• 2020-يىلى 21-مارت قۇتلۇق نورۇز كۈنىدە قۇتادغۇ بىلىگ ئىنىستىتۇتى ئۇيغۇر ئاكادېمىيىسى تەركىبىدە قۇرۇلدى. ...
You Are Here: Home » ئاكادېمىيە ھەققىدە

ئاكادېمىيە ھەققىدە

ئۇيغۇر ئاكادېمىيىسى 2009-يىلى 9-ئاينىڭ 9-كۈنى ئىستانبۇلدا ئوقۇ-ئوقۇتۇش ۋە ئىلمىي تەتقىقات بىلەن شۇغۇللىنىۋاتقان توققۇز ئۇيغۇر زىيالىسى تەرىپىدىن قۇرۇلغان، تۈركىيە دۆلىتى تەرىپىدىن تەستىقلىنىپ رەسمىي ئەنگە ئېلىنغان، ھەم شۇنداقلا، دۇنيانىڭ ئوخشىمىغان دۆلەت ۋە رايۇنلىرىدا ئىشلەۋاتقان ئۇيغۇر پەن-تەتقىقاتچى، ئەدىب ۋە مۇتەخەسىسلەر بىلەن ئالىي مەكتەپلەردە ئوقۇۋاتقان ئۇيغۇر ئوقۇغۇچىلار بولۇپ يۈزلەرچە ئۇيغۇر زىيالىلىرىدىن تەشكىل تاپقان پىداكار ئەزالىرى بىلەن بىرلىكتە، ئۇيغۇر پەن – مائارىپىنىڭ تەرەققىياتى، ئۇيغۇر مىللىي روھىنىڭ ئويغىنىشى ۋە ئۇيغۇر ئىختىساسلىق خادىملىرىنىڭ يېتىشىپ چىقىشى ئۈچۈن خىزمەت قىلىدىغان  بىر ئىلمىي ئورگاندۇر.

ئاكادېمىيەنىڭ بۇرچى

ئۇيغۇر زىيالىلارنىڭ ئۆز ئارا ھەمكارلىقىنى ئەمەلگە ئاشۇرۇشىغا تۈرتكە بولۇپ، ئۇيغۇر مىللىي روھىنى ئويغۇتۇش ۋە مىللىي كىملىكىنى قوغداش بىلەن بىرلىكتە، ئۇيغۇرلار ئىھتىياجلىق مۇھىم ساھەلەردە ئىختىساسلىق خادىملارنىڭ يېتىشىپ چىقىشى ئۈچۈن خىزمەت قىلىش

ئاكادېمىيەنىڭ نىشانى

قۇتادغۇ بىلىگ ئېنىستىتوتى قۇرۇش ئۇنى ئۇيغۇرلار تەرىپىدىن قۇرۇلغان بىر ئۇنىۋېرسىتېتقا ئايلاندۇرۇپ، ئۇيغۇرلارنىڭ مىللىي مەۋجۇتلۇقىنى قوغداش ۋە تەرەققىي قىلدۇرۇش ئۈچۈن ھەر ساھەدە مىللەتكە ياراملىق ياشلارنى يېتىشتۈرۈش

ئاكادېمىيە تەشكىلىي قۇرۇلمىسى

ئۇيغۇر ئاكادېمىيسى قۇرۇلغاندىن بېرى، تۈركىيە، ياۋروپا، ئامېرىكا، ياپونىيە، ئاۋىستىرالىيە ۋە ئۇيغۇر دىيارىدىن بۇلۇپ، جەمئىي 20 دۆلەتتىن يۈزلەرچە ئۇيغۇر زىيالىلىرىنىڭ ئۇيغۇر ئاكادېمىكلار كېڭىشى ئەزاسى، ئاكادېمىيە ئەزاسى، ئاكادېمىيە كاندىدات ئەزاسى ۋە ئاكادېمىيە ۋەكىلى بولۇپ كىرىشى بىلەن ئۇيغۇرلارنىڭ پەن-مائارىپى ۋە مىللىي ئېڭىنىڭ يۈكسىلىشى ئۈچۈن خىزمەت قىلىدىغان ئىلمىي بىر جەمىئىيەتكە ئايلاندى.

2010-يىلى 5-ئاينىڭ 8-كۈنى، 2012-يىلى 11-ئاينىڭ 18-كۈنى، 2015-يىلى 8-ئاينىڭ 23-كۈنى ۋە 2018-يىلى 8-ئاينىڭ 24-كۈنلىرىدە، ئىستانبۇلدا چاقىرىلغان ئۇيغۇر ئاكادېمىيىسىنىڭ تۆت قېتىملىق دېمۇگراتىك يۈشۈرۈن ئاۋازدا ئېلىپ بېرىلغان ئومۇمىي سايلاملىرى ئارقىلىق، ئۇيغۇر ئاكادېمىيىسى تەشكىلىي قۇرۇلمىسىدىكى كەم تەرەپلەر تۇلۇقلىنىپ ۋە مۇكەممەللىشىپ، بۈگۈنكىدەك مۇھاجىرەتتە تەسىرى كۈچلۈك ۋە تەشكىلىي خىزمەتلىرى سىستېمىلاشقان بىر «ئۇيغۇر ئاكادېمىك تەتقىقاتچىلار جەمىئىيىتى» – ئۇيغۇر ئاكادېمىيىسى بارلىققا كەلدى.

2018-يىلى 24-ئاۋغۇستتىن كۈنىمىزگىچە تۈركىيەدىكى مەركىزى ئۇيغۇر ئاكادېمىيسىدە ۋەزىپە ئۆتەۋاتقان ئاساسلىق دائىمىي ھەيئەت ئەزالار

رەئىس: پىروفېسسور دوكتور ئالىمجان ئىنايەت،

ئىجرائىيە رەئىسى: ئابدۇلھەمىد قاراخان،

مۇئاۋىن رەئىس: دوكتور مەغپىرەت كامال،

باش كاتىپ: دوكتور پەرھات تەڭرىتاغلى،

دائىمىي ھەيئەت ئەزالىرى: دوكتور شەۋكەت ناسىر، دوتسېنت دوكتور بۇرھان ئۇلۇغيول، دوكتور مۇھەممەت قۇربان ۋە دوكتور مەغپىرەت ئابدۇۋەلى

باش نازارەتچى: دوكتور گۈلزادە تەڭرىتاغلى،

نازارەتچىلەر: دوختور مەمەتئېلى ھاپىز ۋە ئابابەكرى ئۆزئۇيغۇر

ئۇيغۇر ئاكادېمىيسى خىزمەت بۆلۈملىرى: ئاكادېمىك تەتقىقات بۆلۈمى، تەرجىمە – تەھرىر بۆلۈمى، ئوقۇغۇچى ئىشلىرى بۆلۈمى، مېدىيا-تاراتقۇ بۆلۈمى، ئىدارە ئىشلار ۋە مالىيە بۆلۈمى

ئۇيغۇر ئاكادېمىيىسىگە قاراشلىق ئورگانلار

خىتاي تەتقىقاتى ئىنىستىتۇتى

خىتاينىڭ تارىخى، سىياسەت، ئىقتىساد ۋە جەمئىيەت قۇرۇلمىسى، خىتاينىڭ دۇنيا ئىقتىسادى ۋە سىياسىتىدىكى ئورنى، خىتاينىڭ ئەنئەنىۋى تۈركىستان ۋە تۈركىيە سىياسىتى، بىر بەلۋاغ بىر يول قۇرۇلۇشىنىڭ ئۇيغۇرلار، تۈركىيە ۋە تۈرك دۇنياسىغا بولىدىغان تەسىرى قاتارلىق تېمىلاردا تەتقىقات ئېلىپ بېرىشنى مەقسەد قىلىپ، ئۇيغۇر ئاكادېمىيىسىنىڭ دائىمىي ھەيئەت ئەزالىرى 2019-يىلى 9-نويابىر كۈنىدىكى يىغىندا ئۇيغۇر ئاكادېمىيىسى نىزامنامىسىنىڭ 3-ماددا (3) تارمىقىغا ئاساسەن ئاكادېمىيەگە باغلىق خىتاي تەتقىقاتى ئىنستىتۇتى قۇردى. ئاكادېمىيىنىڭ رەئىسى پروفېسسور دوكتور ئالىمجان ئىنايەتنىڭ تەستىقلىشى ۋە ئاكادېمىيە دائىمىي ھەيئەتلىرىنىڭ قوشۇلىشى بىلەن دوكتور پەرھات قۇربان تەڭرىتاغلى خىتاي تەتقىقاتى ئىنستىتۇتىنىڭ مۇدىرى بولۇپ تەيىنلەندى.

مەزكۇر ئىنىستىتۇت ھەققىدە تەپسىلىي مەلۇماتنى بۇ ئۇلانمىدىن ئوقۇڭ: خىتاي تەتقىقاتى ئىنستىتۇتى

قۇتادغۇ بىلىگ ئىنستىتۇتى

قۇتادغۇ بىلىگنى مەركەز قىلغان ھالدا ئۇيغۇرلارنىڭ تىلى، مائارىپى، ئەدەبىياتى، تارىخى، دىنى، مەدەنىيىتى، سەنئىتى، فولكلورى، ئىقتىسادى، پەن-تېخنىكا ۋە سىياسىي ۋەزىيىتى قاتارلىق ساھەلەر بويىچە تەتقىقات ئېلىپ بېرىپ، ئۇيغۇر خەلىقىنىڭ پەلسەپە، سىياسەت ۋە دۆلەتچىلىك تارىخىغا قوشقان تۆھپىلىرىنى مۇئەييەنلەشتۈرۈش ۋە بۇ تارىخىي تەجرىبىلەر ئاساسىدا، ئۇيغۇر جەمئىيىتى ۋە يېقىن كەلگۈسىدە قۇرۇلىدىغان دۆلەتنىڭ ئىھتىياجلىق بولغان ساھەلەر بويىچە يېڭى بىر ئەۋلات ئىختىساسلىق كىشىلەرنى يېتىشتۈرۈش مەقسىتىدە، 47 نەپەر ئۇيغۇر، تۈرك ۋە چەتئەللىك تەتقىقاتچىنىڭ باش قوشىشى بىلەن 2020-يىلى 21-مارت قۇتلۇق نورۇز كۈنىدە دوكتور ئابلەت سەمەت ئەپەندىنىڭ يىتەكچىلىكىدە «قۇتادغۇ بىلىگ ئىنستىتۇتى» قۇرۇلدى.

مەزكۇر ئىنىستىتۇت ھەققىدە تەپسىلىي مەلۇماتنى بۇ ئۇلانمىدىن ئوقۇڭ: قۇتادغۇ بىلىگ ئىنستىتۇتى

ئۇيغۇر ئاكادېمىيىسى ئامېرىكا، ياۋرۇپا ۋە ئاۋىسترالىيە تارماقلىرى

ئۇيغۇر ئاكادېمىيىسى ئامېرىكا، ياۋرۇپا، ئاۋىسترالىيە، كانادا، ئوتتۇرا ئاسىيا ۋە ياپۇنىيە قاتارلىق دۆلەت ۋە رايۇنلاردا ئاكادېمىيەنىڭ تارماقلىرىنى قۇرۇپ، ئۇيغۇرلار ئىچىدىكى ئاۋانگارت زىيالىيلار ۋە ئوقۇغۇچىلار بىلەن بىرلىكتە مىللەت ئالدىدىكى بۇرچىمىزنى ئادا قىلىپ، مىللىتىمىزنىڭ بۇ ئېغىر مۇسىبەت كۈنلىرىدىن تىزرەك قۇتۇلۇشى ئۈچۈن خىزمەت قىلىدۇ.

ئامېرىكا، ياۋرۇپا ۋە ئاۋىسترالىيەدىكى ئۇيغۇر زىيالىيلارنىڭ يېقىنقى بىر قانچە يىللىق تىرىشچانلىقى نەتىجىسىدە، ئۇيغۇر ئاكادېمىيىسى ئامېرىكا تارمىقىنىڭ قۇرۇلۇشى ئارزۇدىن رىئاللىققا ئايلاندى.

ئۇيغۇر ئاكادېمىيىسى ئامېرىكا تارمىقى

2018 – يىلى 20 – ماي يەكشەنبە كۈنى كەچ سائەت 6:00 دە، ئامېرىكىنىڭ پايتەختى ۋاشىڭگتوندىكى ئۇيغۇر ئانا تىل مەكتىپىدە ئۆتكۈزۈلگەن «ئۇيغۇر ئاكادېمىيىسى ئامېرىكا تارمىقى» نىڭ قۇرۇلۇش يىغىنىدا، قۇرغۇچى ھەيئەتلەر ئارسىدا ئېلىپ بېرىلغان يۇشۇرۇن ئاۋازلىق سايلامدا، دوكتور ئەركىن ئابلېز يۇقۇرى ئاۋاز بىلەن «ئۇيغۇر ئاكادېمىيىسى ئامېرىكا تارمىقى» نىڭ رەئىسلىكىگە سايلاندى. نىزامنامىگە ئاساسەن، يۇشۇرۇن ئاۋازلىق دېمۇگراتىك ئۇسۇلدا ئېلىپ بېرىلغان سايلامدا سايلانغان رەئىس دوكتور ئەركىن ئابلېز نەخ مەيداندا ئۆزى بىلەن بىرگە 9 كىشلىك قۇرغۇچى دائىمىي ھەيئەتنى تاللاپ ۋەزىپىگە تەيىنلىدى.

ئامېرىكا ئۇيغۇر ئاكادېمىيسىدە ۋەزىپە ئۆتەۋاتقان ئاساسلىق دائىمىي ھەيئەت ئەزالىرى

رەئىس: دوكتور ئەركىن ئابلىز،

مۇئاۋىن رەئىس: دوكتور پەيزۇللاھ زەيدۇن،

باش كاتىپ: رۈشەن ئابباس،

مالىيە ئىشلىرى مەسئۇلى: دوختور مەمەت ئېمىن،

مېدىيا – تاراتقۇ ئىشلىرى مەسئۇلى: مۇستاپا ئاقسۇ،

دائىمىي ھەيئەت ئەزالىرى: دوكتور ئابلىز ئابدۇقادىر ۋە مۇھەممەت بۇغرا

2018 – يىلى 25 – ماي جۈمە كۈنى جورج ۋاشىڭگتون ئۇنىۋېرسىتېتىدا «ئۇيغۇر ئاكادېمىيىسى ئامېرىكا تارمىقى» نىڭ قۇرۇلۇش مۇراسىمى ئۆتكۈزۈلدى.

ئۇيغۇر ئاكادېمىيىسى ياۋرۇپا تارمىقى

ياۋرۇپا دۆلەتلىرىدە ئوقۇش ۋە تەتقىقات بىلەن شۇغۇللىنىۋاتقان ھەم شۇنداقلا ۋەتەن – مىللەت تەقدىرى ئۈسىتىدە ئىزدىنىۋاتقان ئۇيغۇر زىيالىيلارنىڭ تىرىشچانلىقى نەتىجىسىدە، 2018-يىلى 11-ئاينىڭ 10-كۈنى شەنبە چۈشتىن كېيىن سائەت 3:30 دا مىيۇنخىندا ”ئۇيغۇر ئاكادېمىيىسى ياۋرۇپا تارمىقى“ رەسمىي قۇرۇلدى.

د ۇ ق ساھىپخانىلىقىدا ئېلىپ بېرىلغان ”شەرقىي تۈركىستان مىللىي كېڭىشى“ تۈگىشىگە ئۇلىنىپلا، مىيۇنخىندىكى تۈركىيە دىيانەت ئىسلام مەدەنىيەت مەركىزىدە «ئۇيغۇر ئاكادېمىيىسى ياۋرۇپا تارمىقى» نىڭ قۇرۇلۇش مۇراسىمى ئۆتكۈزۈلدى. ئاكادېمىيە ياۋرۇپا تارمىقىدا قۇرغۇچى ھەيئەت بولۇپ ۋەزىپە ئالىدىغان ئاكادېمىيە ئەزالىرى ئارسىدا ئېلىپ بېرىلغان يۇشۇرۇن ئاۋازلىق سايلامدا، شىۋىتسارىيەدىن دوكتور ئابدۇشۈكۈر ئابدۇرېشىت يۇقۇرى ئاۋاز بىلەن «ئۇيغۇر ئاكادېمىيىسى ياۋرۇپا تارمىقى» نىڭ رەئىسلىكىگە سايلاندى. نىزامنامىگە ئاساسەن، يۇشۇرۇن ئاۋازلىق دېمۇگراتىك ئۇسۇلدا ئېلىپ بېرىلغان سايلامدا سايلانغان رەئىس دوكتور ئابدۇشۈكۈر ئابدۇرېشىت نەخ مەيداندا ئۆزى بىلەن بىرگە 18 كىشلىك قۇرغۇچى دائىمىي ھەيئەتنى تاللاپ ۋەزىپىگە تەيىنلىدى.

ياۋرۇپا ئۇيغۇر ئاكادېمىيسىدە ۋەزىپە ئۆتەۋاتقان ئاساسلىق دائىمىي ھەيئەت ئەزالىرى

رەئىس: دوكتور ئابدۇشۈكۈر ئابدۇرېشىت (شىۋىتسارىيە)،

مۇئاۋىن رەئىس: دوكتور مەمتىمىن ئابباس (فىرانسىيە)،

باش كاتىب: زۇلھايات ئۆتكۈر (شىۋىتسىيە)،

باش نازارەتچىسى: ئابدۇشۈكۈر مۇھەممەت (شىۋىتسىيە)،

مالىيە مەسئۇلى: دوكتور قەيسەر ئابدۇقادىر (شىۋىتسارىيە)،

تەشۋىقات ئىشلىرى مەسئۇلى: مۇھەممەتئېلى نىياز (گىرمانىيە)،

باشقا ھەيئەت ئەزالار: دوكتور ۋارىس ئابدۇكېرىم جانباز (فىرانسىيە)، غەييۇر قۇربان (گىرمانىيە)، ئۆمەرجان جامال (شىۋىتسىيە)، ئەلى ئەمەت (بىلگىيە)، ئادىل چىنار (گوللاندىيە)، ئۆمەرجان ئىمىن (گىرمانىيە)، ھەبىبۇللاھ ئابلىمىت (گىرمانىيە)، ئايشە مۇسا (نۇرۋىگىيە)

ئۇيغۇر ئاكادېمىيىسى ئاۋىسترالىيە تارمىقى

2019 – يىلى 08 – دېكابىر يەكشەنبە كۈنى سىدنى ۋاقتى چۈشتىن كېيىن سائەت 5:00 تە، ئاۋىسترالىيەنىڭ سىدنى ئابۇرىندىكى گاللىپولى مەسچىتى Gallipoli Mosque نىڭ ئابۇرىن جېيمىز Auburn James يىغىن زالىدا «ئۇيغۇر ئاكادېمىيىسى ئاۋىسترالىيە تارمىقى» نىڭ قۇرۇلۇش مۇراسىمى ئۆتكۈزۈلدى. يىغىنغا ئاۋىسترالىيەنىڭ سىدنى، ئادىلەيىد ۋە باشقا شەھەرلەردىكى ھەر ساھەدە خىزمەت قىلىۋاتقان كۆپ ساندا ئۇيغۇر زىيالىي قاتناشتى.

قۇرۇلۇش مۇراسىمى باشلىنىشتىن بۇرۇن ئاۋىسترالىيە ئۇيغۇر ئاكادېمىيىسى نىزامنامىسىگە ئاساسەن 14 قۇرغۇچى ھەيئەت ئەزالار ئارسىدا يۇشۇرۇن ئاۋازلىق دېمۇگراتىك سايلام ئېلىپ بېرىلىپ، ئاۋىسترالىيە ئۇيغۇر ئاكادېمىيىسى رەسمى قۇرۇلدى.

ئاۋىسترالىيە ئۇيغۇر ئاكادېمىيسىدە ۋەزىپە ئۆتەۋاتقان ئاساسلىق دائىمىي ھەيئەت ئەزالىرى

رەئىس: دوكتور ئىلھامجان سابىت

مۇئاۋىن رەئىس: دوكتور نىجات ئىمىن (يېڭى زىللاندىيە)

باش كاتىب: مەلىكىزات ئەخمەت (يېڭى زىللاندىيە)

دائىمىي ھەيئەت ئەزالار: سەلىمە كامال، پەرىزات غەيرەت، دوكتور دىلىيار بارات ۋە ئادەم ئىلھام

ئاۋىسترالىيە ئۇيغۇر ئاكادېمىيىسى ئەزالىرى: دوكتور ئىلىياس قاسىم، دوكتور نىجات ئىمىن، بەختىيار بارات، بەختىيار بۆرە، دىلشات ئابدۇۋەلى، نۇرگۇل ساۋۇت، مەستۇرە بۆرە، گۈلشەن زۇنۇن، مەلىكىزات غەيرەت، رەيھان رۇزىھاجى ۋە يۇلتۇز تېيىپجان

ۋاشىڭگتۇندا قۇرۇلغان «ئۇيغۇر ئاكادېمىيىسى ئامېرىكا تارمىقى»، مىيۇنخىندا قۇرۇلغان «ئۇيغۇر ئاكادېمىيىسى ياۋرۇپا تارمىقى» ۋە سىدنىدا قۇرۇلغان «ئۇيغۇر ئاكادېمىيىسى ئاۋىسترالىيە تارمىقى» ئامېرىكا، ياۋرۇپا ۋە ئاۋىسترالىيەدىكى ئۇيغۇر زىيالىيلار ۋە ئوقۇغۇچىلار ئىچىدىن ئەزا توپلاپ، ئۇشبۇ تەشكىلاتنى كۈچلەندۈرۈش ۋە ئەزالارنى سەرخىللاشتۇرۇش بىلەن بىرگە، ئامېرىكا، ياۋرۇپا ۋە ئاۋىسترالىيەدىكى ئۇيغۇر زىيالىيلار ۋە ئوقۇغۇچىلارنىڭ ئۆز ئارا ھەمكارلىقىنى ئەمەلگە ئاشۇرۇشىغا تۈرتكە بولۇش، ئىلىم – پەن ئارقىلىق ئۇيغۇر مىللىي روھىنى ئويغۇتۇپ، ئۇيغۇر مىللىي كىملىكىنى قوغداش ۋە ئۇيغۇرلار ئىھتىياجلىق مۇھىم ساھەلەردە ئىختىساسلىق خادىملارنىڭ يېتىشىپ چىقىشى ئۈچۈن زۆرۈر بولغان ئىلمىي خىزمەتلەرنى قىلىدۇ.

ئۇيغۇر ئاكادېمىيىسى ئىقتىسادى قېيىن شارائىتتا قۇرۇلغان بولسىمۇ، ھېچبىر تەشكىلات ۋە دۆلەتتىن ياردەم ئالمايمۇ يەنىلا ۋەتەنپەرۋەر ئۇيغۇر پەن – تەتقىقاتچى ۋە زىيالىلارنىڭ بىرلىكتە ۋاقتى بارلار ۋاقتىنى، كۈچى بارلار كۈچىنى ۋە پۇلى بارلار پۇلىنى چىقىرىپ مۆرىنى-مۆرىگە تىرەپ ئۇلۇغ ۋە ئاق كۆڭۈل ئۇيغۇر مىللىتىنىڭ ئۇزۇن مۇددەتلىك مەۋجۇدىيىتى ۋە كەلگۈسى تەرەققىياتى ئۈچۈن قىلالايدىغان ھەرقانداق ئىشنى مەيلى كىچىك مەيلى چوڭ دەپ ئايرىماي ئىمكانىيەتنىڭ بارىچە قىلىپ كېلىۋاتىدۇ.

ئاكادېمىيەنىڭ ئاساسلىق پائالىيەتلىرى

1) ئۇيغۇر پەن-تەتقىقاتچى، ئەدىب ۋە مۇتەخەسىسلەر ئىلمىي مۇھاكىمە يىغىنلىرى

2) ئۇيغۇر ئانا تىل تەتقىقاتى ئىلمىي مۇھاكىمە يىغىنلىرى

3) ئۇيغۇر ماگېستىر ۋە دوكتۇر ئوقۇغۇچىلار ئىلمىي مۇھاكىمە يىغىنلىرى

4) ئۇيغۇر مۇتەپەككۇرلارنى خاتىرىلەش ئىلمىي مۇھاكىمە يىغىنلىرى

5) ئاكادېمىيە تەۋپىق ئوقۇش مۇكاپاتى

6) ئۇيغۇر ماگېستىر ۋە دوكتۇر ئوقۇغۇچىلارنىڭ ئالىي مەكتەپلەرگە كىرىشىگە ياردەم قىلىش خىزمىتى

7) ئاكادېمىيە تورى ۋە تور كۈتۈپخانىسى خىزمىتى

8) ئاكادېمىيە لىكسىيەلىرى

9) ئاكادېمىيە ئىلمىي سۆھبەتلىرى


ئۇيغۇر ئاكادېمىيسىنىڭ قۇرۇلۇشىدىن كۈنىمىزگىچە ئاكادېمىيەدە جان كۆيدۈرۈپ خىزمەت قىلغان پەخىرى رەئىس ۋە رەئىسلەر

ئۇيغۇر ئاكادېمىيىسىدە ۋەزىپە ئۆتىگەن پەخىرى رەئىسلەر

* * * * *

Erkin Sidiq

 دوكتۇر ئەركىن سىدىق

تۇنجى نۆۋەتلىق ئۇيغۇر ئاكادېمىيسى پەخىرى رەئىسى

(ئامىرىكا ئالەم قاتناش ئىدارىسى ئالىي ئوپتىك فىزىكا ئېنژىنىرى)

ۋەزىپە ئۆتىگەن مۇددىتى: 2009 – يىلى 9 – سىنتەبىردىن 2013 – يىلى 21 – سىنتەبىرگىچە

* * * * *

Shöret Mutellip

دوكتۇر شۆھرەت مۇتەللىپ

2- نۆۋەتلىق ئۇيغۇر ئاكادېمىيسى پەخىرى رەئىسى

(ئامېرىكا ئورىگون سەھىيە پەن – تېخنىكا ئونىۋېرسىتېتى ھۈجەيرە ۋە گىن ئالىي تەتقىقاتچىسى)

ۋەزىپە ئۆتىگەن مۇددىتى: 2013 – يىلى 21 – سىنتەبىردىن 2015 – يىلى 10 – ئۆكتەبىرگىچە

* * * * *

 دوكتۇر رىشاد ئابباس

3- ۋە 4- نۆۋەتلىق ئۇيغۇر ئاكادېمىيسى پەخىرى رەئىسى

(ئامېرىكا فايزىر دورا تەتقىقات مەركىزى باش تەتقىقاتچىسى)

ۋەزىپە ئۆتىگەن مۇددىتى: 2015 – يىلى 10 – ئۆكتەبىردىن باشلاپ كۈنىمىزگىچە داۋام …

* * * * *


ئۇيغۇر ئاكادېمىيىسىدە ۋەزىپە ئۆتىگەن رەئىسلەر

* * * * *

Karahan

 ئابدۇلھەمىد قاراخان

ئۇيغۇر ئاكادېمىيسى قۇرغۇچى رەئىسى

(يادرو ئېنىرگىيە ئېنژىنىرى)

ۋەزىپە ئۆتىگەن مۇددىتى: 2009 – يىلى 9 – سىنتەبىردىن 2010 – يىلى 9 – مايغىچە

* * * * *

Alimjan

 پىروفىسسور دوكتور ئالىمجان ئىنايەت

تۇنجى نۆۋەتلىق ئۇيغۇر ئاكادېمىيسى رەئىسى

(تۈركىيە ئەگە ئۇنىۋېرسىتېتى تۈرك دۇنياسى تەتقىقات ئېنىستىتوتى ئوقۇتقۇچىسى)

ۋەزىپە ئۆتىگەن مۇددىتى: 2010 – يىلى 9 – مايدىن 2012 – يىلى 18 – نويابىرغىچە

* * * * *

Ablet Turan

دوكتۇر ئابلەت تۇران

2- نۆۋەتلىق ئۇيغۇر ئاكادېمىيسى رەئىسى

(يۈرەك كېسەللىكلىرى مۇتەخەسسىسى)

ۋەزىپە ئۆتىگەن مۇددىتى: 2012 – يىلى 18 – نويابىردىن 2015 – يىلى 23 – ئاۋغۇستغىچە

* * * * *

ئابدۇلھەمىد قاراخان

3- نۆۋەتلىق ئۇيغۇر ئاكادېمىيسى رەئىسى

(تۈركىيە تاشقىي تۈركلەر ۋە قېرىنداش مىللەتلەر ئىدارىسى مۇتەخەسسىسى، يادرو ئېنىرگىيە ئېنژىنىرى)

ۋەزىپە ئۆتىگەن مۇددىتى: 2015 – يىلى 23 – ئاۋغۇسىتتىن 2018 – يىلى 24 – ئاۋغۇسىتغىچە

Alimjan

 پىروفىسسور دوكتور ئالىمجان ئىنايەت

4- نۆۋەتلىق ئۇيغۇر ئاكادېمىيسى رەئىسى

(تۈركىيە ئەگە ئۇنىۋېرسىتېتى تۈرك دۇنياسى تەتقىقات ئېنىستىتوتى ئوقۇتقۇچىسى)

ۋەزىپە ئۆتىگەن مۇددىتى: 2018 – يىلى 24 – ئاۋغۇسىتتىن باشلاپ كۈنمىزگىچە داۋام …

* * * * *

ئۇيغۇر ئاكادېمىيسىدە ۋەزىپە ئۆتەۋاتقان ئاساسلىق دائىمىي ھەيئەت ئەزالىرى

رەئىس: پروفېسسور دوكتور ئالىمجان ئىنايەت، ئىجرائىيە رەئىسى: ئابدۇلھەمىد قاراخان، مۇئاۋىن رەئىس: دوكتور مەغپىرەت كامال، باش كاتىپ: دوكتور پەرھات تەڭرىتاغلى، مالىيە ئىشلىرى مەسئۇلى: دوختور ئەخمەتجان پولات، دائىمىي ھەيئەت ئەزالىرى: دوكتور شەۋكەت ناسىر، دوتسېنت دوكتور بۇرھان سېتى ۋە دوكتور مۇھەممەت قۇربان، باش نازارەتچى: دوكتور گۈلزادە تەڭرىتاغلى، نازارەتچى: دوختور مەمەتئېلى ھافىز

ئۇيغۇر ئاكادېمىيسى خىزمەت بۆلۈملىرى: ئاكادېمىك تەتقىقات بۆلۈمى، تەرجىمە – تەھرىر بۆلۈمى، ئوقۇغۇچى ئىشلىرى بۆلۈمى، مېدىيا-تاراتقۇ بۆلۈمى، ئىدارە ئىشلار ۋە مالىيە بۆلۈمى


* * * * *

ئامېرىكا ئۇيغۇر ئاكادېمىيىسىدە ۋەزىپە ئۆتىگەن رەئىسلەر

دوكتور ئەركىن ئابلېز

تۇنجى نۆۋەتلىق ئامېرىكا ئۇيغۇر ئاكادېمىيسى رەئىسى

(ھايۋانات تىببىي پەنلىرى دوكتورى)

ۋەزىپە ئۆتىگەن مۇددىتى: 2018 – يىلى 20 – مايدىن 2020-يىلى 25-مايغىچە

* * * * *

دوكتور ئابلېز ئابدۇقادىر

2-نۆۋەتلىق ئامېرىكا ئۇيغۇر ئاكادېمىيسى رەئىسى

(تىببىي پەنلىرى دوكتورى)

ۋەزىپە ئۆتىگەن مۇددىتى: 2020 – يىلى 25 – مايدىن باشلاپ كۈنمىزگىچە داۋام …

* * * * *

ئامېرىكا ئۇيغۇر ئاكادېمىيسىدە ۋەزىپە ئۆتەۋاتقان ئاساسلىق دائىمىي ھەيئەت ئەزالىرى

رەئىس: دوكتور ئابلىز ئابدۇقادىر، مۇئاۋىن رەئىس: دوكتور پەيزۇللاھ زەيدۇن، باش كاتىپ: رۈشەن ئابباس، مالىيە ئىشلىرى مەسئۇلى: دوختور مەمەت ئېمىن، مېدىيا – تاراتقۇ ئىشلىرى مەسئۇلى: مۇستاپا ئاقسۇ، دائىمىي ھەيئەت ئەزالىرى: دوكتور ئەركىن ئابلىز، جۈرئەت نىزامىدىن ۋە مۇھەممەت بۇغرا


* * * * *

ياۋرۇپا ئۇيغۇر ئاكادېمىيىسىدە ۋەزىپە ئۆتىگەن رەئىسلەر

دوكتور ئابدۇشۈكۈر ئابدۇرېشىت

تۇنجى نۆۋەتلىق ياۋرۇپا ئۇيغۇر ئاكادېمىيسى رەئىسى

(فىزىكا پەنلىرى دوكتورى)

ۋەزىپە ئۆتىگەن مۇددىتى: 2018 – يىلى 10 – نويابىردىن باشلاپ كۈنمىزگىچە داۋام …

* * * * *

ياۋرۇپا ئۇيغۇر ئاكادېمىيسىدە ۋەزىپە ئۆتەۋاتقان ئاساسلىق دائىمىي ھەيئەت ئەزالىرى

رەئىس: دوكتور ئابدۇشۈكۈر ئابدۇرېشىت (شىۋىتسارىيە)، مۇئاۋىن رەئىس: دوكتور مەمتىمىن ئابباس (فىرانسىيە)، باش كاتىب: زۇلھايات ئۆتكۈر (شىۋىتسىيە)، باش نازارەتچىسى: ئابدۇشۈكۈر مۇھەممەت (شىۋىتسىيە)، مالىيە مەسئۇلى: دوكتور قەيسەر ئابدۇقادىر (شىۋىتسارىيە)، تەشۋىقات ئىشلىرى مەسئۇلى: مۇھەممەتئېلى نىياز (گىرمانىيە)، باشقا ھەيئەت ئەزالار: دوكتور ۋارىس ئابدۇكېرىم جانباز (فىرانسىيە)، غەييۇر قۇربان (گىرمانىيە)، ئۆمەرجان جامال (شىۋىتسىيە)، ئەلى ئەمەت (بىلگىيە)، ئادىل چىنار (گوللاندىيە)، ئۆمەرجان ئىمىن (گىرمانىيە)، ھەبىبۇللاھ ئابلىمىت (گىرمانىيە)، ئايشە مۇسا (نۇرۋىگىيە)


* * * * *

ئاۋىسترالىيە ئۇيغۇر ئاكادېمىيىسىدە ۋەزىپە ئۆتىگەن رەئىسلەر

دوكتور ئىلھامجان سابىت

تۇنجى نۆۋەتلىق ئاۋىسترالىيە ئۇيغۇر ئاكادېمىيسى رەئىسى

(تىببى پەنلىرى دوكتورى)

ۋەزىپە ئۆتىگەن مۇددىتى: 2019 – يىلى 8 – دېكابىردىن باشلاپ كۈنمىزگىچە داۋام …

* * * * *

ئاۋىسترالىيە ئۇيغۇر ئاكادېمىيسىدە ۋەزىپە ئۆتەۋاتقان ئاساسلىق دائىمىي ھەيئەت ئەزالىرى

رەئىس: دوكتور ئىلھامجان سابىت، مۇئاۋىن رەئىس: شۆھرەت يۈسۈپ، باش كاتىب: دوكتور دىلىيار بارات، دائىمىي ھەيئەت ئەزالار: سەلىمە كامال، پەرىزات غەيرەت، مەلىكىزات ئەخمەت (يېڭى زىللاندىيە) ۋە ئادەم ئىلھام

ئاۋىسترالىيە ئۇيغۇر ئاكادېمىيىسى ھەيئەت ئەزالىرى: دوكتور ئىلىياس قاسىم، دوكتور نىجات ئىمىن، بەختىيار بارات، بەختىيار بۆرە، دىلشات ئابدۇۋەلى، نۇرگۇل ساۋۇت، مەستۇرە بۆرە، گۈلشەن زۇنۇن، مەلىكىزات غەيرەت، رەيھان رۇزىھاجى ۋە يۇلتۇز تېيىپجان


ئۇيغۇر ئاكادېمىيىسى مەركىزىنىڭ 2018-يىلى 24-ئاۋغۇستتا ئېلىپ بېرىلغان 4-قېتىملىق دېمۇگراتىك سايلىمىدا، يەتتە كىشىلىك ئۇيغۇر ئاكادېمىيىسى دائىمىي ھەيئىتى، يەتتە كىشىلىك زاپاس دائىمىي ھەيئىتى، ئۈچ كىشىلىك دائىمىي نازارەت ھەيئىتى، ئۈچ كىشىلىك زاپاس دائىمىي نازارەت ھەيئىتى بولۇپ، جەمئىي 20 كىشى رەسمىي ۋەزىپە ئېلىپ، ۋاقىت ئىچىدىن ۋاقىت چىقىرىپ، ئاكادېمىيەنىڭ مەقسەد ۋە نىشانىنى ئەمەلگە ئاشۇرۇش يولىدا تىرىشماقتا.

ئاكادېمىيە يول خەرىتىسى

ئۇيغۇر ئاكادېمىيىسى ئۆزىنىڭ ھەرقايسى دۆلەتلەردىكى ئۇيغۇر پەن – تەتقىقاتچى ئەزا ۋە ۋەكىللىرى بىلەن ئۇيغۇر ئاكادېمىيىسى تەشكىلىي قۇرۇلمىسى مۇستەھكەملىگەن بولۇپ، ئۇيغۇر زىيالىلارنىڭ ئۆز ئارا ھەمكارلىقىنى ئەمەلگە ئاشۇرۇشىغا تۈرتكە بولۇش، ئىلىم – پەن ئارقىلىق ئۇيغۇر مىللىي روھىنى ئويغۇتۇپ، ئۇيغۇر مىللىي كىملىكىنى قوغداش ۋە ئۇيغۇرلار ئىھتىياجلىق مۇھىم ساھەلەردە ئىختىساسلىق خادىملارنىڭ يېتىشىپ چىقىشى ئۈچۈن ئىشلەش يولىدا تەۋرەنمەي خىزمەت قىلىشنى ئۆزىگە يول خەرىتىسى قىلىپ بىكىتتى.

مىللىي ئېڭى تىكلەنمىگەن ۋە پەن – مائارىپى تەرەققىي قىلمىغان مىللەت  مەڭگۈ يۈكسىلەلمەيدۇ ۋە يوق بۇلۇشقا مەھكۇمدۇر! ئۇيغۇر مىللىتىنىڭ مەۋجۇدىيىتى ۋە پەن-مائارىپ تەرەققىياتى ئۈچۈن پۈتۈن ئۇيغۇر تەتقىقاتچى ۋە زىيالىلار مۆرىنى-مۆرىگە تىرەپ بىرلىكتە تىرىشقاندىلا، مىللىي ئېڭى يۈكسەك، پەن-مەدەنىيىتى تەرەققىي قىلغان ۋە تارىخ سەھنىسىدە قايتىدىن باش كۆتۈرگەن كۈچلۈك ئۇيغۇر جەمىئىيىتىنى ھەممىمىز بىرلىكتە كۆرەلەيمىز!

بۇ سەپتە سىزنىڭمۇ ئورنىڭىز ۋە ۋەزىپىڭىز بار، ئەمدى يەنە نېمىگە قاراپ تۇرىسىز؟ ئاكادېمىيەگە ئەزا بولۇپ سېپىمىزگە قېتىلىڭ …

ئۇيغۇر ئاكادېمىيىسىنىڭ خىزمەت ئىىشخانىسى ئىستانبۇلنىڭ شىرىنئەۋلەر رايونىدىكى ئىنجىرلى مەترو بېكىتى يېنىغا جايلاشقان بۇلۇپ، ئايلىق چىقىملار (ئىجارە ۋە باشقا چىقىملار) نى ئاكادېمىيە قۇرغۇچىلىرى، دائىمىي ھەيئەت ئەزالىرى، ئەزالار ۋە مەرىپەتپەرۋەر ئۇيغۇرلار ئۆز ئۈستىگە ئالماقتا.

ئۇيغۇر ئاكادېمىيىسى ئۇيغۇر زىيالىلارنىڭ ئۆز ئارا ھەمكارلىقىنى ئەمەلگە ئاشۇرۇشىغا تۈرتكە بولۇش، ئىلىم – پەن ئارقىلىق ئۇيغۇر مىللىي روھىنى ئويغۇتۇپ، ئۇيغۇر مىللىي كىملىكىنى قوغداش ۋە ئۇيغۇرلار ئىھتىياجلىق مۇھىم ساھەلەردە ئىختىساسلىق خادىملارنىڭ يېتىشىپ چىقىشى ئۈچۈن خىزمەت قىلىدىغان ئۇيغۇر زىيالىلىرىنىڭ بىر ئىلمىي جەمىئىيىتىدۇر. بارلىق ئۇيغۇر قېرىنداشلارنىڭ ئۇيغۇر ئاكادېمىيىسىنى ماددىي ۋە مەنىۋىي جەھەتتىن قوللاپ بېرىشىنى سەمىمىي ئۈمىد قىلىمىز.

– ئۇيغۇر ئاكادېمىيىسى دائىمىي ھەيئەت كومىتېتى

قوشۇمچە: ئاكادېمىيە لوگولىرى

1. ئاكادېمىيە لوگوسى، شەرقىي تۈركىستان بايرىقى ۋە دۆلەت گىرىبىلەرنىڭ ۋىكتور نۇسخىسى (Corel Draw) – ئاكادېمىيە تور كۈتۈپخانىسىدا (ئاكادېمىيە تور كۈتۈپخانىسىدىن چۈشۈرۋالالايسىز.)

2. ئاستى سۈزۈك PNG رەسىم نۇسخىسى

                     

                                       

                                

                               

                         


3. Jpeg رەسىم نۇسخىسى

 

ئەسكەرتىش: ئۇيغۇر ئاكادېمىيىسى تور بېتىدىكى يازمىلار ئاپتورنىڭ ئۆزىنىڭ كۆز-قارىشىغا ۋەكىللىك قىلىدۇ. تور بېتىمىزدىكى يازمىلارنى مەنبەسىنى ئەسكەرتكەن ھالدا كۆچۈرۈپ كەڭ تارقىتىشقا بولىدۇ.

ئاكادېمىيە ئورگان تورى ©

Scroll to top