىنىدۇ. 11-ئاينىڭ 13-كۈنى بىر كۈن دېڭىز بوغازى سەيلىسى ۋە دالا كاۋاپى پائالىيىتى ئورۇنلاشتۇرۇلىدۇ. دوكلات بەرگۈچى تەتقىقاتچىلارنىڭ بۇ تۆت كۈنلۈك ياتاق ۋە تاماق راسخۇتلىرىنى ئۇيغۇر ئاكادېمىيىسى ئۆز ئۈستىگە ئالىدۇ.

5) دوكىلات بەرگۈچى تەتقىقاتچىلار ئايرۇپىلان بىلىتى راسخۇتىنى ئۆزى ئۈستىگە ئالىدۇ. ئۇيغۇر ئاكادېمىيىسى مۇناسىۋەتلىك ئورگانلار بىلەن ئالاقە قىلىپ ماددىي ياردەم ئالالىسا، ئايرۇپىلان بېلىتى راسخۇتىنى ئۇيغۇر ئاكادېمىيىسى تۆلەيدۇ.

6) مۇناسىۋەتلىك ئورگانلارغا يىغىن لاھىيەسى سۇنۇلۇپ، ماددىي ياردەم قولغا كەلتۈرۈپ يىغىننىڭ غەلبىلىك ئېچىلىشى ئۈچۈن، دوكلات بەرگۈچى تەتقىقاتچىلارنىڭ ئەڭ كەچ 2017-يىلى 7-ئاينىڭ 9-كۈنىگىچە دوكلات تېمىسى، قىسقىچە مەزمۇنى  (Abstract) ۋە ئۆز تەرجىمىھالىنى ئۇيغۇر ئاكادېمىيىسى رەسمىي ئېلخەت ئادرىسى uyghuracademy@gmail.com غا ئەۋەتىپ بېرىشىنى تەلەپ قىلىمىز.

7) تۈركىيىگە ۋىزا ئېلىش زۆرۈرىيىتى بار تەتقىقاتچىلار www.evisa.gov.tr تور بېتىگە كىرىپ ئېلېكترونلۇق ۋىزا ئالالايدۇ. يىغىن تەكلىپنامىسىگە ئىھتىياجى بولغان ۋە ۋىزا ئېلىشىدا قىيىنچىلىق كۆرۈلگەنلەرگە ئۇيغۇر ئاكادېمىيىسى ياردەم قىلىدۇ.

8) دوكلاتى قوبۇل قىلىنغان تەتقىقاتچىلارنىڭ ئەڭ كەچ 2017-يىلى 11-ئاينىڭ 7-كۈنىگىچە دوكلات ھۆججىتى ۋە ماقالىسىنى ئۇيغۇر ئاكادېمىيىسى رەسمىي ئېلخەت ئادرىسى uyghuracademy@gmail.com غا ئەۋەتىپ بېرىشىنى تەلەپ قىلىنىدۇ.

ئۇيغۇر ئاكادېمىيىسى بۇ ئىلمىي مۇھاكىمە يىغىنىنىڭ ئىلگىرىكىدىنمۇ يوقىرى سۈپەتلىك، پىلانلىق ۋە تەرتىپلىك ئېلىپ بېرىلىشى ئۈچۈن تىرىشچانلىق كۆرسەتمەكتە. شۇڭا ئۇيغۇر تەتقىقاتچىلىرىمىزنىڭ ئاكادېمىيەگە قىممەتلىك تەكلىپ ۋە تەنقىدى پىكىرلىرىنى ئايىماسلىقىنى ئۈمىد قىلىمىز.

– ئۇيغۇر ئاكادېمىيىسى دائىمىي ھەيئەت كومىتېتى

قوشۇمچە: ئۇيغۇر ئاكادېمىيىسى ئۇيغۇر زىيالىلارنىڭ ئۆز ئارا ھەمكارلىقىنى ئەمەلگە ئاشۇرۇشىغا تۈرتكە بولۇش، ئىلىم – پەن ئارقىلىق ئۇيغۇر مىللىي روھىنى ئويغۇتۇپ، ئۇيغۇر مىللىي كىملىكىنى قوغداش ۋە ئۇيغۇرلار ئىھتىياجلىق مۇھىم ساھەلەردە ئىختىساسلىق خادىملارنىڭ يېتىشىپ چىقىشىنى مەقسەت قىلغان ھالدا، 2009-يىلى 9-سىنتەبىردە ئىستانبۇلدا قۇرۇلغان قانۇنلۇق بىر ئۇيغۇر تەتقىقاتى جەمىئىيەتىدۇر. ئاكادېمىيە سەككىز يىلدىن بېرى، ئېيتىپ تۈگەتكۈسىز ماددىي ۋە مەنىۋى قىيىنچىلىقلارنى يېڭىپ، يىللاردىن بېرى ھەرخىل  ئەھمىيەتلىك ئىلمىي پائالىيەتلەرنى ئۇيۇشتۇرۇپ كەلمەكتە.

بۇ  خىل ئىلمىي پائالىيەتلەر، دۇنيانىڭ ھەرقايسى جايلىرىدا ئىلىم-مەرىپەت ئىشقىدا كۆيۈپ، جاپالىق تەتقىقات ئېلىپ بېرىۋاتقان، ئىزدىنىۋاتقان ئۇيغۇر پەن-تەتقىقاتچىلىرى ۋە ئوقۇغۇچى زىيالىلارنىڭ ئۆزئارا ئۇچرىشىشى ۋە پىكىر ئالماشتۇرۇشى ئۈچۈن شارائىت يارىتىپ، ۋەتەن-ئىچى سىرتىدىكى خەلقىمىزگە زور  ئۈمىد ۋە ئىلھام بېرىپ كەلمەكتە. ياش ئەۋلادلارنىڭ ئىلىم-پەنگە بولغان ئىشتىياقىنىڭ كۈچىيىشىگە، مىللىي رۇھ ۋە مىللىي ئاڭنىڭ يۈكسىلىشىدەك بىر ئىلمىي كەيپىياتنىڭ جۇش ئۇرۇشىغا تۈرتكە بولماقتا. ئەلۋەتتە، بۇ نەتىجىلەر مۇشۇ قۇرلارنى ئوقۇپ ئولتۇرغان ھەربىر مەرىپەتپەرۋەر ئۇيغۇر قېرىندىشىمىزنىڭ پىداكارلىقى، ئۆز مىللىتىگە بولغان مۇھەببىتى ۋە مەسئۇليەتچانلىقىنىڭ نەتىجىسىدۇر.

Email this to someoneTweet about this on TwitterShare on LinkedIn0Print this pageShare on Facebook33Share on Google+0

يازغۇچى ھەققىدە

ماقالە سانى : 1112

ئاكادېمىيە ئورگان تورى ©

ئۈستىگە قايتىش