ئۇيغۇرچە    Uyghurche    Уйғурчә   
  • 2019-يىلى 27-ۋە 28-ئىيۇل «2-نۆۋەتلىك مىللىي مەپكۇرە ۋە تەشكىلاتچىلىق كۇرسى» ۋە «تۇنجى نۆۋەتلىك تاراتقۇ ۋە تەشۋىقات كۇرسى» ئېچىلدى. ...
سىزنىڭ ئورنىڭىز: باشبەت » ئومۇمى » روزىدارلارنىڭ ئىلمىي ئوزۇقلىنىشى ھەققىدە

روزىدارلارنىڭ ئىلمىي ئوزۇقلىنىشى ھەققىدە

Ramazanئىلمىي ئوزۇقلىنىش دىگىنىمىز ئاددى قىلىپ ئېيتساق بەدىنىمىزگە كۈنلۈك ئېھتىياجلىق ئوزۇقلۇق ماددىلار،ۋىتامىنلار، مىكرو ئېلمېنتلار، مېنرال ماددىلارنى ئۆلچەملىك قوبۇل قىلىپ نورمال فىزىئولوگىيىلىك ئىقتىدارلىرىمىزنى شۇنداقلا ساغلاملىقىمىزنى كاپالەتگە ئىگە قىلىشنى كۆرسىتىدۇ.
روزا تۇتقاندا تاماقلىنىش تەرتىپىدە كۆرۈنەرلىك ئۆزگىرىش بولىدۇ. ئۇنداق بولسا كۈندۈزى ئۇزۇن ياز ئايلىرىدا روزا تۇتقاندا تاماقلىنىش ئادىتىنىڭ ئۆزگىرىشىگە قانداق ماسلىشىش، ئىلمى ئوزۇقلىنىشقا قانداق كاپالەتلىك قىلىش كىرەك ؟

كۈندە ئۈچ ۋاقلىق غىزالىنىش : سەھەردە ئوبدان غىزالىنىش بەكمۇمۇھىم ، چۈنكى سەھەردە ياخشى يىمىگەندە ئون نەچچە سائەتنى توشقۇزۇپ كەچلىك تاماققا ئۇلىشىش تەسكە توختايدۇ. قاراڭغۇ چۈشكەندە نورمال بىر قېتىم، بىر سائەت ئۆتكۈزۈپ ئىنتايىن يەڭگىل بىر قېتىم تاماق يىيىش كىرەك.
نورمال كالورىيە قوبۇل قىلىش :  بىر كۈن ئاچ يۈردۈم شۇڭا جىقراق يىسەم ھېچقىسى يوق دىگەن خىيال بىلەن كەچتە يۇقىرى كالورىيەلىك تاماقلىنىشتىن ساقلىنىش لازىم. قورامىغا يەتكەن ساغلام ئەر كىشىنىڭ كۈندە قوبۇل قىلىشقا تىگىشلىك ئاساسى ئىنىرگىيىسى 2000 كىلو كالورىيە ئەتراپىدا بولسا نورمال بولىدۇ دەپ بەلگىلەنگەن. شۇغۇللىنىدىغان ھەرىكەتنىڭ ئېغىر يىنىكلىكىگە ئاساسەن 2000-3500 كىلوكالورىيە ئەتراپىدا ئىنىرگىيە قوبۇل قىلىنسا بولىدۇ. قۇرامىغا يەتكەن ساغلام ئايال كىشىنىڭ كۈندىلىك ئىھتىياجلىق كالورىيەسى 1600 كىلو كالورىيە ئەتراپىدا بولۇپ، ھەرىكەتنىڭ ئاز-كۆپلىكىگە ئاساسەن1600-2800 كىلوكالورىيە ئەتراپىدا ئىنىرگىيە قوبۇل قىلىنسا بولىدۇ. روزا تۇتقان مەزگىلدە ئەرلەر 2600 كىلو كالورىيە، ئاياللار 2200 كىلو كالورىيەنى ئۆلچەم قىلىپ ئوزۇقلانسا ياخشى بولىدۇ. سەھەردىكى تاماق ئەڭ مۇھىم بولغاچقا ئەرلەر سەھەردە تەخمىنەن 1400 كىلوكالورىيە، ئاياللار 1200كىلوكالورىيە ئەتراپىدا؛ قاراڭغۇ چۈشكەندە ئەرلەر 900 كىلوكالورىيە، ئاياللار 800 ئىنىرگىيە قوبۇل قىلسا؛ ئۇخلاشنىڭ ئالدىدا ئەرلەر 300 كىلوكالورىيە، ئاياللارغا 200مۇۋاپىق بولىدۇ.  مۇشۇ دائىرىدىن كۆپ چەتنەپ كەتمىگەن ياخشى. بەزى كىشىلەر ئىپتاردا بىراقلا خېمىر تاماقلار، پولو،گۆشلەرنى كۆپ يەپ 4000-5000 كىلوكالورىيەنى بىراقلا قوبۇل قىلىدىغان ئەھۋاللاركۆپ ئۇچرايدۇ. كۆپ ئىنىرگىيىلىك تاماقنى ئۇخلاشتىن بۇرۇن زىيادە يەۋالغاندا ھەزىم سېستىمىسىنىڭ، ئىچكى ئاجراتما سېستىمىسىنىڭ بېسىمى بىراقلا ئارتىپ كىتىپ بىئاراملىق، سىمىزلىك ئالامەتلىرى كىلىپ چىقىدۇ. خېمىر تاماقلار بىلەن گۈرۈچ تاماقلارنىڭ ئىنىرگىيىسى ھەر يۈز گىرامنىڭ 350 كىلوكالورىيە ئەتراپىدا ، مايلارنىڭ يۈز گىرامنىڭ ئىنىرگىيىسى 880 كىلوكالورىيە بولىدۇ. گۆشلەرنىڭ ئىنىرگىيىسى ھەر يۈز گىرامنىڭ  300كىلوكالورىيە ئەتراپىدا بولىدۇ. خېمىر، گۈرۈچلەرنىڭ ئورنىغا روزا مەزگىلىدە نۆۋەتلەشتۈرۈپ قارا ئاشلىقلاردىن مۇۋاپىق ئىستىمال قىلساق ياخشى بولىدۇ.
سەھەردە :ئاساسى تاماقنى باشلاشتىن بۇرۇن سوۋۇتۇلغان قايناقسۇ ياكى ئىلمان سۇغا چېلىنغان ھەسەل سۈيى ئىچىش.  نان، زەيتۇن مېيى، زەيتۇن مىۋىسى،ھەسەل، مۇراببا، سارماي، تۇخۇم تۈرىدىكىلەر، سۈت مەھسۇلاتلىرىدىن قېتىق،قۇرت-قايماقلاردىن مۇۋاپىق ئىستىمال قىلىش؛ شىكەرسىز سۈتچاي ياكى قەھۋە ، چاي ئىچىش. قارا ئاشلىقتىن ئىتىلگەن ئۇماچ، ئارپا نېنى قاتارلىقلارمۇ ھەم قورساقنى توق تۇتىدىغان ھەم يۇقىرى ئوزۇقلۇق، كۆپ تالالىق، تۆۋەن كالورىيە تەمىنلەيدىغان ياخشى تاللاش. ئاز مىقداردا خېمىر تاماق، گۈرۈچ تاماق يىيشكىمۇ بولىدۇ. سەھەردە تاماقلىنىشنى باشلىغاندىلا تاتلىق ياكى بەك مايلىق نەرسىلەرنى يەۋالغاندا قورساق تېز تويغاندەك تۇيغۇ بولۇپ ئاساسى تاماقلارنى كۆپ يىيىشكە ئىمكانىيەت بولمايدۇ شۇڭا ئالدىدا سۇ،ئاساسى تاماق، تاتلىقلار تەرتىپى بويىچە ئوزۇقلىنىش لازىم.
كەچلىك تاماق: بىر كۈن ئاچ ھالەتتە تۇرغاچقا قان شىكىرى تۆۋەنلەيدۇ، شۇڭا ئەڭ ئالدىدا ئىككى تال خۇرما يىيىش كىرەك . خۇرما بىلەن كەچلىك تاماقنى باشلىغاندا يەنە بىر تەرەپتىن كۆپ يەۋىلىشنىڭ ئالدىنى ئالغىلى بولىدۇ يەنە بىر تەرەپتىن تالالار، كالتىسى ۋە مىس، مانگان  قاتارلىق مېنرال ماددىلارنى تولۇقلىغىلى بولىدۇ. كەينىدىن سۇ ئىچىش كىرەك. گازلىق ياكى تاتلىق ئىچىملىكلەردىن ھەزەرئەيلەش لازىم. گەرچە ھاۋا ئىسسىق بولسىمۇ توڭلىتىلغان سۇنى ئىچىشنى تەشەببۇس قىلمايمىز. توڭلاتقۇدىن ئالغان سۇنى كۆپ ئىچىۋەتكەندە ئېغىز بوشلىقى، ھەزىم سېستىمىسى زىيانغا ئۇچرايدۇ. سوۋۇتۇلۇپ نورمال تېمپىراتۇرىدا ساقلانغان قايناقسۇنى تەۋسىيە قىلىمىز. سۇدىن كىيىن يېشىل كۆكتاتلاردىن سالاد، قايناقسۇغا بېسىلغان پالەك، ئورۇق گۆش، بېلىق گۆشى، توخو گۆشىدىن 100-200 گىرامغىچە  ئىستىمال قىلىش لازىم. گۆش مەھسۇلاتلىرىنى ئىمكانقەدەر مايدا قورىماي دوخوپكىدا پىشۇرۇش ياخشى. مايغا چىلاپ پىشۇرغان گۆشلەر،ياڭيۇ قەلەمچىلىرىنى يىمەسلىك لازىم. مىۋىلەردىن مۇۋاپىق يىسەك بولىدۇ. بىر سائەت ئۆتكۈزۈپ مايدا قورماي، خام قىيما قىلىپلا سۇيۇق سەلەڭ بىرەر چىنە كۆكتات شورپىسى ئىچسەك بولىدۇ.
روزا تۇتقان مەزگىلدە ئاسانلا قەۋزىيەت پەيدا بولىدۇ شۇڭا مېغىزلارنى كۆپ يىمەسلىك، تالالىق يىمەكلىكلەرنى كۆپ يىيىش لازىم.
سۇنى كۆپ ئىچىش لازىم.قورساق توقلاشقا ئالدىرىغاندا سۇ ئىچىلمەي قالىدۇ شۇڭا چوقۇم ئەڭ ئالدىدا سۇتولۇقلاشنى ئويلاش لازىم.
كەچلىك ئىككى ۋاق تاماق ئارىلىقىدا توختىماي ئۇششاق-چۈششەك نەرسە يىمەسلىك، ئۇسسۇزلۇق ئىچىش لازىم.

پىچىنە، پىرەنىكلەرنىڭ كالورىيەسى بەك يۇقىرى ، شۇڭا كۆپ يىمەسلىك لازىم ، مۇۋاپىق تېتىشقا بولىدۇ.
روزىدارلار چۈشتىن كىيىن ئازراق ئۇخلىۋېلىشى لازىم.
روزىدار ھالەتتە كۈچلۈك ھەرىكەت بىلەن شۇغۇللانماسلىق، مۇمكىن بولسا تەن ھەرىكەت قىلماسلىق لازىم.
كۈچلۈك ئاپتاپقا قاقلانماسلىق، سالقىن جاينى ئىزدەش لازىم.
كىسەللىك ياكى ئېغىرئالامەتلەر سەۋەبلىك دورا يەۋاتقان كىشىلەر چوقۇم دوختۇرنىڭ كۆرسەتمىسى بويىچەروزا تۇتۇشنى قارار قىلىش لازىم.


ھەشەمەتلىك ئورۇقلاش ئۇسۇلى توغرىسىدا بۇرۇن ئاڭلاپ باققانمىدىڭىز؟

ھازىر ڧىرانسىيە، ئىتالىيە، ئامرىكا، گىرىتسىيە قاتارلىق دۆلەتلەردە مەخسۇس بۇرژۇئا قاتلىمىدىكى كىشىلەرنى ئورۇقلىتىش ئۈچۈن ئېچىلغان كىلنىكىلار بولۇپ، بۇ تۈردىكى تۇنجى كىلنىك 1920-يىلى بارلىققا كەلگەن. نورمالدا ئورۇقلاش ئۈچۈن شەخسى تىرىنېر ۋە ئوزۇقلۇق يىتەكچىسى تەكلىپ قىلغاندا يىلىغا 4000 ياۋرو ئەتراپىدا چىقىم  قىلىنىدۇ. ھەشەمەتلىك ئورۇقلاش كىلنىكلىرىدا ئايغا ئوتتۇرا ھىساب بىلەن 4500 دىن 8000 ياۋروغىچىلىك چىقىم قىلىشقا توغرا كىلىدىكەن . بۇ دۇنيادىكى ئەڭ قىممەت ئورۇقلاش مېتودلىرىنىڭ بىرى ھىسابلىنىدۇ.
ئۇنداق بولسا بۇ ھەشەمەتلىك كىلنىكلاردا قوللىنىۋاتقان مەخپى مېتود نىمىدۇ ؟
جاۋاب بەك ئاددى ، روزا تۇتۇش ! كىشىلەر بۇ ئورۇنلاردا ئورۇقلاش ئۈچۈن ئوزۇقلۇقشۇناسلار، دوختۇر-سېستىرالارنىڭ نىڭ ھەمرالىقىدا روزا تۇتۇشنى ئۆگىنىدىكەن ۋە ئايغا 30 مىڭ يۈەندىن 60 مىڭ يۈەنگىچە ئىقتىساد سەرپ قىلىشىدىكەن.
بۇ تىپتىكى كىلنىكلاردا خىزمەت قىلىۋاتقان خادىملارنىڭ چۈشەندۈرىشىچە روزا تۇتۇش ئىنتايىن ساغلام بولغان ئورۇقلاش مېتودىكەن. ئايلارچە روزا تۇتقاندا بەدەندىكى توكسىن ۋە ئەخلەتلەرنى تازىلاش، ھەزىم سېستىمىسىنىڭ نورمال ڧۇنكىسىيىسىنى تېپىۋېلىش ئارقىلىق ئورۇقلاش مەقسىدىگە يەتكىلى بولىدىكەن.
بۇ تۈردىكى كىلنىكلاردا ئورۇقلاۋاتقان كىشىلەر روزا تۇتۇش جەريانىدا يىمەكلىك، ئىچىملىك، جىنسى تۇرمۇشنى ئويلىماي مۇۋاپىق ھەرىكەت قىلىپ روھىنىمۇ تازىلاش مەقسىدىگە يىتىدىكەن.

مەنبە: ئىزدىنىش تورى

ئاكادېمىيە ئورگان تورى ©

ئۈستىگە قايتىش