ئۇيغۇرچە    Uyghurche    Уйғурчә   
  • «3-نۆۋەتلىك مىللىي مەپكۇرە ۋە تەشكىلاتچىلىق كۇرسى» 2019-يىلى 5-ۋە 6-ئۆكتەبىر شەنبە-يەكشەنبە كۈنلىرى ئىستانبۇلدا ئېچىلدى. ...
سىزنىڭ ئورنىڭىز: باشبەت » ئەدەبىيات گۈلزارى » مېنىڭ گېمىنىم (مىللىي مارشىم)

مېنىڭ گېمىنىم (مىللىي مارشىم)

دولقۇن ياسىن

مېنىڭ گېمىنىم – شاراقلىغان كىشەنلەرنىڭ ساداسى،

سۈرلۈك قاتىل تۈرمىلەرگە ۋەس-ۋەس سېلىپ چېقىلغان.

پەرزەنتىدىن جۇدا بولغان ئانىلارنىڭ نىداسى،

مېنىڭ گېمىنىم-مەشئەل ھەربىر مىسكىن دىلغا يېقىلغان.

*

مېنىڭ گېمىنىم – جاھالەتنىڭ باغرىن يارار قوڭغۇراق،

بىغەملەرگە ئۇيقۇ بەرمەي كېچە كۈندۈز چېلىنغان.

ئۇنىڭ ئۆمرى ئەسرلەردىن، مىڭ يىللاردىن ئۇزاقراق،

ئادىمىزات يارالغان كۈن ئۇمۇ ئەنگە ئېلىنغان.

*

نامى ئۇنىڭ ئەركىنلىكتۇر، نامى ئۇنىڭ ئىستىقلال،

ھاياتتىنمۇ شېرىن ئۆزى ھاياتتىنمۇ قەدىرلىك.

سەردار كەبى شىددەتلىك ئۇ، ئانىلاردەك مېھرىبان،

باتۇرلاردەك جاسارەتلىك، دانىشمەندەك سەۋىرلىك.

*

مېنىڭ گېمىنىم – مەغلۇپلارنىڭ غالىپ بولۇش ناخشىسى،

ئىشەنچسىزلىك زەنجىرلىرىن پارە-پارە ئەيلىگەن.

ئۇنى ئېيتار مىلىيونلار، خائىنلاردىن باشقىسى،

ئۈمىدسىزلىك قەلئەسىنى دادىل بولۇپ چەيلىگەن.

*

مەنبە: قىرغىزىستان «ئىتتىپاق» گېزىتى، 1998-يىل 1-ئاۋغۇست كۈنى چىققان 39-سانى

ئوڭدىن سولغا: ئوسمانجان ساۋۇت، دولقۇن ياسىن، ئابدۇرېھىم ئۆتكۈر، تۇرغۇن ئالماس، تۇردى سامساق

ئاكادېمىيە ئورگان تورى ©

ئۈستىگە قايتىش