You Are Here: Home » ئەدەبىيات گۈلزارى » «يول» ناملىق رومانىدا ئىشلىتىلگەن «تۈركىي تىللار دىۋانى» دىكى قوشاق ۋە ھېكمەتلىك سۆزلەر.

«يول» ناملىق رومانىدا ئىشلىتىلگەن «تۈركىي تىللار دىۋانى» دىكى قوشاق ۋە ھېكمەتلىك سۆزلەر.

«يول» ناملىق رومانىدا ئىشلىتىلگەن «تۈركىي تىللار دىۋانى» دىكى قوشاق ۋە ھېكمەتلىك سۆزلەر
ھەبىبۇللا ئابلىمىت

قىلىچىمىز بىلەن شۇنداق بىر يول ئاچايلىكى، ئۆندەرىگەكلەر ھوشىنى تاپسۇن، ئەلنىڭ ئىشى تۈزەلسۇن. توقلىلار بىلەن بۆرىلەر خاتىرجەم بىللە ياشايدىغان بولسۇن، بىزدىن غەم-قايغۇ كەتسۇن.

مەن تەڭرىنىڭ دۆلەت قۇياشىنى تۈركلەر بۇرجىدا توغدۇرغانلىقىنى ۋە پەلەكنىمۇ شۇلارنىڭ زېمىنى ئۈستىدە چۆگىلەتكەنلىكىنى كۆردۈم.

سۈرەن چىقسا، ئۇرۇق-تۇققان جەملىشەر،
دۈشمەن كەلسە، خەلق توپى تەۋرىشەر.

كۈيلەر تولۇق تۈزۈلدى،
ئىۋرىق، ئىدىش تىزىلدى.
سەنسىز ئۆزىكىم ئۈزۈلدى،
كەل خاتىرجەم ئوينايلى.

تاغ تۆپەسى ياشاردى،
قۇرۇق ئوتنى يوشۇردى.
كۆل سۈيىنى تاشۇردى،
سىيىر بۇقا مۆرىشۇر.

تۈرلۈك چېچەك ئىچىلدى،
كىمخاپ سېلىنچا سېلىندى،
جەننەت يېرى كۆرۈلدى،
قىش ئەمدى كەلمەسكە كەتتى.

قىرقىراپ ئاتنى سالايلى
قالقان – نەيزە ئۇرايلى
قايناپ يەنە يۇمشايلى
قاتتىق دۈشمەن بوشىسۇن.

قىشقا راسلان كېلىش بىلەن قۇتلۇق ياز،
تۈن-كۈن كېچىپ تۈگەيدۇ زامان بىلەن ئاي

قۇيرۇقىنى قاتتىق تۈگدۇق،
تەڭرىگە كۆپ ھەمدۇ سانا ئېيتتۇق.
ئاتنى دېۋىتىپ تەگدۇق،
ئالداپ يەنە قاچتۇق.

زامان پۇرسەت كۆزەتتى،
ئوغرى تۇزىقىنى قۇردى.
بەگلەر بېگىنى ئازدۇردى،
قاچسا قانداق قۇتۇلار؟

ئەردى ئۇزا ئەرەنلەر
ئەردەم بايى بىلىك تاغ
ئايدى ئۈكۈش ئۈگۈتلەر
كۆڭلۈم بولۇر ئانار ساغ

تۇلپارىم يۈگۈرۈك بولدى،
يۈگۈرۈك بولۇشنى مۇناسىپ كۆردى.
بۇلۇت چىقىپ كۆك قاپلىدى،
تۇمان تۇرۇپ، مۆلدۈر ياغدى.

قۇشنىڭ ئەسكىسى سېغىزخان،
ياغاچنىڭ ئەسكىسى ئازغان.
يەرنىڭ ئەسكىسى قازغان،
خەلقنىڭ ئەسكىسى بارسغان (خۇيى ئەسكى).

زامان پۈتۈنلەي ئاينىدى،
ئۇسال كىشىلەر تەۋرىدى،
پەزىلەت تامامەن سىيرەكلەشتى،
دۇنيا بېگى يوقىلىپ.

ئىگەمنى ماختايمەن،
بىلىمنى توپلايمەن.
كۆڭۈلنى تۈگىمەن،
پەزىلەت ئۈستىگە يۆگىلىدۇ.

مۇز دانچىسىنى ئۈنچە ھېساپلىماڭ،
سوۋغاتنى مانچا دەپ سەزمەڭ.
ئېرىشمىگەن نەرسىگە سۆيۈنمەڭ،
بىلىملىكلەر ئۇنى ياقتۇرمايدۇ.

ساڭا قاتتىق كۈن كەلسە
بۇمۇ كېتەر دەپ سەۋر قىل
زاماننىڭ ئىشىنى بىلىپتۇر
ئۇنىڭغا شۇنچىلىك تىرەنگىن

كۆرۈپ مېنى ئەملىدى،
ماڭا قاراپ ئىملىدى.
كۆڭلۈم توڭلىغان پېتى قالدىم،
قايغۇ مېنى ھارغۇزدى.

زامان كۈنلىرى ئالدىراپ ئۆتۇپ،
ئىنساننىڭ كۈچىنى ئاجىزلىتۇر.
ئادەملەردىن دۇنيانى بوشىتۇپ،
ئۆلۈمدىن قاچسا يەنە ئارتىلۇر.

قۇشنىڭ ئەسكىسى سېغىزخان،
ياغاچنىڭ ئەسكىسى ئازغان.
يەرنىڭ ئەسكىسى قازغان،
خەلقنىڭ ئەسكىسى بارسغان.

ئەسكەرتىش: ئۇيغۇر ئاكادېمىيىسى تور بېتىدىكى يازمىلار ئاپتورنىڭ ئۆزىنىڭ كۆز-قارىشىغا ۋەكىللىك قىلىدۇ. تور بېتىمىزدىكى يازمىلارنى مەنبەسىنى ئەسكەرتكەن ھالدا كۆچۈرۈپ كەڭ تارقىتىشقا بولىدۇ.

ئاكادېمىيە ئورگان تورى ©

Scroll to top