You Are Here: Home » ئومۇمى » ئابدۇقادىر داموللام ھەققىدە

ئابدۇقادىر داموللام ھەققىدە

ﺋﯩﺴﻼﻣﯩﻴﻪﺕ ﺗﺎﺭﯨﺨﯩﺪﺍ 18- 19- ﺋﻪﺳﯩﺮﻟﻪﺭ ﻣﯩﺴﻠﯩﺴﯩﺰ ﭘﺎﺟﯩﺌﻪﻟﯩﻚ ﺩﻩﯞﺭ ﮬﯩﺴﺎﺑﻠﯩﻨﯩﺪﯗ. ﭼﯘﻧﻜﻰ ﺑﯘ ﺋﻪﺳﯩﺮﻟﻪﺭﺩﻩ ﺋﯩﺴﻼﻣﯩﻴﻪﺕ ﺩﯗﻧﻴﺎﺳﯩﺪﯨﻜﻰ ﺩﯗﻧﻴﺎﯞﻯ ﺋﯩﻜﻜﻰ ﭼﻮﯓ ﺋﯩﻤﭙﯩﺮﯨﻴﻪ ﺑﻮﻟﻐﺎﻥ ﺗﯘﺭﻙ ﺋﻮﺳﻤﺎﻥ ﺋﯩﻤﭙﯩﺮﯨﻴﯩﺴﻰ ﺑﯩﻠﻪﻥ ﺗﯘﺭﻙ ﻣﻮﻏﯘﻝ ﺋﯩﻤﭙﺮﯨﻴﯩﺴﻰ ﻛﯘﻧﺴﯧﺮﻯ ﺋﺎﺟﯩﺰﻟﯩﺸﯩﭗ، ﻗﻪﺩﻩﻣﻤﯘ- ﻗﻪﺩﻩﻡ ﮬﺎﻻﻛﻪﺗﻜﻪ ﻳﯘﺯﻟﻪﻧﮕﻪﻥ ﮬﻪﻡ ﺋﺎﺧﯩﺮﻗﻰ ﮬﯩﺴﺎﺑﺘﺎ ﻳﻮﻗﯩﺘﯩﻠﻐﺎﻥ. ﻣﺎﯞﻩﺭﺍﺋﯘﻧﻨﻪﮬﺮ ﯞﺍﺩﯨﺴﯩﺪﯨﻜﻰ ﺋﺎﻓﻐﺎﻧﯩﺴﺘﺎﻥ ﯞﻩ ﺋﯩﺮﺍﻥ ﺋﯩﮕﯩﺰﻟﯩﻜﯩﺪﯨﻜﻰ ﺋﯘﺷﺸﺎﻕ ﺋﯩﺴﻼﻡ ﺧﺎﻧﻠﯩﻘﻠﯩﺮﯨﻨﯩﯔ ﮬﺎﻟﯩﻤﯘ ﺋﻮﺧﺸﺎﺵ ﻗﯩﺴﻤﻪﺗﻜﻪ ﻣﯘﭘﺘﯩﻼ ﺑﻮﻟﻐﺎﻥ. ﺑﯘﺋﻪﺳﯩﺮﻟﻪﺭﺩﻩ ﻳﻪﻧﻪ ﺋﯩﺴﻼﻣﯩﻴﻪﺗﻨﯩﯔ ﺋﯩﭽﻜﻰ ﻗﯩﺴﻤﯩﺪﺍ ﺋﯘﺯﺍﻗﺘﯩﻦ ﺑﯧﺮﻯ ﻳﺎﻣﺮﺍﭖ ﻛﯧﻠﯩﯟﺍﺗﻘﺎﻥ ﮬﻪﺭﻗﺎﻳﺴﻰ ﻣﻪﺯﮬﻪﭘﻠﻪﺭﻧﯩﯔ ﺑﯩﺪﺋﻪﺕ ﻗﺎﺭﺍﺷﻠﯩﺮﻯ ﯞﻩ ﭼﺎﻛﯩﻨﺎ ﺗﻪﺷﻪﺑﺒﯘﺳﻠﯩﺮﻯ ﻛﻪﯓ ﻣﯘﺳﯘﻟﻤﺎﻧﻼﺭﻧﯩﯔ ﺋﻪﻗﯩﺪﻩ – ﺋﯧﺘﯩﻘﺎﺩﻟﯩﺮﯨﻨﻰ ﺋﯩﺰﯨﺪﯨﻦ ﭼﯩﻘﯩﺮﯨﯟﻩﺗﻜﻪﻥ. ﺑﻮﻟﯘﭘﻤﯘ، ﺳﻮﭘﻰ- ﺋﯩﺸﺎﻧﻼﺭ ﮔﻮﺭﯗﮬﻰ ﺑﺎﺭﻟﯩﻖ ﺋﯩﺴﻼﻡ ﮬﻮﻛﯘﻣﺮﺍﻧﻠﯩﺮﯨﻨﯩﯔ ﺳﻪﻟﺘﻪﻧﻪﺗﯩﮕﻪ ﺳﺎﻟﺠﯩﺪﻩﻙ ﭼﺎﭘﻠﯩﺸﯩﯟﯦﻠﯩﭗ، ﺋﯘﻻﺭﻧﯩﯔ ﺭﯦﺌﺎﻝ ﺩﯗﻧﻴﺎ ﮬﻪﻗﻘﯩﺪﯨﻜﻰ ﺟﻪﯕﮕﯩﯟﺍﺭ ﻗﺎﺭﺍﺷﻠﯩﺮﯨﻨﻰ ﭼﯩﺮﯨﺘﯩﭗ، ﺋﯘﻻﺭﻧﯩﯔ ﺋﯩﺠﺘﯩﻤﺎﺋﻰ ﮬﺎﻳﺎﺕ ﺳﻪﮬﻨﯩﺴﯩﺪﯨﻦ ﺑﻪﺧﺖ ﺋﯩﺰﺩﻩﺵ ﻏﺎﻳﯩﻠﯩﺮﯨﻨﻰ ﺳﯩﺮﻟﯩﻖ ﺧﯩﻴﺎﻟﻰ ﺗﯘﻳﻐﯘﻟﯩﺮﯨﺪﯨﻦ ﻗﺎﻧﺎﺋﻪﺕ ﺋﯩﺰﺩﻩﻳﺪﯨﻐﺎﻥ ﺋﻪﮬﻤﯩﻴﻪﺗﺴﯩﺰ ﺋﯘﺭﯗﻧﯘﺷﻼﺭﻏﺎ ﺑﯘﺭﯨﯟﻩﺗﻜﻪﻥ. ﻣﯘﺳﯘﻟﻤﺎﻧﻼﺭ ﺟﺎﻣﺎﺋﯩﺘﯩﻨﻰ ﺑﻮﻟﺴﺎ ﺋﯩﺰﺩﯨﻨﯩﺶ- ﻛﯘﺭﻩﺵ ﺟﺎﺳﺎﺭﯨﺘﻰ ﻛﻪﻣﭽﯩﻞ، ﻣﻪﺭﯨﭙﻪﺕ ﺭﻭﮬﻰ ﺳﯘﺱ، ﺋﻪﻗﯩﻞ ﻛﯘﭼﻰ ﺯﻩﺋﯩﭗ، ﺋﯩﻤﺎﻧﻰ ﻣﯘجىمەل، ﺋﻪﺧﻼﻕ ﺳﺎﭘﺎﺳﻰ ﺗﻮﯞﻩﻥ ھاڭۋاقتى ﺟﺎﻣﺎﺋﻪﺗﻜﻪ ﺋﺎﻳﻼﻧﺪﯗﺭﯗﭖ، ﺧﺎﺭ- ﺯﺍﺭﻟﯩﻖ ﻛﻮﭼﯩﺴﯩﺪﺍ ﻗﯧﻘﯩﻠﯩﭗ- ﺳﻮﻗﯘﻟﯘﭖ ﻳﺎﺷﺎﺷﻨﻰ ﮬﺎﺭ ﺋﺎﻟﻤﺎﻳﺪﯨﻐﺎﻥ، ﮬﻮﺭﯗﻥ، ﭼﯧﭽﯩﻼﯕﻐﯘ، ﺑﻮﺷﺎﯓ، ﻗﺎﺷﺎﯓ ﺋﯩﻠﻠﻪﺗﻠﻪﺭﻧﯩﯔ ﭘﺎﺗﻘﯩﻘﯩﻐﺎ ﭘﺎﺗﯘﺭىۋەتكەن.
ﺩﯨﻤﻪﻙ، ﺋﯩﺴﻼﻣﻰ ﮬﺎﻛﯩﻤﯩﻴﻪﺗﻠﻪﺭﻧﯩﯔ ﺯﻩﺋﯩﭙﻠﯩﺸﯩﺸﻰ، ﻣﯘﺳﯘﻟﻤﺎﻧﻼﺭﻧﯩﯔ ﭼﯘﺷﻜﯘﻧﻠﯩﺸﯩﺸﻰ ﺋﯧﻐﯩﺮ ﺗﺎﺭﯨﺨﻰ ﻳﯘﺯﻟﯩﻨﯩﺶ ﺑﻮﻟﯘﭖ ﻗﺎﻟﻐﺎﻥ ﻣﯘﺷﯘ ﺩﻩﯞﺭﻟﻪﺭﺩﻩ ﺩﻩﻝ ﺑﯘﻧﯩﯔ ﺋﻪﻛﺴﯩﭽﻪ ﻳﺎﯞﺭﻭﭘﺎ ﺋﻪﻟﻠﯩﺮﻯ ﻛﯘﻧﺴﯩﺮﻯ ﺋﻮﻳﻐﯩﻨﯩﭗ، ﻛﯘﭼﯩﻴﯩﭗ ﺑﺎﺭﻣﺎﻗﺘﺎ ﺋﯩﺪﻯ. ﺋﯘﻻﺭﻧﯩﯔ ﻣﻪﺭﯨﭙﻪﺕ ﺭﻭﮬﻰ ﻣﯩﺴﻠﻰ ﻛﻮﺭﯗﻟﻤﯩﮕﻪﻥ ﺩﻩﺭﯨﺠﯩﺪﻩ ﺋﻮﻳﻐﯩﻨﯩﭗ ﮬﻪﺭ ﺟﻪﮬﻪﺗﺘﯩﻦ ﻗﯘﺩﺭﻩﺕ ﺗﯧﭙﯩﯟﺍﺗﺎﺗﺘﻰ. ﺋﯘﻻﺭﻧﯩﯔ ﺗﻮﭖ- ﺯﻩﻣﺒﯩﺮﻩﻙ ﺑﯧﻜﯩﺘﻜﻪﻥ ﻳﻪﻟﻜﻪﻧﻠﯩﻚ ﻛﯧﻤﯩﻠﯩﺮﻯ ﺩﯦﯖﯩﺰ – ﺋﻮﻛﻴﺎﻧﻼﺭﻧﻰ ﺗﯩﻨﯩﻤﺴﯩﺰ ﻛﯧﺰﯨﭗ، ﺯﺍﻣﺎﻧﯩﯟﻯ ﻗﻮﺷﯘﻧﻠﯩﺮﻯ ﺳﻪﻟﺪﻩﻙ ﻳﺎﻣﺮﺍﭖ، ﻳﯧﯖﯩﺪﯨﻦ- ﻳﯧﯖﻰ ﻣﯘﺳﺘﻪﻣﻠﯩﻜﻪ ﺯﯨﻤﯩﻨﻼﺭﻧﻰ ﺋﯩﺰﺩﯨﻤﻪﻛﺘﻪﺋﯩﺪﻯ. ﺑﻮﻟﯘﭘﻤﯘ، ﻗﺎﺭﺍ ﻧﯩﻴﯩﺘﻰ ﺋﯘﺭﻏﯘﭖ ﺗﯘﺭﻏﺎﻥ ﺑﯩﺮﯨﺘﺎﻧﯩﻴﻪ ﺋﯩﻤﭙﯩﺮﯨﻴﯩﺴﻰ ﺑﯩﻠﻪﻥ ﭼﺎﺭﯗﺳﯩﻴﻪ ﺋﯩﻤﭙﯩﺮﯨﻴﯩﺴﯩﻨﯩﯔﺑﻪﺱ- ﺑﻪﺱ ﺑﯩﻠﻪﻥ ﺯﯨﻤﯩﻦ ﻛﯧﯖﻪﻳﺘﯩﺸﻰ ﻧﻪﺗﯩﺠﯩﺴﯩﺪﻩ ﺋﯩﺴﻼﻣﯩﻴﻪﺕ ﺩﯗﻧﻴﺎﺳﻰ ﺷﯩﻤﺎﻟﻰ ﺋﺎﻓﺮﯨﻘﺎ، ﮬﯩﻨﺪﯨﺴﺘﺎﻥ ﭼﻮﯓ ﻗﯘﺭﯗﻗﻠﯘﻗﻰ ﯞﻩ ﺗﯘﺭﺍﻥ ﺗﯘﺯﻟﻪﯕﻠﯩﻜﯩﺪﻩ ﻛﻪﻳﻨﻰ- ﻛﻪﻳﻨﯩﺪﯨﻦ ﭘﺎﺟﯩﺌﻪﻟﯩﻚ ﻗﯩﺴﻤﻪﺗﻜﻪ ﺗﯘﭼﺎﺭ ﺑﻮﻟﯘﭖ، ﻗﯘﻟﻠﯘﻕ ﻛﯩﺸﻪﻧﻠﯩﺮﻯ ﺑﯩﻠﻪﻥ ﭼﻪﻣﺒﻪﺭﭼﺎﺱ ﺑﺎﻏﻠﯩﻨﯩﭗ، ﺋﻮﺯﯨﻨﯩﯔ ﺗﺎﺭﯨﺨﻰ ﺩﯗﺷﻤﻪﻧﻠﯩﺮﯨﻨﯩﯔ ﮬﻮﻛﯘﻣﺮﺍﻧﻠﯩﻘﯩﻨﻰ ﭼﻪﻛﺴﯩﺰ ﮬﻪﺳﺮﻩﺕ ﺋﯩﭽﯩﺪﻩ ﻗﯘﺑﯘﻝ ﻗﯩﻠﯩﺸﻘﺎ ﻣﻪﺟﺒﯘﺭ ﺑﻮﻟﻤﺎﻗﺘﺎ ﺋﯩﺪﻯ.

ﻣﺎﻧﺎ ﻣﯘﺷﯘﻧﺪﺍﻕ ﺋﯧﻐﯩﺮ ﺗﺎﺭﯨﺨﻰ ﻛﯘﻟﭙﻪﺕ ﺋﯩﺴﻼﻣﯩﻴﻪﺕ ﺩﯗﻧﻴﺎﺳﯩﻨﯩﯔ ﺩﯨﻨﯩﻲ ﺷﺎﻥ- ﺷﻮﮬﺮﯨﺘﯩﻨﻰ، ﻣﯩﻠﻠﻰ ﺋﻪﺭﻙ- ﮬﻮﻗﯘﻗﯩﻨﻰ ﯞﻩ ﻣﻪﺭﯨﭙﻪﺗﭽﯩﻠﯩﻚ ﺭﻭﮬﯩﻨﻰ ﺋﻪﺳﻠﯩﮕﻪ ﻛﻪﻟﺘﯘﺭﯗﺵ ﺋﯘﭼﯘﻥ ﭘﯩﺪﺍﻛﺎﺭﻟﯩﻖ ﻛﻮﺭﺳﯩﺘﻪﻟﻪﻳﺪﯨﻐﺎﻥ ﺷﯩﺮ ﻳﯘﺭﻩﻙ ﻣﯩﻠﻠﻰ ﺩﺍﮬﯩﻴﻼﺭ ﺑﯩﻠﻪﻥ ﺋﻮﺕ ﻳﯘﺭﻩﻙ ﻣﯘﺗﻪﭘﻪﻛﻜﯘﺭﻻﺭﻧﯩﯔ ﺋﻮﺗﺘﯘﺭﯨﻐﺎ ﭼﯩﻘﯩﭗ، ﻛﯘﻟﭙﻪﺗﺘﯩﻦ ﻗﯘﺗﯘﻟﯘﺷﻨﯩﯔ ﻳﻮﻟﻠﯩﺮﻯ ﺋﯘﺳﺘﯩﺪﻩ ﺋﯩﺰﺩﯨﻨﯩﺸﻰ ﯞﻩ ﺗﻪﭘﻪﻛﻜﯘﺭ ﻳﯘﺭﮔﯘﺯﯗﺷﯩﻨﻰ ﺗﻪﻗﻪﺯﺯﺍ ﻗﯩﻠﺪى.
ﺯﺍﺩﻯ ﻗﺎﻧﺪﺍﻕ ﻗﯩﻠﻐﺎﻧﺪﺍ ﻗﯘﻟﻠﯘﻕ ﻛﯩﺸﻪﻧﻠﯩﺮﯨﻨﻰ ﺋﯘﺯﯗﭖ ﺗﺎﺷﻼﭖ، ﺋﻪﻗﯩﺪﯨﻨﻰ ﺳﺎﭘﻼﺷﺘﯘﺭﯗﭖ، ﻣﯩﻠﻠﻰ ﺋﺎﯕﻨﻰ ﺋﻮﻳﻐﯩﺘﯩﭗ، ﻣﻪﺭﯨﭙﻪﺕ ﺭﻭﮬﯩﻨﻰ ﺗﯩﻜﻠﯩﮕﯩﻠﻰ، ﺧﺎﺭﻟﯩﻖ، ﺋﯩﺘﺘﯩﭙﺎﻗﺴﯩﺰﻟﯩﻖ، ﺑﻮﺷﺎﯕﻠﯩﻖ، ﻗﺎﺷﺎﯕﻠﯩﻖ، ﺧﯘﺭﺍﭘﺎﺗﻠﯩﻖ ﺋﯩﻠﻠﻪﺗﻠﯩﺮﯨﮕﻪ ﺧﺎﺗﯩﻤﻪ ﺑﯧﺮﯨﭗ ﺋﯘﻳﯘﺷﻘﯩﻠﻰ، ﻛﯘﭼﻪﻳﮕﯩﻠﻰ، ﺯﻭﺭﺍﻳﻐﯩﻠﻰ ﺑﻮﻟﯩﺪﯗ؟ ﻣﺎﻧﺎ ﺑﯘ ﺋﯩﺴﻼﻣﯩﯩﻴﻪﺕ ﺩﯗﻧﻴﺎﺳﯩﺪﯨﻜﻰ ﺩﯨﻨﻰ ﻣﯘﺗﻪﭘﻪﻛﻜﯘﺭﻻﺭ ﺑﯩﻠﻪﻥ ﻣﯩﻠﻠﻰ ﺩﺍﮬﯩﻴﻼﺭ ﭘﯩﺪﺍﻛﺎﺭﻟﯩﻖ ﺑﯩﻠﻪﻥ ﺋﯩﺰﺩﯨﻨﯩﺪﯨﻐﺎﻥ، ﺋﻮﻳﻠﯩﻨﯩﺪﯨﻐﺎﻥ ﺟﯩﺪﺩﻯ ﺗﯧﻤﺎ ﺋﯩﺪﻯ.
ﺋﯘﻟﯘﻍ ﻣﻪﻧﯩﯟﻯ ﻳﯧﺘﻪﻛﭽﻰ، ﺩﯨﻦ ﯞﻩ ﻣﯩﻠﻠﻪﺗﻨﯩﯔ ﭘﯩﺪﺍﻛﺎﺭﻯ، ﮬﺎﺯﯨﺮﻗﻰ ﺯﺍﻣﺎﻥ ﻣﻪﺩﻩﻧﯩﻴﻪﺕ ﺗﺎﺭﯨﺨﯩﻤﯩﺰﻧﯩﯔ ﺷﺎﻧﻠﯩﻖ ﺋﯩﭙﺘﯩﺨﺎﺭﻯ، ﺋﯘﻳﻐﯘﺭ ﻳﯧﯖﻰ ﻣﺎﺋﺎﺭﯨﭙﯩﻨﯩﯔ ﺋﺎﺳﺎﺱ ﺳﺎﻟﻐﯘﭼﯩﺴﻰ، ﺋﻮﺕ ﻳﯘﺭﻩﻙ ﯞﻩﺗﻪﻧﭙﻪﺭﯞﻩﺭ، ﻣﻪﺭﯨﭙﻪﺗﭙﻪﺭﯞﻩﺭ، ﮬﻮﺭﯨﻴﻪﺗﭙﻪﺭﯞﻩﺭ ﺩﯨﻨﻰ ﺋﺎﻟﯩﻢ ﺋﺎﺑﺪﯗﻗﺎﺩﯨﺮ ﺩﺍﻣﻮﻟﻼﻡ 20- ﺋﻪﺳﯩﺮﻧﯩﯔ ﺑﯧﺸﯩﺪﺍ ﺧﻪﻟﻘﯩﻤﯩﺰ ﺋﺎﺭﯨﺴﯩﺪﯨﻦ ﭼﯩﻘﻘﺎﻥ ﺋﻪﻧﻪ ﺷﯘﻧﺪﺍﻕ ﺋﻮﻱ- ﺋﺎﺭﺯﯗﺩﯨﻜﻰ ﮔﯩﮕﺎﻧﺖ ﺯﺍﺕ ﺋﯩﺪﻯ. ﺋﺎﺑﺪﯗﻗﺎﺩﯨﺮ ﺩﺍﻣﻮﻟﻼﻡ ﺑﯩﻠﻪﻥ ﺯﺍﻣﺎﻧﺪﺍﺵ ﻣﻪﺷﮭﯘﺭ ﺋﺎﻟﯩﻢ، ﺋﺎﺗﺎﻗﻠﯩﻖ ﺷﺎﺋﯩﺮ، ﺩﺍﯕﻠﯩﻖ ﺗﯩﯟﯨﭗ ﮬﯘﺳﻪﻳﯩﻨﺨﺎﻥ ﺋﻪﻛﺒﻪﺭ ﺗﻪﺟﻪﻟﻠﻰ ﮬﻪﺯﺭﻩﺗﻠﯩﺮﻯ (1856- 1925) ﻧﯩﯔ ﺗﯩﻠﻰ ﺑﯩﻠﻪﻥ ﺋﯧﻴﺘﻘﺎﻧﺪﺍ ﺋﺎﺑﺪﯗﻗﺎﺩﯨﺮ ﺩﺍﻣﻮﻟﻼﻡ ﻧﺎﺯﯗﻛﻠﯘﻗﺘﺎ ﺭﻭﮬﻘﺎ، ﺋﯩﺮﺍﺩﯨﺴﯩﻨﯩﯔ ﻣﯘﺳﺘﻪﮬﻜﻪﻣﻠﯩﻜﯩﺪﻩ ﺗﺎﻏﻘﺎ، ﺋﯩﻠﯩﻤﻨﯩﯔ ﻣﻮﻟﻠﯘﻗﯩﺪﺍ ﺩﯦﯖﯩﺰﻏﺎ ﺋﻮﺧﺸﺎﻳﺘﺘﻰ.
ﺋﺎﺑﺪﯗﻗﺎﺩﯨﺮ ﺩﺍﻣﻮﻟﻼﻣﻨﯩﯔ ﺗﻮﻟﯘﻕ ﺋﯩﺴﻤﻰ ﺩﺍﻣﻮﻟﻼ ﺋﺎﺑﺪﯗﻗﺎﺩﯨﺮ ﺋﯩﺒﻨﻰ ﺋﺎﺑﺪﯗﻟﯟﺍﺭﯨﺲ، ﺗﻪﺧﻪﻟﻠﯘﺳﻰ «ﻏﺎﺯﻯ» ﺋﯩﺪﻯ. «ﻗﻪﺷﻘﻪﺭﻯ» ﺩﯨﮕﻪﻥ ﺗﻪﺧﻪﻟﻠﯘﺳﻨﻰ ﻗﻮﺷﯘﭖ ﺋﺎﺗﯩﻐﯘﭼﯩﻼﺭﻣﯘ ﺑﺎﺭ.
ﺋﺎﺑﺪﯗﻗﺎﺩﯨﺮ ﺩﺍﻣﻮﻟﻼﻡ 1862- ﻳﯩﻠﻰ ﻗﻪﺷﻘﻪﺭ ﺋﺎﺗﯘﺷﻨﯩﯔ ﻣﻪﺷﮭﻪﺩﻛﻪ ﺗﯘﺗﺎﺵ ﺑﺎﻏﺌﯧﺮﯨﻖ ﻛﻪﻧﺘﯩﺪﻩ ﺩﯗﻧﻴﺎﻏﺎ ﻛﻪﻟﮕﻪﻥ. ﺗﻪﺗﻘﯩﻘﺎﺗﭽﻰﺋﺎﺑﺪﯗﺭﯦﮭﯩﻢ ﺳﺎﺑﯩﺖ ﺋﻪﭘﻪﻧﺪﻯ «ﺋﺎﺑﺪﯗﻗﺎﺩﯨﺮ ﺩﺍﻣﻮﻟﻼﻡ ﯞﻩ <ﻣﯩﻔﺘﺎﮬﯘﻝﺋﻪﺩﻩﺏ » ﻧﺎﻣﻠﯩﻖ ﻣﺎﻗﺎﻟﯩﺴﯩﺪﻩ ﺋﺎﺑﺪﯗﻗﺎﺩﯨﺮ ﺩﺍﻣﻮﻟﻼﻣﻨﯩﯔ ﺋﻮﻏﻠﻰ ﺋﺎﺑﺪﯗﻟﺌﻪﺯﯨﺰ ﻣﻪﺧﺴﯘﻣﻨﯩﯔ ﺑﻪﺭﮔﻪﻥ ﻣﻪﻟﯘﻣﺎﺗﻰ ﺑﻮﻳﯩﭽﻪ ﺋﺎﺑﺪﯗﻗﺎﺩﯨﺮ ﺩﺍﻣﻮﻟﻼﻣﻨﻰ ﮬﯩﺠﯩﺮﯨﻴﻪ 1278- ﻳﯩﻠﻰ (ﻣﯩﻼﺩﯨﻴﻪ 1854-1855- ﻳﯩﻠﻠﯩﺮﻯ) ﺗﯘﻏﯘﻟﻐﺎﻥ ﺩﻩﭖ ﻳﺎﺯﻏﺎﻥ. ﺋﺎﺑﺪﯗﻗﺎﺩﯨﺮ ﺩﺍﻣﻮﻟﻼﻣﻨﯩﯔ 1985- ﻳﯩﻠﻰ ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻧﺪﺍ ﻗﺎﻳﺘﺎﺑﯧﺴﯩﻠﻐﺎﻥ «ﺗﻪﺟﯟﯨﺪ ﺗﯘﺭﻛﯩﻲ» ﻧﺎﻣﻠﯩﻖ ﻛﯩﺘﺎﺑﯩﻨﯩﯔ ﺋﺎﺧﯩﺮﯨﺪﺍ ﻣﯩﻼﺩﯨﻴﻪ 1881-ﻳﯩﻠﻰ ﺗﯘﻏﯘﻟﻐﺎﻥ ﺩﻩﭖ ﻛﻮﺭﺳﯩﺘﯩﻠﮕﻪﻥ. ﻣﻪﻥ ﺋﺎﭘﺘﻮﻧﯘﻡ ﺭﺍﻳﻮﻧﯩﻤﯩﺰﺩﺍ ﻧﻪﺷﯩﺮ ﻗﯩﻠﯩﻨﻐﺎﻥ ﻛﯩﺘﺎﺏ- ﮊﯗﺭﻧﺎﻟﻼﺭﺩﺍ ﺑﯩﺮﺩﻩﻙ ﺋﯧﻠﯩﻨﯩﭗ ﺋﻮﻣﯘﻣﻠﯩﺸﯩﭗ ﻗﺎﻟﻐﯩﻨﻰ ﺑﻮﻳﯩﭽﻪ ﻳﻪﻧﯩﻼ 1862- ﻳﯩﻠﻰ ﺗﯘﻏﯘﻟﻐﺎﻥ ﺩﻩﭖ ﺋﯧﻠﯩﺸﻨﻰ ﻣﯘﯞﺍﭘﯩﻖ ﺗﺎﭘﺘﯩﻢ. ﺑﯘ ﮬﻪﻗﺘﯩﻜﻰ ﺗﻪﺗﻘﯩﻘﺎﺕ ﭼﻮﯕﻘﯘﺭﻟﯩﺸﯩﭗ، ﺋﯧﻨﯩﻖ ﭘﺎﻛﯩﺖ ﺑﯩﻠﻪﻥ ﻣﯘﻗﯩﻤﻼﺷﻘﯘﭼﻪ 1862- ﻳﯩﻠﻰ ﺗﯘﻏﯘﻟﻐﺎﻥ ﺩﻩﭖ ﺋﯧﻠﯩﯟﯦﺮﯨﺸﻨﻰ ﺗﻮﻏﺮﺍ ﺩﻩﭖ ﻗﺎﺭﺍﻳﻤﻪﻥ. ﻣﯘﺷﯘ ﺑﻮﻳﯩﭽﻪ ﺑﻮﻟﻐﺎﻧﺪﺍ، ﺋﺎﺑﺪﯗﻗﺎﺩﯨﺮ ﺩﺍﻣﻮﻟﻼﻡ 62 ﻳﯧﺸﯩﺪﺍ ﺷﯧﮭﯩﺪ ﺑﻮﻟﻐﺎﻥ ﺑﻮﻟﯩﺪﯗ.
ﻣﻪﺷﮭﻪﺩ- ﻗﺎﺭﺍﺧﺎﻧﯩﻴﻼﺭ ﺧﺎﻧﻠﯩﻘﯩﻨﯩﯔ ﺋﻪﯓ ﻣﻪﺷﮭﯘﺭ ﺧﺎﻗﺎﻧﻰ ﺳﯘﻟﺘﺎﻥ ﺳﯘﺗﯘﻕ ﺑﯘﻏﺮﺍﺧﺎﻥ ﺑﯩﻠﻪﻥ ﺋﯘﻧﯩﯔ ﺋﯘﺳﺘﺎﺯﻯ ﺋﻪﺑﯘ ﻧﻪﺳﯩﺮ ﺳﺎﻣﺎﻧﻰ ﺩﻩﭘﻨﻪ ﻗﯩﻠﯩﻨﻐﺎﻥ ﻣﻪﺷﮭﯘﺭ ﺟﺎﻱ. ﺗﺎﺭﯨﺨﺘﺎ ﺋﻮﺗﻜﻪﻥﺳﻪﻟﺘﻪﻧﻪﺕ ﺋﯩﮕﯩﻠﯩﺮﻯ ﺑﯩﻠﻪﻥ ﻣﻪﺷﮭﯘﺭ ﺋﻮﻟﯩﻤﺎﻻﺭ ﺳﯘﻟﺘﺎﻥ ﺳﯘﺗﯘﻕ ﺑﯘﻏﺮﺍﺧﺎﻥ ﺑﯩﻠﻪﻥ ﺋﻪﺑﯘ ﻧﻪﺳﯩﺮﺳﺎﻣﺎﻧﯩﻨﯩﯔ ﮬﻮﺭﻣﯩﺘﻰ ﺋﯘﭼﯘﻥ، ﻗﻪﺑﺮﯨﮕﺎﮬ ﻳﯧﻨﯩﻐﺎ ﻣﻪﺳﭽﯩﺖ، ﻣﻪﺩﺭﯨﺴﻪ، ﺧﺎﻧﯩﻘﺎﻻﺭﻧﻰ ﺑﯩﻨﺎﻗﯩﻠﻐﺎﻥ. ﺋﺎﺑﺪﯗﻗﺎﺩﯨﺮ ﺩﺍﻣﻮﻟﻼﻡ ﺑﺎﺷﻼﻧﻐﯘﭺ ﻣﻪﻟﯘﻣﺎﺗﻨﻰ ﻣﺎﻧﺎ ﻣﯘﺷﯘ ﻳﻪﺭﺩﯨﻜﻰ «ﮬﻪﺯﺭﯨﺘﻰ ﺳﯘﻟﺘﺎﻧﯩﻴﻪ ﻣﻪﺩﺭﯨﺴﻪ» ﺳﯩﺪﯨﻦ ﺋﺎﻟﻐﺎﻥ. ﻳﯧﺸﻰ 15 ﻛﻪ ﻳﻪﺗﻜﻪﻧﺪﻩ ﻗﻪﺷﻘﻪﺭ ﺷﻪﮬﯩﺮﻯ ﺋﻮﺭﺩﺍ ﺋﺎﻟﺪﯨﺪﯨﻜﻰﺋﺎﻟﻰ ﺑﯩﻠﯩﻢ ﻳﯘﺭﺗﻰ «ﺧﺎﻧﻠﯩﻖ ﻣﻪﺩﺭﯨﺴﻪ» ﮔﻪ ﺋﻮﻗﯘﺷﻘﺎ ﻛﯩﺮﯨﭗ، ﻣﯘﻧﺘﯩﺰﯨﻢ ﺗﻪﺭﺑﯩﻴﻪ ﺋﺎﻟﻐﺎﻥ.
ﺋﻪﻳﻨﻰ ﻳﯩﻠﻼﺭﺩﺍ ﺑﯘﺧﺎﺭﺍﺩﺍ ﺋﻮﻗﯘﺵ ﺩﯨﻨﻰ ﺋﯩﻠﯩﻤﺪﻩ ﺋﻪﻟﻼﻣﻪ ﺑﻮﻟﯘﺷﻨﯩﯔ ﻳﻮﻟﻰ ﺋﯩﺪﻯ. ﭼﯘﻧﻜﻰ، ﺑﯘﺧﺎﺭﺍ ﺋﯩﺴﻼﻡ ﺩﯨﻨﻰ ﺋﯩﻠﻤﻰ ﺑﻮﻳﯩﭽﻪ ﻧﻮﭘﯘﺯﻟﯘﻕ ﺋﺎﻟﯩﻤﻼﺭ ﯞﻩ ﻣﻪﺷﮭﯘﺭ ﻣﻪﺩﺭﯨﺴﻠﻪﺭ ﺗﻮﭘﻼﻧﻐﺎﻥ ﺟﺎﻱ ﺋﯩﺪﻯ. ﺷﯘﯕﺎ، ﻛﯩﺸﯩﻠﻪﺭ «ﺳﻪﻣﻪﺭﻗﻪﻧﺪ ﺳﻪﻳﻘﯩﻠﻰ ﺋﺎﻟﻪﻡ، ﺑﯘﺧﺎﺭﺍ ﻗﯘﯞﯞﯨﺘﻰﺋﯩﺴﻼﻡ» ﺩﻩﭖ ﺗﻪﺭﯨﭙﻠﯩﺸﻪﺗﺘﻰ.
ﺋﺎﺑﺪﯗﻗﺎﺩﯨﺮ ﺩﺍﻣﻮﻟﻼﻡ ﻗﻪﺷﻘﻪﺭ «ﺧﺎﻧﻠﯩﻖ ﻣﻪﺩﺭﯨﺴﻪ» ﺪﻩ ﺋﯩﮕﯩﻠﯩﮕﻪﻥ ﺑﯩﻠﯩﻤﻠﯩﺮﯨﮕﻪ ﻗﺎﻧﺎﺋﻪﺕ ﻗﯩﻠﻤﺎﻱ، ﺩﯨﻨﯩﻲ ﺋﯩﻠﯩﻤﺪﻩ ﻛﺎﻣﺎﻟﻪﺗﻜﻪ ﻳﯧﺘﯩﺶ ﺋﯘﭼﯘﻥ ﺑﯘﺧﺎﺭﺍﻏﺎ ﺑﯧﺮﯨﭗ، ﺋﯘ ﻳﻪﺭﺩﯨﻜﻰ «ﺋﺎﺑﺪﯗﻟﺌﻪﺯﯨﺰﺧﺎﻥ ﻣﻪﺩﺭﯨﺴﻪ» ﺳﯩﮕﻪ ﺋﻮﻗﯘﺷﻘﺎ ﻛﯩﺮﯨﭗ، ﺩﯨﻨﻰ ﺋﯩﻠﯩﻤﻨﯩﯔ ﮬﻪﺭ ﻗﺎﻳﺴﻰ ﺗﯘﺭﻟﯩﺮﻯ ﺑﻮﻳﯩﭽﻪ ﻛﺎﻣﺎﻟﻪﺗﻜﻪ ﻳﯧﺘﯩﭙﻼ ﻗﺎﻟﻤﺎﺳﺘﯩﻦ، ﺋﻪﺩﻩﺑﯩﻴﺎﺕ، ﺗﺎﺭﯨﺦ، ﺟﯘﻏﺮﺍﭘﯩﻴﻪ، ﺋﯩﻠﻤﻰ ﻣﻪﻧﺘﯩﻖ، ﮬﯩﺴﺎﺏ ﭘﻪﻧﻠﯩﺮﯨﻨﻰ ﯞﻩﺋﻪﺭﻩﭖ، ﭘﺎﺭﺱ، ﺋﻮﺭﺩﯗ ﺗﯩﻠﻠﯩﺮﯨﻨﻰ ﭘﯩﺸﺸﯩﻖ ﺋﯩﮕﯩﻠﯩﮕﻪﻥ. ﺋﯘ ﺑﯘﺧﺎﺭﺍﺩﺍ ﻣﻪﯞﻻﻧﻪ ﺋﺎﺑﺪﯗﺭﺍﺯﺍﻗﻰ، ﺑﯘﺧﺎﺭﺍ ﻣﯘﻓﺘﯩﺴﻰ ﺩﺍﻣﻮﻟﻼ ﺋﻪﯞﯨﺰ ﺧﻮﺟﻪﻧﺪﻯ، ﻗﻮﻗﻪﻧﺪﻧﯩﯔ ﺷﻪﻳﺨﯘﻟﺌﯩﺴﻼﻣﻰ ﺩﺍﻣﻮﻟﻼ ﺋﯘﻟﯘﻏﺠﺎﻥ ﺗﻮﺭﻩﻣﻠﻪﺭﺩﯨﻦ ﺩﻩﺭﺱ ﺋﺎﻟﻐﺎﻥ. ﺳﺎﯞﺍﻗﺪﺍﺷﻠﯩﺮﻯ ﯞﻩ ﻣﻪﺳﻠﻪﻛﺪﺍﺵ ﺩﻭﺳﺘﻠﯩﺮﻯ ﺋﯘﺭﺍﻝ ﺗﺎﺗﺎﺭﻟﯩﺮﯨﺪﯨﻦ ﺑﻮﻟﻐﺎﻥ ﺭﯨﺰﺍﺋﯩﺪﺩﯨﻦ ﭘﻪﺧﺮﯨﺪﺩﯨﻦ، ﻣﯘﺳﺎﺟﺎﺭﯗﻟﻼ، ﺋﻪﮬﻤﻪﺩ ﭘﻪﺭﯨﺪﻯ ﺋﺎﺑﺒﺎﺱ ﻗﺎﺗﺎﺭﻟﯩﻘﻼﺭ ﺑﯩﻠﻪﻥ ﺑﻪﺳﻠﯩﺸﯩﭗﺋﯩﻠﯩﻢ ﺋﻮﮔﻪﻧﮕﻪﻥ، ﺩﯨﻦ ﯞﻩ ﻣﯩﻠﻠﻪﺕ ﺩﯗﭺ ﻛﯧﻠﯩﯟﺍﺗﻘﺎﻥ ﻣﻪﺳﯩﻠﯩﻠﻪﺭ ﺋﯘﺳﺘﯩﺪﻩ ﺋﻮﺭﺗﺎﻕ ﭘﯩﻜﯩﺮ ﻳﯘﺭﮔﯘﺯﯗﺷﻜﻪﻥ.
ﺋﺎﺑﺪﯗﻗﺎﺩﯨﺮ ﺩﺍﻣﻮﻟﻼﻡ ﺋﻮﻗﯘﺷﻨﻰ ﺗﺎﻣﺎﻣﻠﯩﻐﺎﻧﺪﯨﻦ ﻛﯧﻴﯩﻦ ﺳﻪﻣﻪﺭﻗﻪﻧﺪ، ﺋﻮﻓﺎﻻﺭﺩﺍ ﻣﯘﺩﻩﺭﺭﯨﺴﻠﯩﻚ ﻗﯩﻠﻐﺎﻥ. ﻣﯘﺩﻩﺭﺭﯨﺴﻠﯩﻚ ﻗﯩﻠﯩﺶ ﺟﻪﺭﻳﺎﻧﯩﺪﺍ ﺩﻩﺭﺳﻠﯩﻚ ﺋﯧﮭﺘﯩﻴﺎﺟﯩﻨﻰ ﻛﻮﺯﺩﻩ ﺗﯘﺗﯘﭖ «ﺋﺎﻗﺎﺋﯩﺪ ﺯﻭﺭﯗﺭﯨﻴﻪ»، «ﺋﯩﺒﺎﺩﻩﺕ ﺋﯩﺴﻼﻣﯩﻴﻪ» ﻧﺎﻣﻠﯩﻖ ﻛﯩﺘﺎﺑﻼﺭﻧﻰ ﺗﯘﺯﯗﭖ، ﺋﻮﻓﺎﺩﺍ ﺑﺎﺳﺘﯘﺭﯗﭖﺗﺎﺭﻘﺎﺗﻘﺎﻥ.
ﺋﺎﺑﺪﯗﻗﺎﺩﯨﺮ ﺩﺍﻣﻮﻟﻼﻡ ﻗﻪﺷﻘﻪﺭﮔە ﻗﺎﻳﺘﯩﺸﺘﯩﻦ ﺋﯩﻠﮕﯩﺮﻯ ﺋﯩﺴﺘﺎﻧﺒﯘﻝ، ﻗﺎﺯﺍﻥ، ﺧﻮﺟﻪﻧﺖ، ﺗﺎﺷﻜﻪﻧﺖ ﻗﺎﺗﺎﺭﻟﯩﻖ ﺟﺎﻳﻼﺭﺩﺍ ﺋﯩﻠﻤﯩﻲﺯﯨﻴﺎﺭﻩﺗﺘﻪ ﺑﻮﻟﯘﭖ، ﺋﻪﻳﻨﻰ ﻳﯩﻠﻼﺭﺩﺍ ﺋﻮﺗﺘﯘﺭﺍ ﺋﺎﺳﯩﻴﺎﺩﯨﻜﻰ ﺗﺎﺗﺎﺭﻣﻪﺭﯨﭙﻪﺗﭽﯩﻠﯩﺮﻯ ﻳﻮﻟﻐﺎ ﻗﻮﻳﻐﺎﻥ ﻳﯧﯖﯩﭽﻪ ﺋﻮﻗﯘﺗﯘﺵ ﺷﻪﻛﻠﻰ- «ﺋﯘﺳﯘﻟﻰ ﺟﻪﺩﯨﺪ» ﻧﯩﯔ ﺋﻪﻧﺌﻪﻧﯩﯟﻯ ﺋﻮﻗﯘﺗﯘﺵ ﺷﻪﻛﻠﻰ- «ﺋﯘﺳﯘﻟﻰ ﻗﻪﺩﯨﻤﯩﻲ» ﺩﯨﻦ ﻛﻮﭖ ﺋﯩﻠﻐﺎﺭ ﮬﻪﻡ ﺋﯘﻧﯘﻣﻠﯘﻙ ﺋﯩﻜﻪﻧﻠﯩﻜﯩﻨﻰ ﺗﻮﻧﯘﭖ ﻳﻪﺗﻜﻪﻥ.
ﺋﻮﺗﺘﯘﺭﺍ ﺋﺎﺳﯩﻴﺎ ﻣﺎﺋﺎﺭﯨﭙﯩﺪﺍ «ﺋﯘﺳﯘﻟﻰ ﺟﻪﺩﯨﺪ» ﻧﻰ ﺑﺎﺭﻟﯩﻘﻘﺎ ﻛﻪﻟﺘﯘﺭﯗﺷﺘﻪ ﯞﻩ ﺋﻮﻣﯘﻣﻼﺷﺘﯘﺭﯗﺷﺘﺎ ﺑﺎﺷﻼﻣﭽﻰ ﺑﻮﻟﻐﺎﻥ ﻛﯩﺸﻰﺗﺎﺗﺎﺭ ﻣﯩﻠﻴﻮﻧﯩﺮ ﻏﻪﻧﯩﺒﺎﻱ ﺋﯩﺪﻯ. ﺋﯘ ﻛۆپنى ﻛۆﺭﮔﻪﻥ، ﺳﯧﺨﯩﻲ، ﻣﯩﻠﻠﻪﺗﭙﻪﺭﯞﻩﺭﻟﯩﻚ ﺭﻭﮬﻰ ﺋﯘﺭﻏﯘﭖ ﺗﯘﺭﯨﺪﯨﻐﺎﻥ ﻛﯩﺸﻰ ﺑﻮﻟﯘﭖ، ﺟﺎﻱ- ﺟﺎﻳﻼﺭﺩﺍ ﺳﻮﺩﺍ- ﺳﯧﺘﯩﻖ ﻗﯩﻠﯩﺶ ﺟﻪﺭﻳﺎﻧﯩﺪﺍ ﻳﺎﯞﺭﻭﭘﺎ ﻣﯩﻠﻠﻪﺗﻠﯩﺮﯨﻨﯩﯔ ﺗﻪﺭﻩﻗﻘﯩﻴﺎﺗﻰ ﯞﻩ ﻣﻪﺩﻩﻧﯩﻴﻪﺕ ﺳﻪﯞﯨﻴﯩﺴﯩﻨﯩﯔ ﻳﯘﻗﯩﺮﻯ ﺋﯩﻜﻪﻧﻠﯩﻜﯩﻨﻰ ﮬﯩﺲﻗﯩﻠﻐﺎﻥ ﮬﻪﻡ ﺑﯘﻧﯩﯔ ﺳﻪﯞﻩﺑﻰ ﺋﯘﺳﺘﯩﺪﻩ ﻛﻮﭖ ﺋﻮﻳﻼﻧﻐﺎﻥ. ﺋﯘ ﺑﯘ ﺳﻪﯞﻩﺑﻨﻰ ﺗﻪﺑﯩﺌﻰ ﮬﺎﻟﺪﺍ ﻣﺎﺋﺎﺭﯨﭙﻘﺎ ﺑﺎﻏﻼﭖ ﭼﯘﺷﻪﻧﮕﻪﻥ.
1893- ﻳﯩﻠﻰ ﺋﯩﻴﯘﻧﺪﺍ، ﻏﻪﻧﯩﺒﺎﻱ ﺳﻪﻣﻪﺭﻗﻪﻧﺪ ﺷﻪﮬﯩﺮﯨﮕﻪ ﺑﺎﺭﯨﺪﯗ. ﺋﯘ ﺳﻪﻣﻪﺭﻗﻪﻧﺪﺗﯩﻜﻰ ﺑﯩﺮ ﻣﯩﮭﻤﺎﻧﺪﺍﺭﭼﯩﻠﯩﻘﺘﺎﻗﯩﺮﯨﻤﻠﯩﻖ ﺗﺎﺗﺎﺭ ﺯﯨﻴﺎﻟﯩﻴﺴﻰ، ﻣﻪﺷﮭﯘﺭ ﻣﻪﺩﻩﻧﯩﻴﻪﺕ ﺋﻪﺭﺑﺎﺑﻰ ﺋﯩﺴﻤﺎﻳﯩﻠﺒﯧﻚ ﻏﺎﺳﭙﯧﺮﺍﻟﻰﺋﻪﭘﻪﻧﺪﻯ ﻗﺎﺗﺎﺭﻟﯩﻖ 20 ﻧﻪﭼﭽﻪ ﺑﯩﻠﯩﻤﻠﯩﻚ ﺯﺍﺕ ﺑﯩﻠﻪﻥ ﺑﯩﻠﻠﻪ ﺑﻮﻟﯘﭖ ﻗﺎﻟﯩﺪﯗ. ﺑﯘ ﺳﻮﺭﯗﻧﺪﺍ ﺋﯘﺋﻮﺯﯨﻨﯩﯔ ﺋﻮﻳﻠﯩﺮﯨﻨﻰ ﺋﯘﻻﺭﻏﺎ ﺳۆﺯﻟﻪﭖ ﺑﯧﺮﯨﭗ، ﺋﻪﻳﻨﻰ ﯞﺍﻗﯩﺘﺘﯩﻜﻰ ﻣﻪﺩﺭﯨﺴﻠﻪﺭﻧﯩﯔ ﺋﻪﮬﯟﺍﻟﯩﻨﻰ، ﺋﻮﻗﯘﺗﯘﺵ ﺋﯘﺳﯘﻟﯩﻨﯩﯔ ﻗﺎﻻﻗﻠﯩﻘﯩﻨﻰ، ﺷﯘﯕﺎ ﻳﯧﯖﯩﭽﻪ ﺋﻮﻗﯘﺗﯘﺵ ﺋﯘﺳﯘﻟﻰ ﺗﯧﭙﯩﺸﻨﯩﯔ ﺯﻭﺭﯗﺭﻟﯩﻜﯩﻨﻰﺋﯧﻴﺘﯩﺪﯗ. ﺳﻮﺭﯗﻧﺪﯨﻜﯩﻠﻪﺭ ﺋﯘنىڭ ﺳﻮﺯﯨﻨﻰﺗﻮﻏﺮﺍ ﺗﺎﭘﯩﺪﯗ ﯞﻩ ﺳﻪﻣﻪﺭﻗﻪﻧﺪ ﺷﻪﮬﯩﺮﯨﺪﻩ ﻳﯧﯖﯩﭽﻪﻣﻪﻛﺘﻪﭖ ﺋﯧﭽﯩﭗ، ﺳﯩﻨﺎﻕ ﻗﯩﻠﻤﺎﻗﭽﻰ ﺑﻮﻟﯘﺷﯩﺪﯗ. ﻏﻪﻧﯩﺒﺎﻱ ﻣﻪﻛﺘﻪﭖ ﺋﯧﭽﯩﺸﻨﯩﯔ ﺑﺎﺭﻟﯩﻖ ﺋﯩﻘﺘﯩﺴﺎﺩﯨﻲﺧﯩﺮﺍﺟﯩﺘﯩﻨﻰ ﺋﯘﺳﺘﯩﮕﻪ ﺋﺎﻟﯩﺪﯗ. ﺋﯩﺴﻤﺎﻳﯩﻠﺒﯧﻚ ﺋﻪﭘﻪﻧﺪﻯ ﺑﻮﻟﺴﺎ ﺩﻩﺭﺳﻠﯩﻚ ﯞﻩ ﺋﻮﻗﯘﺗﻘﯘﭼﻰ ﺗﯧﭙﯩﺶﺋﯩﺸﻠﯩﺮﯨﻨﻰ ﺋﯘﺳﺘﯩﮕﻪ ﺋﯧﻠﯩﭗ، ﺑﺎﻛﯘﻟﯘﻙ ﺋﻮﻗﯘﺗﻘﯘﭼﻰ ﺳﯘﻟﺘﺎﻥ ﻣﻪﺟﯩﺪ ﻏﻪﻧﯩﺰﺍﺗﻨﻰ ﺋﻮﻗﯘﺗﻘﯘﭼﯩﻠﯩﻘﻘﺎﺗﻪﻛﻠﯩﭗ ﻗﯩﻠﯩﺪﯗ. ﺑﯘ ﺗﻪﻳﻴﺎﺭﻟﯩﻘﻼﺭ ﭘﯘﺗﻨﻪﻛﺪﯨﻦ ﻛﯧﻴﯩﻦ، ﺳﻪﻣﻪﺭﻗﻪﻧﺪ ﺷﻪﮬﯩﺮﯨﺪﯨﻦ ﺋﻮﺗﺘﯘﺯﻏﺎﻳﯧﻘﯩﻦ ﺑﺎﻟﯩﻨﻰ ﻳﯩﻐﯩﭗ ﺑﯩﺮ ﺳﯩﻨﯩﭗ ﻗﯩﻠﯩﭗ «ﺋﯘﺳﯘﻟﻰ ﺟﻪﺩﯨﺪ» ﭼﻪ ﺋﻮﻗﯘﺗﯘﺷﻨﻰ ﻳﻮﻟﻐﺎ ﻗﻮﻳﯘﭖ ﺩﻩﺭﺱﺑﺎﺷﻼﻳﺪﯗ. ﺩﻩﺭﺱ ﺋﻮﺗﯘﻟﯘﭖ ﻗﯩﺮﯨﻖ ﻛﯘﻧﮕﯩﭽﻪ ﺋﻮﻗﯘﻏﯘﭼﯩﻼﺭﻧﯩﯔ ﺳﺎﯞﺍﺩﻯ ﭼﯩﻘﯩﺪﯗ. ﺳﯩﻨﺎﻕ ﻣﯘﯞﻩﭘﭙﻪﻗﯩﻴﻪﺗﻠﯩﻚ ﺑﻮﻟﯩﺪﯗ. ﻛﯩﺸﯩﻠﻪﺭﻣﯘ ﺋﺎﭘﺮﯨﻦ ﺋﻮﻗﯘﺷﯩﺪﯗ. ﺷﯘﻧﯩﯔ ﺑﯩﻠﻪﻥ ﺋﻮﺗﺘﯘﺭﺍ ﺋﺎﺳﯩﻴﺎﺩﺍ «ﺋﯘﺳﯘﻟﻰ ﺟﻪﺩﯨﺪ» ﭼﻪ ﺋﻮﻗﯘﺗﯘﺷﻨﻰ ﻳﻮﻟﻐﺎ ﻗﻮﻳﯘﺷﻨﯩﯔ ﻳﻮﻟﻰ ﺋﯧﭽﯩﻠﯩﺪﯗ.
مەرىپەتپەرۋەر ﻣﯩﻠﻴﻮﻧﯩﺮ ﻏﻪﻧﯩﺒﺎﻱ ﺋﻮﺭﯨﻨﺒﻮﺭﮒ، ﻗﺎﺭﻏﺎﻟﻰ ﺷﻪﮬﻪﺭﻟﯩﺮﯨﺪﻩ ﺋﺎﺭﻗﺎ- ﺋﺎﺭﻗﯩﺪﯨﻦ ﺳﯩﻨﺎﻕ ﺋﯧﻠﯩﭗ ﺑﯧﺮﯨﭗ، ﻛﻪﯓﺗﺎﺗﺎﺭ ﺋﺎﻣﻤﯩﺴﯩﻐﺎ ﺟﻪﺩﯨﺘﭽﻪ ﺋﻮﻗﯘﺗﯘﺷﻨﯩﯔ ﺋﯩﻠﻐﺎﺭﻟﯩﻘﻰ ﯞﻩ ﺋﯘﻧﯘﻣﻠﯘﻛﻠﯘﻛﯩﻨﻰ ﻧﺎﻣﺎﻳﺎﻥ ﻗﯩﻠﯩﺪﯗ. ﻏﻪﻧﯩﺒﺎﻱ ﺟﻪﺩﯨﺘﭽﻪ ﻣﺎﺋﺎﺭﯨﭗ ﺋﯘﺳﯘﻟﯩﻨﻰ ﭘﯘﺗﻜﯘﻝ ﺗﺎﺗﺎﺭ ﺧﻪﻟﻘﯩﮕﻪ ﺋﻮﻣﯘﻣﻼﺷﺘﯘﺭﯗﺵ ﺋﯘﭼﯘﻥ 1902- ﻳﯩﻠﻰ ﯞﺍﭘﺎﺕ ﺑﻮﻟﻐﺎﻧﻐﺎ ﻗﻪﺩﻩﺭ ﻛﯘﺭﻩﺵ ﻗﯩﻠﯩﺪﯗ. ﻣﯩﻠﻠﻪﺗﭙﻪﺭﯞﻩﺭ ﺯﯨﻴﺎﻟﯩﻴﻼﺭ ﺋﯘﻧﯩﯖﻐﺎ ﺑﺎﺭ ﻛﯘﭼﻰﺑﯩﻠﻪﻥ ﮬﻪﻣﺪﻩﻣﺪﻩ ﺑﻮﻟﯩﺪﯗ. ﻧﻪﺗﯩﺠﯩﺪﻩ، ﺗﺎﺗﺎﺭ ﻣﯩﻠﻠﯩﺘﯩﻨﯩﯔ ﻣﺎﺋﺎﺭﯨﭗ ﺋﯧﯖﻰ ﻣﯩﺴﻠﻰ ﻛﻮﺭﯗﻟﻤﯩﮕﻪﻥ ﺩﻩﺭﯨﺠﯩﺪﻩ ﺋﻮﻳﻐﯩﻨﯩﭗ، 1900- ﻳﯩﻠﻼﺭﻧﯩﯔ ﺑﯧﺸﯩﺪﺍ ﺗﺎﺗﺎﺭ ﺧﻪﻟﻘﻰ ﺋﺎﺭﯨﺴﯩﺪﺍ ﺑﺎﺷﻼﻧﻐﯘﭺ ﻣﺎﺋﺎﺭﯨﭗ ﺋﺎﺳﺎﺳﻰﺟﻪﮬﻪﺗﺘﯩﻦ ﺋﻮﻣﯘﻣﻠﯩﺸﯩﺪﯗ (ﻣﺎﻟﯩﻚ ﭼﺎﻧﯩﺸﯩﻒ، ﺗﺎﺗﺎﺭ، «ﺟﯘﯕﮕﯘ ﺗﺎﺗﺎﺭ ﻣﺎﺋﺎﺭﯨﭗ ﺗﺎﺭﯨﺨﻰ»، ﺷﯩﻨﺠﺎﯓ ﺧﻪﻟﻖ ﻧﻪﺷﯩﺮﯨﻴﺎﺗﻰ، 2001- ﻳﯩﻠﻰ ﻧﻪﺷﯩﺮﻯ).
ﺗﺎﺭﯨﺨﻰ ﻧﯘﻗﺘﯩﺪﯨﻦ ﻗﺎﺭﯨﻐﺎﻧﺪﺍ، ﺗﺎﺗﺎﺭ ﻣﯩﻠﻠﻪﺗﭽﯩﻠﯩﺮﯨﻨﯩﯔ ﻣﻪﺩﻩﻧﯩﻴﻪﺕ ﺟﻪﮬﻪﺗﺘﯩﻜﻰ ﺋﻮﻳﻐﯩﻨﯩﺶ ﮬﻪﺭﯨﻜﯩﺘﻰ ﺭﻭﺳﯩﻴﻪ ﻗﻮﺷﯘﻧﻠﯩﺮﯨﻨﯩﯔﺋﯘﺭﺍﻝ ﺗﺎﻏﻠﯩﺮﯨﺪﯨﻦ ﮬﺎﻟﻘﯩﭗ ﺋﻮﺗﯘﭖ، ﺗﺎﺗﺎﺭ ﻣﯩﻠﻠﯩﺘﯩﻨﯩﯔ ﺯﯨﻤﯩﻨﻠﯩﺮﯨﻨﻰ ﺑﯩﺮ- ﺑﯩﺮﻟﻪﭖﺋﯩﮕﯩﻠﻪﭖ، ﺋﯘﻻﺭﻧﯩﯔ ﺑﯩﺮ ﭘﯘﺗﯘﻧﻠﯩﻜﯩﮕﻪ ﯞﻩ ﻣﺎﺩﺩﻯ ﻣﻪﻧﭙﻪﺋﻪﺗﯩﮕﻪ ﻗﻮﺷﻼﭖ ﺯﻩﺭﺑﻪ ﺑﯧﺮﯨﺸﻰ ﻧﻪﺗﯩﺠﯩﺴﯩﺪﻩ ﺷﻪﻛﯩﻠﻠﯩﻨﯩﺸﻜﻪ ﺑﺎﺷﻠﯩﻐﺎﻥ. ﺑﯘﻧﺪﺍﻕ ﺯﻭﺭ ﻣﯩﻠﻠﻰ ﺧﻪﯞﭖ ﺋﺎﺳﺘﯩﺪﺍ ﺗﺎﺗﺎﺭ ﺧﻪﻟﻘﻰﺋﻮﺯﻟﯩﺮﯨﻨﯩﯔ ﻣﯩﻠﻠﻰ ﻣﻪﯞﺟﯘﺩﻟﯘﻗﯩﻨﻰ ﺳﺎﻗﻼﭖ ﻗﯧﻠﯩﺶ ﺋﯘﭼﯘﻥ ﺋﻪﻧﺌﻪﻧﯩﯟﻯ ﻣﻪﺩﻩﻧﯩﻴﻪﺕ ﺳﯧﺴﺘﯩﻤﯩﺴﯩﺪﯨﻜﻰﻗﺎﻻﻗﻠﯩﻘﻼﺭﻧﻰ ﺋﯩﺴﻼﮬ ﻗﯩﻠﯩﭗ، ﺋﯩﺴﻼﻡ ﺩﯨﻨﻰ ﺑﯩﻠﻪﻥ ﻳﯧﯖﯩﭽﻪ ﻣﺎﺋﺎﺭﯨﭙﻨﻰ ﻣﺎﺳﻼﺷﺘﯘﺭﯗﺷﻘﺎ ﺗﯘﺗﯘﺵ ﻗﯩﻠﻐﺎﻥ. ﺑﯘ ﺗﺎﺭﯨﺨﻰ ﺋﻮﻳﻐﯩﻨﯩﺸﻨﻰ ﺑﯩﺮ ﺗﯘﺭﻛﯘﻡ ﺗﺎﻻﻧﺘﻠﯩﻖ ﺗﺎﺗﺎﺭ ﻣﯘﺗﻪﭘﻪﻛﻜﯘﺭﻟﯩﺮﻯ ﺑﯩﻠﻪﻥ ﺗﺎﺗﺎﺭ ﻣﯩﻠﻴﻮﻧﯩﺮﻟﯩﺮﻯ ﺭﻭﻳﺎﭘﻘﺎ ﭼﯩﻘﺎﺭﻏﺎﻥ. ﺋﯘﻻﺭﻧﯩﯔ ﺋﻮﻳﻐﯩﻨﯩﺶ ﮬﻪﺭﯨﻜﯩﺘﻰ ﺋﻮﺗﺘﯘﺭﺍ ﺋﺎﺳﯩﻴﺎﺩﺍﻣﯩﺴﻠﻰ ﻛﻮﺭﯗﻟﻤﯩﮕﻪﻥ ﺑﯩﺮ ﺋﯩﺪﯨﻴﯩﯟﻯ ﺋﯧﻘﯩﻤﻨﯩﯔ ﻣﻪﺭﻛﯩﺰﻯ ﺑﻮﻟﯘﭖ، ﻣﻪﺩﺭﯨﺴﻪ، ﻧﻪﺷﺮﺑﻮﻳﯘﻣﻠﯩﺮﯨﻨﯩﯔ ﺗﻪﺳﯩﺮﻯ ﻳﯩﺮﺍﻕ- ﻳﯧﻘﯩﻨﺪﯨﻜﻰ ﻗﯧﺮﯨﻨﺪﺍﺵ ﺧﻪﻟﻘﻠﻪﺭ ﺋﺎﺭﯨﺴﯩﺪﺍ ﺯﯨﻠﺰﯨﻠﻪ ﻗﻮﺯﻏﯩﻐﺎﻥ. 1905- 1906- ﻳﯩﻠﻠﯩﺮﻯ ﺗﻮﯞﻩﻥ ﻧﻮﯞﯨﮕﻮﺭﺩ ﯞﻩ ﺳﺎﻧﻜﯩﺖ ﭘﯧﺘﯩﺮﺑﯘﺭﮔﺪﺍ ﺗﺎﺗﺎﺭ ﻣﯩﻠﻠﻪﺗﭽﯩﻠﯩﺮﻯﺑﺎﺷﻼﻣﭽﯩﻠﯩﻘﯩﺪﺍ ﺋﯧﭽﯩﻠﻐﺎﻥ ﺋﯘﭺ ﻗﯧﺘﯩﻤﻠﯩﻖ ﺋﯩﺴﻼﻡ ﻗﯘﺭﯗﻟﺘﯩﻲ ﺑﯘ ﮬﻪﺭﯨﻜﻪﺗﻨﻰ ﺧﻪﻟﻘﺌﺎﺭﺍﻟﯩﻖ ﺗﻪﺳﯩﺮﮔﻪ ﺋﯩﮕﻪ ﻗﯩﻠﻐﺎﻥ.
ﺩﻩﻝ ﺷﯘ ﻳﯩﻠﻼﺭﺩﺍ ﺑﯩﺮﯨﺘﺎﻧﯩﻴﻪ ﻣﯘﺳﺘﻪﻣﻠﯩﻜﯩﭽﯩﻠﯩﺮﻯ ﺋﻮﺯﻟﯩﺮﯨﻨﯩﯔ ﺋﯩﺴﻼﻣﯩﻴﻪﺕ ﺩﯗﻧﻴﺎﺳﯩﻐﺎ ﺑﻮﻟﻐﺎﻥ ﻗﺎﺭﺍ ﻧﯩﻴﯩﺘﯩﻨﻰ ﺳﯧﺴﺘﯩﻤﯩﻼﺷﺘﯘﺭﯗﺵ، ﻧﻮﯞﻩﺗﺘﯩﻜﻰ ﻣﯘﺳﺘﻪﻣﻠﯩﻜﻪ ﺭﺍﻳﻮﻧﻠﯩﺮﯨﺪﺍ ﮬﻪﺭﺑﯩﻲ ﻏﻪﻟﺒﯩﺪﯨﻦ ﺗﺎﺷﻘﯩﺮﻯ ﻏﻪﻟﺒﯩﻠﻪﺭﻧﻰ ﻗﻮﻟﻐﺎ ﻛﻪﻟﺘﯘﺭﯗﺵ ﺋﯘﭼﯘﻥ ﺋﺎﻟﺪﯨﺮﺍﺷﻤﺎﻗﺘﺎ ﺋﯩﺪﻯ. 1906- ﻳﯩﻠﻰ ﻗﺎﮬﯩﺮﻩﺩﻩ ﭼﺎﻗﯩﺮﯨﻠﻐﺎﻥ ﮔﻮﺳﭙﯧﻞ ﻳﯩﻐﯩﻨﻰﺧﯩﺮﯨﺴﺘﯩﻴﺎﻥ ﺩﯨﻨﯩﻨﯩﯔ ﺋﯩﺴﻼﻡ ﺩﯨﻨﯩﻐﺎ ﻗﺎﺭﺍﺗﻘﺎﻥ ﺋﻮﻣﯘﻣﻴﯘﺯﻟﯘﻙ ﺧﯩﺮﯨﺴﯩﺪﯨﻦ ﺩﯦﺮﻩﻙ ﺑﻪﺭﺩﻯ. ﺋﻪﻧﮕﯩﻠﯩﻴﻪ ﺋﯩﺸﻐﺎﻟﯩﻴﻪﺗﭽﻰ ﺩﺍﺋﯩﺮﯨﻠﯩﺮﯨﻨﯩﯔ ﻣﯩﺴﯩﺮﻏﺎ ﻗﺎﺭﺍﺗﻘﺎﻥ ﺳﯩﻴﺎﺳﻰ، ﺋﯩﻘﺘﯩﺴﺎﺩﻯ ﻛﻮﻧﺘﺮﻭللىقىنىڭ ﺗﻪﺩﺭﯨﺠﻰ ﻛﯘﭼﯩﻴﯩﺸﯩﮕﻪ ﺋﻪﮔﯩﺸﯩﭗ، ﻏﻪﺭﭖ ﻣﻪﺩﻩﻧﯩﻴﯩﺘﯩﻤﯘ ﺳﯩﯖﯩﭗ ﻛﯩﺮﯨﺸﯩﻨﻰ ﺟﯩﺪﺩﯨﻴﻠﻪﺷﺘﯘﺭﺩﻯ. ﻣﯩﺴﯩﺮﺩﺍ ﺧﯩﺮﯨﺴﺘﯩﻴﺎﻥ ﺩﯨﻨﯩﻨﻰ ﺗﺎﺭﻗﯩﺘﯩﺶ ﺋﯘﭼﯘﻥ ﻏﻪﺭﺏ ﻣﯩﺴﺴﯩﺌﻮﻧﯩﺮﻟﯩﺮﻯ ﻣﯩﺴﯩﺮﻏﺎ ﺗﯘﺭﻛﯘﻣﻠﻪﭖ ﻳﯧﺘﯩﭗ ﻛﻪﻟﺪﻯ. ﺑﯘ ﻗﯧﺘﯩﻤﻘﻰ ﻳﯩﻐﯩﻦ ﺋﯩﺴﻼﻡ ﻣﻪﺳﯩﻠﯩﻠﯩﺮﯨﻨﻰ ﯞﻩ ﺋﯩﺴﻼﻣﯩﻴﻪﺗﻜﻪ ﺗﺎﻗﺎﺑﯩﻞﺗﯘﺭﯗﺷﻨﯩﯔ ﺋﯘﺳﯘﻟﻠﯩﺮﯨﻨﻰ، ﻣﻪﺳﯩﻠﻪﻥ: ﺩﻭﺧﺘﯘﺭﺧﺎﻧﺎ ﯞﻩ ﻳﯩﻐﯩﯟﯦﻠﯩﺶ ﺋﻮﺭﯗﻧﻠﯩﺮﯨﻨﻰ ﻗﯘﺭﯗﺵ، ﻣﻪﻛﺘﻪﭖ ﺳﯧﻠﯩﺶ ﻗﺎﺗﺎﺭﻟﯩﻖ ﺋﯩﺸﻼﺭﻧﻰ ﻧﯘﻗﺘﯩﻠﯩﻖ ﻣﯘﮬﺎﻛﯩﻤﻪ ﻗﯩﻠﺪﻯ. ﺋﻪﺯﮬﻪﺭ ﺋﯘﻧﯟﯦﺮﯨﺴﺘﯧﺘﯩﻐﺎ ﺗﺎﻗﺎﺑﯩﻞ ﺗﯘﺭﯗﺵ ﺋﯘﭼﯘﻥ ﺧﯩﺮﯨﺴﺘﯩﺌﺎﻥ ﺋﯘﻧﯟﯦﺮﯨﺴﺘﯧﺘﯩﻨﻰ ﻗﯘﺭﺩﻯ. ﺋﯘﻻﺭ <<ﺋﻪﯓ ﻣﯘﮬﯩﻢ ﯞﺍﺳﺘﻪﺷﯘﻧﯩﯖﺪﯨﻦ ﺋﯩﺒﺎﺭﻩﺗﻜﻰ، ﺋﻮﻗﯘﻏﯘﭼﯩﻼﺭﻧﻰ ﺗﺎﻟﻼﭖ ﻏﻪﺭﺑﻜﻪ ﺗﻪﺭﺑﯩﻴﻪ ﺋﯧﻠﯩﺸﻘﺎ ﺋﻪﯞﻩﺗﯩﺶ، ﺋﯘﻻﺭ ﺩﻭﻟﯩﺘﯩﮕﻪ ﻗﺎﻳﺘﻘﺎﻧﺪﯨﻦ ﻛﯧﻴﯩﻦ ﮔﻮﺳﭙﯧﻠﻨﻰ ﺗﺎﺭﻗﯩﺘﯩﺪﯨﻐﺎﻥ ﺋﯩﺪﯨﻴﯩﯟﻯ ﺭﻩﮬﺒﻪﺭﻟﻪﺭ ﺑﻮﻟﯘﺷﻰﻛﯧﺮﻩﻙ>> ﺩﻩﭖ ﻗﺎﺭﺍﺭ ﻗﯩﻠﯩﺸﺘﻰ.
ﺋﺎﺑﺪﯗﻗﺎﺩﯨﺮ ﺩﺍﻣﻮﻟﻼﻡ ﺋﯩﺴﻼﻣﯩﻴﻪﺕ ﺩﯗﻧﻴﺎﺳﻰ ﺟﯩﺪﺩﻯ ﺧﯩﺮﯨﺴﻘﺎ ﺩﯗﭺ ﻛﻪﻟﮕﻪﻥ ﻣﯘﺷﯘ ﺩﻩﯞﺭﺩﻩ «ﺗﺎﺗﺎﺭ ﻣﻪﺩﻩﻧﯩﻴﻪﺕ ﺋﻮﻳﻐﯩﻨﯩﺸﻰ» ﺋﻪﯞﺟﯩﮕﻪ ﭼﯩﻘﻘﺎﻥ ﺷﻪﮬﻪﺭﻟﻪﺭﺩﻩ ﺋﯩﻠﯩﻢ ﺗﻪﮬﺴﯩﻞ ﻗﯩﻠﺪﻯ. ﺋﺎﺷﯘ ﺋﯩﺪﯨﻴﯩﯟﻯ ﺩﻭﻟﻘﯘﻧﻼﺭﺩﺍ ﻛﯘﺭﻩﺵ ﻏﺎﻳﯩﺴﯩﻨﻰ ﻣﯘﺳﺘﻪﮬﻜﻪﻣﻠﯩﺪﻯ. ﺑﯘﯞﺍﻗﯩﺘﺘﺎ ﺋﯘ ﻧﯧﻤﻪ ﻗﯩﻠﯩﺶ ﻛﯧﺮﻩﻛﻠﯩﻜﯩﻨﻰ ﻧﺎﮬﺎﻳﯩﺘﻰ ﺋﯧﻨﯩﻖ ﭼﯘﺷﻪﻧﮕﻪﻧﯩﺪﻯ.   ﺋﻮﺯﯨﻨﯩﯔ ﺳﻪﻣﻪﺭﻗﻪﻧﺪ، ﺋﻮﻓﺎﻻﺭﺩﺍ ﻣﯘﺩﺩﻩﺭﺳﻠﯩﻚ ﻗﯩﻠﯩﺶ ﺟﻪﺭﻳﺎﻧﯩﺪﺍ ﺩﻩﺭﺳﻠﯩﻚ ﺳﯘﭘﯩﺘﯩﺪﻩ ﺗﯘﺯﮔﻪﻥ «ﺋﺎﻗﺎﺋﯩﺪ ﺯﻭﺭﯗﺭﯨﻴﻪ» ﻧﺎﻣﻠﯩﻖ ﺋﻪﺳﯩﺮﯨﺪﻩ ﺋﯧﻨﯩﻖ ﻗﯩﻠﯩﭗ ﻣﯘﻧﺪﺍﻕ ﻳﺎﺯﻏﺎﻥ: «ﺋﯩﻤﺎﻧﻨﯩﯔ ﺧﺎﺭﯞﻩ ﺯﻩﺑﯘﻥ ﺑﻮﻟﻤﯩﻘﯩﻐﺎ ﺳﻪﯞﻩﺏ ﻧﯩﻤﯩﺪﯗﺭ؟ ﺋﯩﻜﻜﻰ ﻧﻪﺭﺳﯩﺪﯗﺭ. ﺑﯩﺮﻯ، ﺟﺎﮬﺎﻟﻪﺕ ﯞﻩ ﻧﺎﺩﺍﻧﻠﯩﻖ؛ ﺋﯩﻜﻜﯩﻨﭽﯩﺴﻰ، ﺗﻪﭘﺮﯨﻖ ﯞﻩ ﺋﯩﺨﺘﯩﻼﭘﺘﯘﺭ. ﺋﯩﺰﺯﻩﺕ، ﺋﺎﺑﺮﻭﻱ، ﻗﯘﯞﯞﻩﺕ ﻧﯩﻤﻪ ﺑﯩﻠﻪﻥ ﺑﻮﻟﯩﺪﯗ؟ – ﺋﯩﻠﯩﻢ- ﻣﻪﺭﯨﭙﻪﺕ، ﺋﯩﺘﺘﯩﭙﺎﻗﻠﯩﻖ.
ﺋﺎﺑﺪﯗﻗﺎﺩﯨﺮ ﺩﺍﻣﻮﻟﻼﻡ ﺋﻮﺗﺘﯘﺭﺍ ﺋﺎﺳﯩﻴﺎ ﯞﻩ ﺗﯘﺭﻛﯩﻴﯩﻠﻪﺭﻧﻰ ﺋﺎﻳﻠﯩﻨﯩﺶ، ﻛﻮﺯﯨﺘﯩﺶ ﺟﻪﺭﻳﺎﻧﯩﺪﺍ ﺗﻪﭘﻪﻛﻜﯘﺭ ﻗﯩﻠﯩﺶ ﺋﺎﺭﻗﯩﻠﯩﻖﺋﺎﺧﯩﺮﯨﻘﻰ ﮬﯩﺴﺎﺑﺘﺎ ﻳﯘﺭﺗﻨﯩﯔ، ﻣﯩﻠﻠﻪﺗﻨﯩﯔ ﻛﯘﻟﭙﻪﺗﻠﯩﻚ ﺗﻪﻗﺪﯨﺮﯨﻨﻰ ﺋﻮﯕﺸﺎﺵ ﺋﯘﭼﯘﻥ ﭼﻮﻗﯘﻡ ﺋﯩﺸﻨﻰ ﻣﺎﺋﺎﺭﯨﭙﺘﯩﻦ، ﻣﻪﺩﻩﻧﯩﻴﻪﺗﺘﯩﻦ ﺑﺎﺷﻼﺵ ﺯﻭﺭﯗﺭﻟﯩﻜﯩﻨﻰ ﺗﻮﻧﯘﭖ ﻳﻪﺗﻜﻪﻥ. ﺋﯘﻧﯩﯔ ﺑﯘ ﺧﯩﻞﺋﯩﺴﻼﮬﺎﺗﭽﯩﻠﯩﻖ ﺋﯩﺪﯨﻴﯩﺴﻰ، ﻳﻪﻧﻰ ﻳﯧﯖﯩﻼﺵ- ﺟﻪﺩﯨﺘﭽﯩﻠﯩﻚ ﺋﯩﺪﯨﻴﯩﺴﻰ ﻣﻪﺷﮭﯘﺭ ﺋﯩﺴﻼﻡ ﻣﯘﺗﻪﭘﻪﻛﻜﯘﺭﻟﯩﺮﻯ ﺟﺎﻣﺎﻟﯩﺪﺩﯨﻦ ﺋﺎﻓﻐﺎﻧﻰ ﯞﻩ ﺷﻪﻳﺦ ﻣﯘﮬﻪﻣﻤﻪﺩ ﺋﺎﺑﺪﯗﻻﺭﻧﯩﯔ ﺋﻪﺳﻪﺭﻟﯩﺮﯨﻨﻰ ﺋﻮﻗﯘﺵ ﺋﺎﺭﻗﯩﻠﯩﻖ ﺗﯧﺨﯩﻤﯘ ﻗﯘﯞﯞﻩﺕ ﺗﺎﭘﻘﺎﻥ.
ﺋﯘ 1907- ﻳﯩﻠﻰ ﺋﺎﻧﺎ ﻳﯘﺭﺗﻰ – ﻗﻪﺷﻘﻪﺭﮔﻪ ﻗﺎﻳﺘﯩﭗ ﻛﻪﻟﮕﻪﻥ. ﻛﻮﭖ ﻳﯩﻠﻼﺭ ﭼﻪﺕ ﺋﻪﻟﻠﻪﺭﺩﻩﻳﯘﺭﮔﻪﻥ ﺑﯘ ﺋﺎﻟﯩﻤﻨﯩﯔ ﻗﻪﺷﻘﻪﺭﺩﻩﻙ ﺟﺎﮬﺎﻟﻪﺕ ﺗﯘﺗﻪﻛﻠﯩﺮﻯ ﺋﯩﭽﯩﺪﻩ ﺑﯘﺭﯗﻗﺘﯘﺭﻣﺎ ﺑﻮﻟﯘﭖ ﻗﺎﻟﻐﺎﻥ ﺷﻪﮬﻪﺭﺩﻩ ﺋﻮﺯ ﻏﺎﻳﯩﻠﯩﺮﯨﻨﻰ ﺭﯦﺌﺎﻟﻠﯩﻘﻘﺎ ﺋﺎﻳﻼﻧﺪﯗﺭﺍﻟﯩﺸﻰ ﺋﯘﻧﭽﻪ ﺋﺎﺳﺎﻥ ﺋﻪﻣﻪﺱ ﺋﯩﺪﻯ. ﺋﺎﻟﺪﻯ ﺑﯩﻠﻪﻥ ﭼﻮﻗﯘﻡ ﻧﻮﭘﯘﺯ ﺗﯩﻜﻠﻪﺵ، ﺗﻪﺳﯩﺮ ﭘﻪﻳﺪﺍ ﻗﯩﻠﯩﺶ، ﺋﺎﻣﻤﯩﯟﻯ ﺋﺎﺳﺎﺳﻘﺎ ﺋﯩﮕﻪ ﺑﻮﻟﯘﺵ ﻛﯧﺮﻩﻙ ﺋﯩﺪﻯ. ﺋﯘﻧﯩﯔ ﺋﯘﺳﺘﯩﮕﻪ ﻗﻪﺷﻘﻪﺭ ﻣﻪﺷﮭﯘﺭ ﻣﻪﺩﺭﯨﺴﻠﻪﺭﻣﯘ ﻛۆﭖ، ﺩﯨﻨﻰ ﺋﺎﻟﯩﻤﻼﺭﻣﯘ ﻛۆﭖ ﻗﻪﺩﯨﻤﻰ ﺷﻪﮬﻪﺭ ﺑﻮﻟﻐﺎﭼﻘﺎ، ﮬﻪ ﺩﯨﮕﻪﻧﺪﯨﻼ ﻧﻮﭘﯘﺯ ﺗﯩﻜﻠﻪﺵ ﻗﯩﻴﯩﻦ ﺋﯩﺪﻯ.
ﺋﺎﺑﺪﯗﻗﺎﺩﯨﺮ ﺩﺍﻣﻮﻟﻼﻡ ﻗﻪﺷﻘﻪﺭﮔﻪ ﻗﺎﻳﺘﯩﭗ ﻛﻪﻟﮕﻪﻥ ﭼﺎﻍ ﺩﻩﻝ ﻗﻪﺷﻘﻪﺭﺩﻩ ﻳﯧﯖﯩﭽﻪ ﺋﯩﺒﺘﯩﺪﺍﺋﻰ ﻣﻪﻛﺘﻪﭘﻠﻪﺭ ﺋﺎﻧﺪﺍ – ﺳﺎﻧﺪﺍﻳﻮﻟﻐﺎ ﻗﻮﻳﯘﻟﯘﯞﺍﺗﻘﺎﻥ، ﺋﻪﻧﺌﻪﻧﯩﯟﻯ ﺋﯩﺴﻼﻡ ﻣﺎﺋﺎﺭﯨﭙﯩﻨﯩﯔ ﺋﻮﻗﯘﺗﯘﺵ ﻣﻪﺯﻣﯘﻧﻰ ﯞﻩ ﺋﯘﺳﯘﻟﯩﻨﻰ ﺋﯩﺴﻼﮬ ﻗﯩﻠﯩﺶ ﻣﻪﺳﯩﻠﯩﺴﻰ ﺋﺎﻧﭽﻪ- ﻣﯘﻧﭽﻪ ﺗﯩﻠﻐﺎ ﺋﯧﻠﯩﻨﯩﯟﺍﺗﻘﺎﻥ ﺑﯩﺮ ﭼﺎﻍ ﺋﯩﺪﻯ. ﺋﻮﺗﺘﯘﺭﺍ ﺋﺎﺳﯩﻴﺎ ﯞﻩ ﺗﯘﺭﻛﯩﻴﻪ ﻗﺎﺗﺎﺭﻟﯩﻖ ﺟﺎﻳﻼﺭﺩﯨﻜﻰ ﻳﯧﯖﻰ ﻣﺎﺋﺎﺭﯨﭙﻨﯩﯔ ﯞﻩﺯﯨﻴﯩﺘﻰ ﺑﯩﻠﻪﻥ ﭘﯩﺸﺸﯩﻖﺗﻮﻧﯘﺷﯘﭖ، ﺟﻪﺩﯨﺘﯩﺰﯨﻤﻠﯩﻖ ﺋﯩﺪﯨﻴﯩﺴﻰ ﻣﯘﻛﻪﻣﻤﻪﻝ ﺷﻪﻛﯩﻠﻠﻪﻧﮕﻪﻥ. ﺋﺎﺑﺪﯗﻗﺎﺩﯨﺮ ﺩﺍﻣﻮﻟﻼﻡ ﻳﯧﯖﯩﭽﻪ ﭘﻪﻧﻨﯩﻲ ﻣﺎﺋﺎﺭﯨﭙﻨﯩﯔ ﮬﺎﻣﯩﻴﻠﯩﺮﻯ ﯞﻩ ﺑﺎﺷﻼﻣﭽﯩﻠﯩﺮﻯ ﺑﻮلغاﻥ ﺋﺎﻛﺎ- ﺋﯘﻛﺎ ﻣﻮﺳﺎﺑﺎﻳﻮﻓﻼﺭﻧﻰ ﻗﯩﺰﻏﯩﻦ ﻗﻮﻟﻠﯩﺪﻯ. ﺋﯘﻻﺭ ﺑﯩﻠﻪﻥ ﻣﯘﺭﯨﻨﻰ- ﻣﯘﺭﯨﮕﻪ ﺗﯩﺮﻩﭖ، ﺑﯩﺮ ﺳﻪﭘﺘﻪ ﺗﯘﺭﺩﻯ. ﻣﻪﺩﺭﯨﺴﻠﻪﺭﻧﯩﯔ ﺩﻭﮔﻤﺎ ﺗﻪﻟﯩﻢ- ﺗﻪﺭﺑﯩﻴﻪ ﺋﯘﺳﯘﻟى، ﻗﺎﺭﯨﻐﯘﻻﺭﭼﻪ ﻳﺎﺩﻻﺗﻘﯘﺯﯗﺷﻨﻰ ﺋﺎﺳﺎﺱ ﻗﯩﻠﯩﺪﯨﻐﺎﻥ ﺋﻮﻗﯘﺗﯘﺵ ﺷﻪﻛﻠﯩﻨﻰ، ﺩﻩﯞﺭ ﺗﻪﻟﯩﭙﯩﮕﻪ ﻣﺎﺱ ﻛﻪﻟﻤﻪﻳﺪﯨﻐﺎﻥ ﺩﻩﺭﺳﻠﯩﻜﻠﻪﺭﻧﻰ ﺋﯩﺴﻼﮬ ﻗﯩﻠﯩﭗ، ﺟﻪﺩﯨﺘﯩﺰﯨﻤﻠﯩﻖ ﻣﺎﺋﺎﺭﯨﭗ ﺋﯩﺪﯨﻴﯩﺴﯩﻨﻰ ﺋﯩﺰﭼﯩﻠﻼﺷﺘﯘﺭﯗﺷﻨﻰ، ﺋﻮﻗﯘﺗﯘﺵ ﺋﯘﺳﯘﻟﻰ، ﺋﻮﻗﯘﺗﯘﺵ ﻣﻪﺯﻣﯘﻧﻰ، ﺋﻮﻗﯘﺗﯘﺵ ﻣﺎﺗﯩﺮﯨﻴﺎﻟﻰ ﻗﺎﺗﺎﺭﻟﯩﻖ ﺟﻪﮬﻪﺗﻠﻪﺭﺩﻩ ﺑﯩﺮ ﻳﯘﺭﯗﺵ ﺋﯩﺴﻼﮬﺎﺗﻼﺭﻧﻰ ﺋﯧﻠﯩﭗ ﺑﯧﺮﯨﺸﻨﻰ ﻧﯩﻴﻪﺕ ﻗﯩﻠﺪﻯ. ﺋﯘ ﻣﯘﺷﯘﻣﻪﻗﺴﻪﺗﺘﻪ «ﺳﻪﺭﭖ- ﻩﮬﯟﻯ» (ﻣﻮﺭﻓﻮﻟﻮﮔﯩﻴﻪ ﯞﻩ ﺳﯩﻨﺘﺎﻛﺴﯩﺲ)، «ﺗﻪﺳﮭﯩﻠﯩﻞ ﮬﯩﺴﺎﺏ»(ﮬﯩﺴﺎﺏ ﺋﯩﻠﻤﻰ)، «ﺟﯘﻏﺮﺍﭘﯩﻴﻪ ﺋﯩﻠﻤﻰ»، «ﺋﺎﻗﺎﺋﯩﺪ ﺯﻭﺭﯗﺭﯨﻴﻪ» ( ﻧﯧﮕﯩﺰﻟﯩﻚ ﺋﻪﻗﯩﺪﯨﻠﻪﺭ)، «ﻣﯘﺗﺎﻟﯩﺌﻪ ﮬﯩﺪﺍﻳﻪﺕ» (ﺑﺎﺷﻼﻣﭽﻰ ﺋﻮﻗﯘﺷﻠﯘﻕ)، «ﺑﯩﺪﺍﻳﻪﺗﯘﺱ ﺳﻪﺭﭖ» (ﻟﯩﻜﺴﯩﻜﯩﺪﯨﻦ ﺩﻩﺳﻠﻪﭘﻜﻰ ﺋﺎﺳﺎﺱ [ ﺋﻪﺳﻠﯩﺪﻩ ﻣﻮﺭﻓﻮﻟﻮﮔﯩﻴﻪﺩﯨﻦ ﺩﻩﺳﻠﻪﭘﻜﻰ ﺋﺎﺳﺎﺱ ﺩﻩﭖ ﺗﻪﺭﺟﯩﻤﻪ ﻗﯩﻠﯩﻨﯩﺸﻰﻛﯧﺮﻩﻛﯩﺪﻯ])،«ﺑﯩﺪﺍﻳﻪﺗﯘﻥﻧﻪﮬﯟﻯ»، «ﺗﻪﺋﻠﯩﻤﯘﺱ ﺳﯩﺒﻴﺎﻥ» (ﮔﻮﺩﻩﻛﻠﻪﺭﮔﻪ ﺗﻪﺭﺑﯩﻴﻪ)، «ﺗﻪﺟﯟﯨﺪ ﺗﯘﺭﻛﯩﻲ»، «ﻣﯩﻔﺘﺎﮬﯘﻝ ﺋﻪﺩﻩﭖ» ﻗﺎﺗﺎﺭﻟﯩﻖ ﺩﻩﺭﺳﻠﯩﻜﻠﻪﺭﻧﻰ ﺗﯘﺯﯗﭖ، ﺗﺎﺵ ﻣﻪﺗﺒﻪﺋﻪﺩﻩ ﺑﺎﺳﺘﯘﺭﯗﭖ ﻣﻪﻛﺘﻪﭖ- ﻣﻪﺩﺭﯨﺴﻠﻪﺭﻧﻰ ﺩﻩﺭﺳﻠﯩﻚ ﺑﯩﻠﻪﻥ ﺗﻪﻣﯩﻨﻠﯩﮕﻪﻥ. ﺋﻮﺯﻯ ﺩﻩﺳﻠﻪﭖ ﻏﯘﺟﺎ ﭼﻮﯕﻨﯩﯔ ﻗﯘﻣﻠﯘﻗﯩﺪﯨﻜﻰﺋﻮﺯﺑﯧﻜﻠﻪﺭ ﺋﺎﭼﻘﺎﻥ ﻣﻪﺩﺭﯨﺴﯩﮕﻪ، ﻛﯧﻴﯩﻦ ﺑﻪﺷﺌﯩﯧﺮﯨﻖ ﻣﻪﮬﻪﻟﻠﯩﺴﯩﺪﯨﻜﻰ ﻻﻳﭙﻪﺷﺘﺎﻕ ﻣﻪﺩﺭﯨﺴﯩﮕﻪ ﺑﯧﺮﯨﭗ ﻣﯘﺩﻩﺭﺭﯨﺴﻠﯩﻚ ﻗﯩﻠﻐﺎﻥ.
ﺋﻪﻳﻨﻰ ﭼﺎﻏﺪﺍ، ﻗﻪﺷﻘﻪﺭ ﺷﻪﮬﯩﺮﯨﺪﻩ ﻳﯩﺮﺍﻕ ﻳﯧﻘﯩﻨﻐﺎ ﻧﺎﻣﻰ ﻣﻪﺷﮭﯘﺭ ﻣﻪﺩﺭﯨﺴﻠﻪﺭﺩﯨﻦ ﺋﻮﻥ ﺑﻪﺷﻰ ﺑﻮﻟﯘﭖ، ﺋﺎﺑﺪﯗﻗﺎﺩﯨﺮ ﺩﺍﻣﻮﻟﻼﻣﻨﯩﯔﻻﻳﭙﻪﺷﺘﺎﻕ ﻣﻪﺩﺭﯨﺴﻰ ﺋﻪﻧﻪ ﺷﯘ ﺧﺎﻧﻠﯩﻖ ﻣﻪﺩﺭﯨﺴﻰ، ﮬﯧﻴﺘﻜﺎﮬ ﻣﻪﺩﺭﯨﺴﻰ، ﺋﺎﺧﯘﻥ ﮬﺎﺟﻰ ﻣﻪﺩﺭﯨﺴﻰ، ﻗﺎﺯﺍﻥ ﻣﻪﺩﺭﯨﺴﻰ، ﯞﺍﯕﻠﯩﻖ ﻣﻪﺩﺭﯨﺴﻰ، ﺑﺎﮬﺎﯞﯗﺩﯗﻥ ﻣﻮﮬﺘﻪﺭﻩﻡ ﻣﻪﺩﺭﯨﺴﻰ، ﺩﻭﺭﻏﺎ ﺑﻪﮒ ﻣﻪﺩﺭﯨﺴﻰ، ﻧﺎﺟﻰ ﮬﺎﻛﯩﻤﺒﻪﮒ ﻣﻪﺩﺭﯨﺴﻰ، ﻛﻪﻧﺠﻪ ﮬﺎﺟﻰ ﻣﻪﺩﺭﯨﺴﻰ، ﺋﻮﺭﺩﺍ ﺋﺎﻟﺪﻯ ﻣﻪﺩﺭﯨﺴﻰ ﻗﺎﺗﺎﺭﻟﯩﻖ ﻣﻪﺩﺭﯨﺴﻠﻪﺭ ﻗﺎﺗﺎﺭﯨﺪﯨﻦ ﺋﻮﺭﯗﻥ ﺋﯧﻠﯩﭗ، 200 ﺩﯨﻦ ﺋﺎﺭﺗﯘﻕ ﺗﺎﻟﯩﭙﻰ ﺑﺎﺭ ﻣﻪﺷﮭﯘﺭ ﻣﻪﺩﺭﯨﺲ ﺑﻮﻟﻐﺎﻥ.
ﺋﺎﺑﺪﯗﻗﺎﺩﯨﺮ ﺩﺍﻣﻮﻟﻼﻡ ﺗﻪﺑﯩﺌﯩﺘﻰ ﺋﯧﺴﯩﻞ، ﺋﯩﻤﺎﻧﻰ ﻛﺎﻣﯩﻞ، ﻣﻪﻟﯘﻣﺎﺗﻰ ﭼﻮﯕﻘﯘﺭ، ﭘﯩﻜﺮﻯ ﺋﻮﺗﻜﯘﺭ، ﻣﯘﻧﺎﺯﯨﺮﯨﮕﻪ ﻣﺎﮬﯩﺮ، ﻧﯘﺗﻘﻰ ﭘﺎﺳﺎﮬﻪﺗﻠﯩﻚ ﺋﺎﻟﯩﻢ ﺑﻮﻟﻐﺎﭼﻘﺎ ﺋﯘﺯﺍﻕ ﺋﻮﺗﻤﻪﻱ ﻗﻪﺷﻘﻪﺭﺩﯨﻼ ﺋﻪﻣﻪﺱ، ﭘﯘﺗﻜﯘﻝ ﺋﻮﺗﺘﯘﺭﺍ ﺋﺎﺳﯩﻴﺎﺩﺍﻧﺎﻣﻰ ﻣﻪﺷﮭﯘﺭ ﺯﺍﺗﻘﺎ ﺋﺎﻳﻼﻧﻐﺎﻥ. ﺩﺍﻣﻮﻟﻼﻡ ﺷﯘ ﻣﯘﻧﺎﺳﯩﯟﻩﺕ ﺑﯩﻠﻪﻥ ﺋﯘﻳﻐﯘﺭ ﺧﻪﻟﻘﻰ ﺋﺎﺭﯨﺴﯩﺪﺍ ﺟﻪﺩﯨﺘﯩﺰﯨﻤﻠﯩﻖ ﻣﺎﺋﺎﺭﯨﭙﻨﯩﯔ ﺑﺎﻳﺮﺍﻗﺪﺍﺭﻯ، ﻣﻪﺭﯨﭙﻪﺗﭽﯩﻠﯩﻚ ﮬﻪﺭﯨﻜﯩﺘﯩﻨﯩﯔ ﺳﯩﻤﯟﻭﻟﻰ ﺑﻮﻟﯘﭖﻗﺎﻟﻐﺎﻥ.
ﺋﺎﺑﺪﯗﻗﺎﺩﯨﺮ ﺩﺍﻣﻮﻟﻼﻣﻨﯩﯔ ﺩﯨﻦ ﺑﯩﻠﻪﻥ ﭘﻪﻧﻨﻰ ﺑﯩﺮﻟﻪﺷﺘﯘﺭﯗﺵ، ﺋﻮﻗﯘﺗﯘﺷﻘﺎ ﺑﯩﺮ ﻗﯩﺴﯩﻢ ﺩﯗﻧﻴﺎﯞﻯ ﭘﻪﻧﻠﻪﺭﻧﻰ ﻛﯩﺮﮔﯘﺯﯗﺵ ﺋﯘﺳﯘﻟﻰ، ﺟﻪﺩﯨﺘﻨﻰ ﻳﻮﻟﻐﺎ ﻗﻮﻳﯘﺵ ﺗﻪﺷﻪﺑﺒﯘﺳﻠﯩﺮﻯ ﺋﺎﺑﺪﯗﻣﯘﺗﺎﺋﺎﻟﻰ ﺧﻪﻟﭙﯩﺘﯩﻤﻨﯩﯔ ﺋﯩﺸﻪﻧﭽﯩﺴﯩﻨﻰ ﺗﯧﺨﯩﻤﯘ ﺋﺎﺷﯘﺭﻏﺎﻥ. ﻧﺎﺩﺍﻧﻠﯩﻖ ﯞﻩ ﺟﺎﮬﺎﻟﻪﺗﻜﻪ ﻗﺎﺭﺷﻰ ﺗﯘﺭﯗﭖ، ﺧﻪﻟﻘﻨﻰ ﺋﻮﻳﻐﯩﺘﯩﺶ ﭘﺎﺋﺎﻟﯩﻴﻪﺗﻠﯩﺮﯨﻨﻰ ﺗﯧﺨﯩﻤﯘ ﻛﯘﭼﻪﻳﺘﻜﻪﻥ.
ﻣﯘﺷﯘ ﺋﻪﺳﯩﺮﻧﯩﯔ ﺑﺎﺷﻠﯩﺮﻯ ﯞﻩﺗﻪﻥ ﯞﻩ ﻣﯩﻠﻠﻪﺗﻨﯩﯔ ﺗﻪﻗﺪﯨﺮﻯ ﺋﯘﺳﺘﯩﺪﻩ ﻛﻮﭖ ﺑﺎﺵ ﻗﺎﺗﯘﺭﻏﺎﻥ ﺋﯘﻳﻐﯘﺭ ﺑﺎﻟﯩﺴﻰ- ﻧﻪﺯﻩﺭ ﻏﻮﺟﺎﺋﺎﺑﺪﯗﺳﻪﻣﻪﺗﻮﻑ ﺋﻮﺯﯨﻨﯩﯔ «ﻳﻮﺭﯗﻕ ﺳﺎﮬﯩﻠﻼﺭ» ﻧﺎﻣﻠﯩﻖ ﺋﻪﺳﯩﺮﯨﺪﻩ 1914- ﻳﯩﻠﻰ ﻏﯘﻟﺠﯩﺪﯨﻦ ﭼﯩﻘﯩﭗ، ﻣﯘﺯﺋﺎﺕ ﺩﺍﯞﯨﻨﻰ ﺋﺎﺭﻗﯩﻠﯩﻖ ﺋﺎﻟﺘﻪ ﺷﻪﮬﻪﺭﮔﻪ ﻗﯩﻠﻐﺎﻥ ﺳﻪﭘﻪﺭ ﺟﻪﺭﻳﺎﻧﯩﺪﺍ ﻗﺎﻟﺪﯗﺭﻏﺎﻥ ﺧﺎﺗﯩﺮﯨﺴﯩﺪﻩ ﺋﺎﻗﺴﯘ ﺋﯘﻳﻐﯘﺭﻟﯩﺮﯨﻨﯩﯔ ﺋﯩﺠﺘﯩﻤﺎﺋﻰ، ﻣﻪﻧﯩﯟﻯ ﭘﺎﺟﯩﺌﻪﻟﯩﺮﯨﻨﻰ ﻛﻮﺭﯗﭖ: «ﺑﯘ ﻳﻪﺭﺩﯨﻜﻰ ﺋﯘﻳﻐﯘﺭﻻﺭﻧﯩﯔ ﺋﯩﺴﺘﯩﻘﺒﺎﻟﻰ ﺑﻪﻙ ﻗﺎﺭﺍﯕﻐﯘ، ﺗﯘﻣﺎﻧﻠﯩﻖ ﯞﻩ ﯞﻩﮬﯩﻤﻪ ﺋﯩﭽﯩﺪﻩ ﺋﯩﻜﻪﻧﻠﯩﻜﯩﻨﻰ ﺳﻪﺯﺩﯨﻢ. ﺋﺎﻗﺴﯘﺩﺍ ﺋﻪﮬﯟﺍﻝ ﻣﯘﻧﺪﺍﻕ ﺑﻮﻟﺴﯩﻤﯘ، ﺑﺎﺷﻘﺎ ﻳﺎﻗﻼﺭﺩﺍ ﺋﯘﻧﺪﺍﻕ ﺋﻪﻣﻪﺳﺘﯘ، ﻗﻪﺷﻘﻪﺭ ﺧﻪﻟﻘﻰ ﺧﯧﻠﻰ ﺗﻪﺭﻩﻗﻘﻰ ﻗﯩﻠﻐﺎﻥ ﺑﻮﻟﺴﺎ ﻛﯧﺮﻩﻙ، ﺋﯘ ﻳﻪﺭﺩﻩ ﺗﻪﺭﻩﻗﻘﯩﻴﭙﻪﺭﯞﻩﺭ ﻣﯘﺳﺎﺑﺎﻳﻮﻓﻼﺭ، ﺋﺎﺑﺪﯗﻗﺎﺩﯨﺮ ﺩﺍﻣﻮﻟﻼﻣﻼﺭ ﺑﺎﺭﻏﯘ ﺩﻩﭖ ﺋﻮﺯﻟﯩﺮﯨﻤﯩﺰﮔﻪ ﺗﻪﺳﻪﻟﻠﻰ ﺑﻪﺭﮔﻪﻧﯩﺪﯗﻕ» ﺩﻩﭖ ﻳﺎﺯﻏﺎﻧﻠﯩﻘﯩﻨﻰ ﻛﻮﺭﯨﻤﯩﺰ.
ﺋﻪﻣﻤﺎ، 1914- ﻳﯩﻠﻰ ﻳﺎﺯﺩﺍ ﺑﺎﮬﺎﯞﯗﺩﯗﻧﺒﺎﻳﻨﯩﯔ ﻣﻪﺑﻠﯩﻐﻰ ﯞﻩ ﻏﻪﻳﺮﯨﺘﻰ ﺑﯩﻠﻪﻥ ﺋﯘﺳﺘﯘﻥ ﺋﺎﺗﯘﺷﺘﺎ ﺋﯧﭽﯩﻠﻐﺎﻥ ﺋﯘﻳﻐﯘﺭ ﻣﺎﺋﺎﺭﯨﭗ ﺗﺎﺭﯨﺨﯩﺪﯨﻜﻰ ﺗﯘﻧﺠﻰ ﭘﯩﺪﺍﮔﻮﮔﯩﻜﺎ ﻣﻪﻛﺘﯩﭙﻰ- ﺩﺍﺭﯨﻠﻤﯘﺋﻪﻟﻠﯩﻤﯩﻦ ﺋﯩﺘﺘﯩﮭﺎﺩﻯ (ﮬﻪﺑﯩﺒﺰﺍﺩﻩ ﺩﺍﺭﯨﻠﻤﯘﺋﻪﻟﻠﯩﻤﯩﻦ) ﻧﯩﯔ ﺑﺎﺵ ﻣﯘﺋﻪﻟﻠﯩﻤﻰ ﺋﻪﮬﻤﻪﺩ ﻛﺎﻣﺎﻟﻨﻰ ﯞﻩ ﺋﯘﻧﯩﯔ ﻣﺎﺋﺎﺭﯨﭗ ﮬﻪﺭﯨﻜﯩﺘﯩﻨﻰ ﻗﻮﻟﻼﺵ ﻳﺎﻛﻰ ﻗﺎﺭﺷﻰ ﺗﯘﺭﯗﺵ ﻣﻪﺳﯩﻠﯩﺴﯩﺪﻩ ﻗﻪﺷﻘﻪﺭﺩﯨﻜﻰ ﺩﯨﻨﻰ ﺋﻮﻟﯩﻤﺎﻻﺭ ﯞﻩ ﺑﺎﻱ- ﺑﺎﻳﯟﻩﺗﭽﯩﻠﻪﺭ ﺋﯩﻜﻜﻰ ﮔﯘﺭﯗﮬﻘﺎ ﺑﻮﻟﯘﻧﯘﭖ ﻛﻪﺗﻜﻪﻥ. ﺋﺎﺑﺪﯗﻗﺎﺩﯨﺮ ﺩﺍﻣﻮﻟﻼﻡ، ﺷﻪﻣﺴﯩﺪﯨﻦ ﺩﺍﻣﻮﻟﻼﻡ، ﺯﯦﺮﯨﭗ ﻗﺎﺭﯨﮭﺎﺟﯩﻢ، ﺋﺎﺑﺪﯗﻗﺎﺩﯨﺮ ﮬﺎﺟﯩﻢ، ﺑﺎﯞﯗﺩﯗﻥ ﺑﺎﻱ، ﻧﻮﺭﯗﺯﺯﺍﺩﻩ ﮬﺎﺟﻰ ﻣﯘﮬﻪﻣﻤﻪﺩ ﺋﻪﻟﻰ، ﻣﻪﮬﻤﯘﺩ ﺋﺎﺧﯘﻥ ﺩﺍﻣﻮﻟﻼﻡ، ﺋﺎﺑﺪﯗﻛﯧﺮﯨﻤﺨﺎﻥ ﻣﻪﺧﺴﯘﻡ، ﺑﺎﺵ ﻗﺎﺯﻯ ﺋﯩﺴﻼﻡ ﮬﺎﺟﻰ ﻗﺎﺗﺎﺭﻟﯩﻖ ﻛﯩﺸﯩﻠﻪﺭ ﻗﻮﻟﻼﻳﺪﯨﻐﺎﻥ ﮔﯘﺭﯗﮬﻨﻰ، ﺋﻮﻣﻪﺭ ﺑﺎﻱ، ﺳﯧﻠﯩﻢ ﺩﺍﻣﻮﻟﻼ ﻗﺎﺗﺎﺭﻟﯩﻘﻼﺭ ﻗﺎﺭﺷﻰ ﺗﯘﺭﯨﺪﯨﻐﺎﻥ ﮔﯘﺭﯗﮬﻨﻰ ﺗﻪﺷﻜﯩﻞﻗﯩﻠﻐﺎﻥ. ﻗﺎﺭﺷﻰ ﺗﯘﺭﯨﺪﯨﻐﺎﻥ ﮔﯘﺭﯗﮬ ﺭﯗﺱ ﻛﻮﻧﺴﯘﻟﻰ ﯞﻩ ﺋﻪﻛﺴﯩﻴﻪﺗﭽﻰ ﺋﻪﻣﻪﻟﺪﺍﺭﻻﺭ ﺑﯩﻠﻪﻥ ﺑﯩﺮﻟﯩﺸﯩﭗ، ﺑﯘ ﻛﯘﺭﻩﺷﺘﻪ ﺋﯘﺳﺘﯘﻧﻠﯘﻙ ﻗﺎﺯﺍﻧﻐﺎﻥ.
ﺋﻪﮬﻤﻪﺩ ﻛﺎﻣﺎﻝ ﺷﯘ ﭼﺎﻏﺪﯨﻜﻰ ﺋﻪﮬﯟﺍﻟﻼﺭ ﺗﻮﻏﺮﯨﺴﯩﺪﺍ «ﺑﻪﻳﯩﺴﺎﻗﻠﯩﻖ ﻣﻪﮬﻤﯘﺩ ﺋﺎﺧﯘﻥ ﺩﺍﻣﻮﻟﻼﻡ ﺑﯩﻠﻪﻥ ﺋﺎﺑﺪﯗﻗﺎﺩﯨﺮ ﺩﺍﻣﻮﻟﻼﻡ ﺋﻪﭘﻪﻧﺪﯨﻠﻪﺭ ﻗﺎﺭﺍﯕﻐﯘ ﻛﯧﭽﯩﺪﻩ ﭼﺎﻗﻘﺎﻥ ﭼﺎﻗﻤﺎﻗﺘﻪﻙ ﭼﯩﺮﺍﻳﻠﯩﻖ ﯞﻩﻣﻪﻧﺎﻟﯩﻖ ﺳﻮﺯﻟﯩﺮﻯ ﺑﯩﻠﻪﻥ ﺋﯘﻻﺭ ﺋﻮﭼﯘﺭﻣﻪﻛﭽﻰ ﺑﻮﻟﯘﯞﺍﺗﻘﺎﻥ ﻣﺎﺋﺎﺭﯨﭗ ﻣﻪﺷﺌﯩﻠﯩﻨﻰ ﭼﺎﻗﻨﯩﺘﯩﺶ ﺋﯘﭼﯘﻥ ﻛﻮﭖ ﺗﯩﺮﯨﺸﺘﻰ» ﺩﻩﭖ ﻳﺎﺯﻏﺎﻥ. ﺋﻪﻣﻤﺎ، ﺋﺎﺧﯩﺮﻗﻰ ﮬﯩﺴﺎﺑﺘﺎ ﺋﻪﮬﻤﻪﺩ ﻛﺎﻣﺎﻝ ﻗﻮﻟﻐﺎ ﺋﯧﻠﯩﻨﻐﺎﻥ، «ﺩﺍﺭﯨﻠﻤﯘﺋﻪﻟﻠﯩﻤﯩﻦ ﺋﯩﺘﺘﯩﮭﺎﺩﻯ» ﺗﺎﻗﯩﯟﯨﺘﯩﻠﮕﻪﻥ. ﻗﻮﻟﻼﻳﺪﯨﻐﺎﻥ ﮔﯘﺭﯗﮬﺘﯩﻜﯩﻠﻪﺭ ﺋﺎﻣﺎﻟﺴﯩﺰ ﻗﺎﻟﻐﺎﻥ. ﺋﯘﻧﯩﯔ ﺋﯘﺳﺘﯩﮕﻪ ﺷﯘ ﻳﯩﻠﻼﺭﺩﺍ 1- ﺩﯗﻧﻴﺎ ﺋﯘﺭﯗﺷﻰ ﺋﺎﺧﯩﺮﻻﺷﻘﺎﻥ، ﺑﻮﻟﺸﯩﯟﯨﻜﻼﺭ ﺭﯗﺳﺴﯩﻴﻪ ﺗﯩﺮﯨﺘﻮﺭﯨﻴﯩﺴﯩﺪﻩ ﺋﯘﺳﺘﯘﻧﻠﯘﻙ ﻗﺎﺯﺍﻧﻐﺎﻥ. ﺑﯘﻣﯘ ﺋﯩﺴﻼﻣﯩﻴﻪﺕ ﺩﯗﻧﻴﺎﺳﯩﻨﯩﯔ ﻗﺎﺭﺍﯕﻐﯘﻟﯘﻗﯩﻨﻰ ﻛﯘﭼﻪﻳﺘﯩﯟﻩﺗﻜﻪﻥ. ﻣﯘﺷﯘﻧﺪﺍﻕ ﺷﺎﺭﺍﺋﯩﺘﺘﺎ، ﺋﺎﺑﺪﯗﻗﺎﺩﯨﺮ ﺩﺍﻣﻮﻟﻼﻡ 1918- ﻳﯩﻠﻰ ﮬﻪﺝ ﭘﻪﺭﺯﯨﻨﻰ ﺋﺎﺩﺍ ﻗﯩﻠﯩﺶﺑﺎﮬﺎﻧﯩﺴﻰ ﺑﯩﻠﻪﻥ ﭼﻪﺕ ﺋﻪﻟﮕﻪ ﻗﺎﺭﺍﭖ ﻳﻮﻝ ﺋﺎﻟﺪﻯ. ﺋﯘ ﺗﺎﺷﻜﻪﻧﺖ، ﺷﻪﻣﻪﻱ، ﺋﯘﻓﺎ، ﻗﺎﺯﺍﻥ، ﺋﻮﺭﺍﻝ، ﺗﯘﺭﻛﯩﻴﻪ، ﮬﯩﺠﺎﺯ، ﻣﯩﺴﯩﺮ ﻗﺎﺗﺎﺭﻟﯩﻖ ﺟﺎﻳﻼﺭﻏﺎ ﺑﯧﺮﯨﭗ، ﺋﯘ ﻳﻪﺭﺩﯨﻜﻰ ﺋﺎﻟﯩﻢ- ﺋﻮﻟﯩﻤﺎﻻﺭﺑﯩﻠﻪﻥ ﭘﯩﻜﯩﺮ ﺋﺎﻟﻤﺎﺷﺘﯘﺭﺩﻯ. ﺋﺎﺯﺍﺑﻠﯩﻖ ﺋﻮﻳﻼﺭﻏﺎ ﻏﻪﺭﻕ ﺑﻮﻟﺪﻯ. ﺗﯧﺮﻩﻥ ﺗﻪﭘﻪﻛﻜﯘﺭﺗﻪﻟﻘﯩﻨﻠﯩﺮﯨﻨﻰ ﺟﯘﻟﻐﯩﺪﻯ. «ﺋﺎﺑﺪﯗﻗﺎﺩﯨﺮ ﺩﺍﻣﻮﻟﻼﻡ ﺋﯘﻻﺭ ﺑﯩﻠﻪﻥ ﺋﯩﻠﻤﯩﻲ ﺳﻮﮬﺒﻪﺗﺘﻪ ﺑﻮﻟﯘﺵ ﺟﻪﺭﻳﺎﻧﯩﺪﺍ ﺋﻮﺯ ﺧﻪﻟﻘﯩﻨﯩﯔ ﺋﯩﻠﯩﻢ- ﻣﻪﺭﯨﭙﻪﺗﺘﻪ ﮬﻪﻗﯩﻘﻪﺗﻪﻥ ﺋﺎﺭﻗﯩﺪﺍ ﻗﺎﻟﻐﺎﻧﻠﯩﻘﯩﻨﻰ، ﺑﯘﻧﯩﯔ ﺋﺎﺳﺎﺳﻠﯩﻖ ﺳﻪﯞﻩﺑﻰ ﮬﻮﻛﯘﻣﺮﺍﻥ ﺩﺍﺋﯩﺮﯨﻠﻪﺭﻧﯩﯔ ﺧﻪﻟﻖ ﺋﺎﻣﻤﯩﺴﯩﻨﻰ ﻣﻪﯕﮕﯘ ﻗﯘﻟﻠﯘﻗﺘﺎ، ﻧﺎﺩﺍﻧﻠﯩﻘﺘﺎ ﺗﯘﺗﯘﺵ ﺳﯩﻴﺎﺳﯩﺘﯩﺪﯨﻦ ﺑﻮﻟﯘﯞﺍﺗﻘﺎﻧﻠﯩﻘﯩﻨﻰ، ﺋﻪﮔﻪﺭ ﺋﯘﻻﺭ ﻳﻪﻧﯩﻼ ﮬﯩﭻ ﻳﻪﺭﻧﻰ ﻛﻮﺭﻣﻪﻱ، ﮬﯩﭻ ﻧﻪﺭﺳﯩﻨﻰ ﭼﯘﺷﻪﻧﻤﻪﻱ، ﺩﯗﻧﻴﺎﺩﯨﻦ ﺑﯩﺨﻪﯞﻩﺭ ﻳﺎﺷﺎﯞﻩﺭﺳﻪ، ﻗﯘﻟﻠﯘﻕ، ﺟﺎﮬﺎﻟﻪﺕ، ﻧﺎﺩﺍﻧﻠﯩﻘﺘﯩﻦ ﺋﻪﺑﻪﺩﻯ ﻗﯘﺗﯘﻻﻟﻤﺎﻳﺪﯨﻐﺎﻧﻠﯩﻘﯩﻨﻰ ﭼﻮﯕﻘﯘﺭ ﮬﯩﺲ ﻗﯩﻠﺪﻯ. ﺋﯘ ﭘﯘﺗﻜﯘﻝ ﻣﯩﻠﻠﻪﺗﻨﯩﯔ ﭘﻪﻥ- ﻣﻪﺩﻩﻧﯩﻴﻪﺕ ﺳﻪﯞﯨﻴﯩﺴﯩﻨﻰ ﻳﯘﻗﯩﺮﻯ ﻛﻮﺗﯘﺭﯗﺷﻨﻰ، ﻣﯩﻠﻠﻪﺗﻠﻪﺭﻧﯩﯔ ﮬﻪﻗﯩﻘﻰ ﺑﺎﺭﺍﯞﻩﺭﻟﯩﻜﯩﻨﻰ ﺋﯩﺸﻘﺎﺋﺎﺷﯘﺭﯗﺷﻨﻰ، ﺋﻮﺯ- ﺋﺎﺭﺍ ﺋﯩﺘﯩﭙﺎﻗﻠﯩﻖ، ﻣﯩﻠﻠﻰ ﺋﯩﻨﺎﻗﻠﯩﻘﻨﻰﻛﯘﭼﻪﻳﺘﯩﭗ، ﺑﯩﺮ ﻧﯩﻴﻪﺕ، ﺑﯩﺮﻣﻪﻗﺴﻪﺗﺘﻪ ﺋﯘﻳﯘﺷﯘﺷﻨﻰ ﺋﻮﺯﯨﻨﯩﯔ ﺑﯩﺮﺩﯨﻨﺒﯩﺮ ﺷﻮﺋﺎﺭﻯ ﯞﻩ ﻛﯘﺭﻩﺵ ﻧﯩﺸﺎﻧﻰ ﻗﯩﻠﺪﻯ.
ﺋﯘ 1920- ﻳﯩﻠﻰ ﻗﻪﺷﻘﻪﺭﮔﻪ ﻗﺎﻳﺘﯩﭗ ﻛﻪﻟﮕﻪﻧﺪﯨﻦ ﻛﯧﻴﯩﻦ، ﺧﻪﻟﻘﻨﯩﯔ ﻗﺎﻥ- ﺗﻪﺭﻯ ﺑﻪﺩﯨﻠﯩﮕﻪﻳﺎﺷﺎﯞﺍﺗﻘﺎﻥ ﺗﻪﺳﻠﯩﻤﭽﻰ ﺋﻪﻣﻪﻟﺪﺍﺭﻻﺭﻏﺎ، ﺟﺎﮬﺎﻟﻪﺕ ﮬﺎﻣﯩﻴﻠﯩﺮﻯ ﺑﻮﻟﻐﺎﻥ ﻣﻪﻛﻜﺎﺭ ﺳﻮﭘﻰ- ﺋﯩﺸﺎﻧﻼﺭﻏﺎ، ﺋﺎﭺ ﻛﻮﺯ ﺑﺎﻳﻼﺭﻏﺎ، ﻗﻪﺷﻘﻪﺭﺩﯨﻜﻰ ﺧﯩﺮﯨﺴﺘﯩﺌﺎﻥ ﺩﯨﻦ ﺗﺎﺭﻗﺎﺗﻘﯘﭼﯩﻼﺭﻏﺎ ﻗﺎﺭﺷﻰﻛﯘﺭﻩﺷﻨﻰ ﺑﺎﺗﯘﺭﻟﯘﻕ ﺑﯩﻠﻪﻥ ﺑﺎﺷﻠﯩﯟﻩﺗﺘﻰ. ﺋﯘﻻﺭ ﺋﺎﺑﺪﯗﻗﺎﺩﯨﺮ ﺩﺍﻣﻮﻟﻼﻣﻨﯩﯔ : «ﮬﻪﺭ ﻗﺎﻳﺴﯩﻠﯩﺮﻯ ﻳﯘﺭﺗﻨﯩﯔﻛﻮﺯﻯ، ﺧﻪﻟﻘﻨﯩﯔ ﺑﯧﺸﻰ، ﮬﺎﻟﺒﯘﻛﻰ ﺧﻪﻟﻘﯩﻤﯩﺰﻧﻰ ﺋﯩﻠﯩﻢ- ﻣﻪﺭﯨﭙﻪﺗﻜﻪ، ﺗﻪﺭﻩﻗﻘﯩﻴﺎﺗﻘﺎﺑﺎﺷﻠﯩﻤﺎﺳﺘﯩﻦ، ﭘﯘﺗﻜﯘﻝ ﺋﯩﺠﺘﯩﮭﺎﺩ ﯞﻩ ﺋﯩﺸﺘﯩﻴﺎﻕ ﺑﯩﻠﻪﻥ ﻣﻮﮬﯘﺭ ﮬﻪﻗﻘﯩﮕﻪ ﻣﻪﭘﺘﯘﻥ ﺑﻮﻟﯘﭖ، ﻛﯘﻧﺪﻩ ﭼﯘﺷﻜﻪﻥ ﺗﻪﯕﮕﯩﻠﻪﺭﻧﻰ ﺋﻪﯞﺭﻩﺯﮔﻪ ﻛﻮﻣﯘﭖ، ﺧﺎﺗﯩﺮﺟﻪﻡ ﺋﯘﺧﻼﺷﺴﯩﻼ، ﺧﻪﻟﻘﯩﻤﯩﺰﻧﯩﯔ ﮬﺎﻟﻰﻗﺎﻧﺪﺍﻕ ﺑﻮﻻ؟ ﺑﯩﺰ ﺋﻮﺯ ﺑﺎﻟﯩﻠﯩﺮﯨﻤﯩﺰﻏﺎ ﻣﻪﻛﺘﻪﭖ ﺋﺎﭼﻤﺎﻱ، ﺋﯘﻻﺭﻧﻰ ﺗﺎﺷﻠﯩﯟﻩﺗﺘﯘﻕ… ﺗﯧﺨﻰ ﮬﻪﺭﺧﯩﻞ ﺟﺎﺯﺍ، ﭼﺎﺭﯨﻠﯩﺮﯨﻨﻰ ﻗﻮﻟﻠﯩﻨﯩﭗ، ﺧﻪﻟﻘﻨﯩﯔ ﺑﯧﺸﯩﻐﺎ ﺩﻩﺭﺕ ﺳﯧﻠﯩﭗ، ﺋﯘﻻﺭﻧﻰﺟﺎﺭﺍﮬﻪﺗﻠﻪﻧﺪﯗﺭﻣﻪﻛﺘﯩﻤﯩﺰ. ﺋﻪﮔﻪﺭ ﺑﯘ ﺗﻮﻏﺮﯨﺪﺍ ﻗﺎﻳﻐﯘﺭﻣﺎﻳﺪﯨﻐﺎﻥ ﺑﻮﻟﺴﺎﻕ، ﻛﻪﻟﮕﯘﺳﻰ ﺋﻪﯞﻻﺩﻟﯩﺮﯨﻤﯩﺰ ﺋﺎﻟﺪﯨﺪﺍ ﺑﯩﺰ ﻧﺎﮬﺎﻳﯩﺘﻰ ﺋﯘﻳﺎﺗﻘﺎ ﻗﯧﻠﯩﺸﯩﻤﯩﺰ، لەﻧﻪﺕ- ﻧﻪﭘﺮﻩﺗﻜﻪ ﻛﻮﻣﯘﻟﯩﺸﯩﻤﯩﺰ ﻣﯘﻗﻪﺭﺭﻩﺭ ﮔﻪﭖ» ﺩﯨﮕﻪﻥ ﺧﯩﺘﺎﺑﻠﯩﺮﯨﻨﻰ ﺋﻪﺳﺒﯩﻴﻠﯩﻚ ﺩﻩﭖ ﺑﯩﻠﯩﺸﯩﭗ، ﺋﯘﻧﯩﯔ ﺋﯘﺳﺘﯩﮕﻪ ﺗﻮﮬﻤﻪﺗﻠﻪﺭ ﺗﻮﻗﯘﺷﺘﻰ.
ئاﺑﺪﯗﻗﺎﺩﯨﺮ ﺩﺍﻣوللام ﺗﻮﻗﺎ- ﺗﻮﮬﻤﻪﺗﻠﻪﺭﮔﻪ ﭘﯩﺴﻪﻧﺖ ﻗﯩﻠﻤﺎﻱ، ﺧﻪﻟﻘﻨﯩﯔ ﺋﻪﻗﯩﺪﻩ – ﺋﯧﺘﯩﻘﺎﺩﯨﻨﻰ ﭼﯩﯖﯩﺘﯩﺶ، ﻣﻪﺭﯨﭙﻪﺕ ﺭﻭﮬﯩﻨﻰﻗﻮﺯﻏﺎﺵ، ﺋﺎﺩﺍﻟﻪﺕ ﺗﯘﻳﻐﯘﺳﯩﻨﻰ ﺋﻮﻳﻐﯩﺘﯩﺶ، ﮬﻮﺭﻟﯘﻙ ﺋﯧﯖﯩﻨﻰ ﺳﻪﮔﯩﺘﯩﺶ ﻣﻪﻗﺴﯩﺘﯩﺪﻩ ﻣﻪﺩﺭﯨﺴﻠﻪﺭﺩﻩ ﺷﺎﮔﯩﺮﺕ ﺗﻪﺭﺑﯩﻴﯩﻠﻪﺷﻨﻰ ﻧﺎﮬﺎﻳﯩﺘﻰ ﭼﯩﯔ ﺗﯘﺗﺘﻰ. ﺋﯘ ﮬﻪﺭ ﻛﯘﻧﻰ ناﻣﺎﺯﺩﯨﮕﻪﺭﺩﯨﻦ ﻛﯧﻴﯩﻦ، ﮬﯧﻴﺘﻜﺎﮬ ﺟﺎﻣﺎﺋﻪﺩﻩ ﺋﻪﻣﺮﯨﻤﻪﺭﯗﭖ، ﻣﯘﻧﺎﺯﯨﺮﻩ ﺳﻮﺭﯗﻧﻠﯩﺮﯨﻨﻰ ﺋﯘﻳﯘﺷﺘﯘﺭﯗﭖ، ﯞﻩﺯ- ﺗﻪﺑﻠﯩﻎ ﻗﯩﻠﯩﭗ، ﺧﻪﻟﻘﻘﻪ ﺋﯘﺯﻟﯘﻛﺴﯩﺰ ﺗﻪﺷﯟﯨﻘﺎﺕ، ﺗﻪﺭﻏﯩﺒﺎﺕ ﺋﯧﻠﯩﭗ ﺑﺎﺭﺩﻯ. «ﻧﻪﺳﯩﮭﻪﺗﻰ ﺋﺎﻣﻤﺎ» ﻧﺎﻣﻠﯩﻖ ﻣﻪﺷﮭﯘﺭ ﺋﻪﺳﯩﺮﯨﻨﻰ ﻳﯧﺰﯨﭗ ﺑﺎﺳﺘﯘﺭﯗﭖ ﺗﺎﺭﻗﺎﺗﺘﻰ. ﺋﯘ ﺑﯘ ﺋﯧﺴﯩﻞ ﺋﻪﺳﯩﺮﯨﺪﻩ ﻣﯘﻧﺪﺍﻕ ﻣﯘﺭﺍﺟﯩﺌﻪﺕ ﻗﯩﻠﺪﻯ: «ﺑﯘﺯﺍﻣﺎﻥ ﻏﻪﭘﻠﻪﺕ ﯞﻩ ﺑﯩﭙﻪﺭﯞﺍﻟﯩﻖ ﺯﺍﻣﺎﻧﻰ ﺋﻪﻣﻪﺱ، ﺋﻮﻳﻐﯩﻨﯩﺶ ﯞﻩ ﺳﻪﺯﮔﯘﺭﻟﯘﻙ ﺯﺍﻣﺎﻧﯩﺪﯗﺭ! ﺟﺎﮬﯩﻠﻠﯩﻖ ﯞﻩ ﻧﺎﺩﺍﻧﻠﯩﻖ ﺩﻩﯞﺭﻯ ﺋﻪﻣﻪﺱ، ﺋﯩﻠﯩﻢ- ﻣﻪﺭﯨﭙﻪﺕ ﺩﻩﯞﺭﯨﺪﯗﺭ. ﺳﯘﺳﻠﯘﻕ ﯞﻩ ﺑﯩﻜﺎﺭﻟﯩﻖﺩﻩﯞﺭﻯ ﺋﻪﻣﻪﺱ، ﺗﯩﺮﯨﺸﯩﺶ ﯞﻩ ﻏﻪﻳﺮﻩﺕ ﯞﺍﻗﺘﯩﺪﯗﺭ. ﺑﺎﺷﻘﺎ ﻣﯩللەتلەر ﺋﯩﻠﯩﻢ- ﻣﻪﺭﯨﭙﻪﺕ ﺳﺎﻳﯩﺴﯩﺪﺍ ﮬﺎﯞﺍﺩﺍ ﺋﯘﭼﯘﭖ ﭘﻪﺭﯞﺍﺯ ﻗﯩﻠﻤﺎﻗﺘﺎ، ﺳﯘ ﺋﺎﺳﺘﯩﺪﺍ ﺑﻮﻟﺴﺎ ﺧﯘﺩﺩﻯ ﻗﯘﺭﯗﻗﻠﯘﻗﺘﺎ ﻳﯘﺭﮔﻪﻧﺪﻩﻙ ﺋﻪﺭﻛﯩﻦ ﺋﯘﺯﯗﺷﻤﻪﻛﺘﻪ. ﺑﯩﺰ ﺗﯧﺨﻰ ﻏﻪﭘﻠﻪﺕ ﺋﯘﻳﻘﯘﺳﯩﺪﺍ ﻳﺎﺗﻤﺎﻗﺘﯩﻤﯩﺰ. ﺋﯘﻳﻘﯘ ﺋﻮﻟﯘﻣﻨﯩﯔ ﺑﯘﺭﺍﺩﯨﺮﻯ ﯞﻩ ﻣﯘﻗﻪﺩﺩﯨﻤﯩﺴﯩﺪﯗﺭ. ﺑﯘ ﮬﺎﻟﻪﺗﺘﻪ ﺩﺍﺋﯩﻢ ﺋﯘﺧﻠﯩﺴﺎﻕ ﻳﻮﻗﯩﻠﯩﺶ ﯞﻩ ﺋﻮﻟﯘﻡ ﻳﻮﻟﯩﺪﯗﺭ! ﮬﯧﻠﯩﮭﻪﻡ ﯞﺍﻗﯩﺖ ﯞﻩ ﭘﯘﺭﺳﻪﺕ ﺑﺎﺭ. ﺟﺎﻧﺎﺑﯩﻲ ﺋﺎﻟﻼﮬﻨﯩﯔ ﺭﻩﮬﻤﻪﺕ ﯞﻩ ﺋﯩﻨﺎﻳﻪﺕ ﺧﻪﺯﯨﻨﯩﺴﯩﻨﯩﯔ ﺋﯩﺸﯩﻜﻰ ﺩﺍﺋﯩﻢ ﺋﻮﭼﯘﻗﺘﯘﺭ. ﺩﯗﻧﻴﺎﺩﺍ ﺋﯘﻣﯩﺪﺳﯩﺰﻟﯩﻚ ﺑﯩﻠﻪﻥ ﻳﺎﺷﺎﺵ ﺗﻮﻏﺮﺍ ﺋﻪﻣﻪﺱ. ﺋﯩﻨﺴﺎﻥ ﻛﯩﭽﯩﻜﻠﯩﻜﯩﺪﯨﻦ ﺗﺎﺭﺗﯩﭗ ﺋﯩﻠﯩﻢ ﺋﻮﮔﯩﻨﯩﺸﻨﻰ ﯞﻩ ﻛﻪﺳﯩﭗ (ﮬﯘﻧﻪﺭ -ﺳﻪﻧﺌﻪﺕ) ﺑﯩﻠﻪﻥ ﺷﯘﻏﯘﻟﻠﯩﻨﯩﺸﻰ ﻛﯧﺮﻩﻛﻜﻰ، ﮬﻪﺭ ﻗﺎﻧﺪﺍﻕ ﺋﯩﺸﻨﻰ ﺋﻮﺯﻟﯘﻛﯩﺪﯨﻦ ﻣﻪﻳﺪﺍﻧﻐﺎ ﭼﯩﻘﯩﺮﯨﺸﻨﻰ ﺋﺎﻟﻼﮬ ﺋﺎﺩﻩﺕ ﻗﯩﻠﻤﯩﻐﺎﻧﺪﯗﺭ. ﺑﻪﻟﻜﻰ ﮬﻪﺭﺑﯩﺮ ئىشتا ﺗﯩﺮﯨﺸﭽﺎﻧﻠﯩﻖ ﯞﻩ ﭘﯩﺪﺍﻛﺎﺭﻟﯩﻖ ﻛﻮﺭﺳﯩﺘﯩﺶ ﺋﺎﻟﻼﮬﻨﯩﯔ ﻳﻮﻟﻴﯘﺭﯗﻗﯩﺪﯗﺭ. ﺋﯩﻨﺴﺎﻧﻨﯩﯔ ﺗﯩﺮﯨﺸﭽﺎﻧﻠﯩﻘﯩﻐﺎ ﻻﻳﯩﻖ ﻧﻪﺗﯩﺠﻪ ﺑﺎﺭﺩﯗﺭ،  ﺩﯨﮕﻪﻥ ﺋﺎﻳﻪﺕ ﺑﯘﻧﯩﯖﻐﺎ ﮔﯘﯞﺍﮬ- ﺋﯩﺴﭙﺎﺗﺘﯘﺭ»
ﺋﺎﺑﺪﯗﻗﺎﺩﯨﺮ ﺩﺍﻣﻮﻟﻼﻣﻨﯩﯔ ﺯﻭﺭﺗﯩﺮﯨﺸﭽﺎﻧﻠﯩﻖ ﻛﻮﺭﺳﯩﺘﯩﺸﻰ ﻧﻪﺗﯩﺠﯩﺴﯩﺪﻩ ﻗﻪﺷﻘﻪﺭ ﺗﻪﯞﻩﺳﯩﺪﯨﻼ ﺋﻪﻣﻪﺱ، ﺑﻪﻟﻜﻰ ﭘﯘﺗﻜﯘﻝ ﺗﺎﺭﯨﻢﯞﺍﺩﯨﺴﯩﺪﺍ ﻳﯧﯖﯩﭽﻪ ﻛﻪﻳﭙﯩﻴﺎﺕ ﺑﺎﺭﻟﯩﻘﻘﺎ ﻛﻪﻟﮕﻪﻥ. ﻛﯩﺸﯩﻠﻪﺭ ﯞﻩﺗﻪﻥ ﯞﻩ ﻣﯩﻠﻠﻪﺗﻨﯩﯔ ﺗﻪﻗﺪﯨﺮﻯ ﺋﯘﺳﺘﯩﺪﻩ ﺋﻮﻳﻠﯩﺸﯩﺪﯨﻐﺎﻥ، ﺳﻮﺯﻟﯩﺸﯩﺪﯨﻐﺎﻥ ﺑﻮﻟﻐﺎﻥ. ﺋﯘ ﮬﯘﺳﻪﻳﯩﻨﯩﺨﺎﻥ ﺗﻪﺟﻪﻟﻠﻰ، ﺷﻪﻣﺴﯩﺪﯨﻦ ﺩﺍﻣﻮﻟﻼﻡ، ﺳﺎﯞﯗﺕ ﺋﺎﺑﺪﯗﻟﺒﺎﻗﻰ ﻛﺎﻣﺎﻟﻰ، ﻗﯘﺗﻠﯘﻕ ﺷﻪﯞﻗﻰ، ﺑﺎﮬﺎﯞﯗﺩﯗﻧﺒﺎﻱ ﻗﺎﺗﺎﺭﻟﯩﻖ ﻣﻪﺷﮭﯘﺭ ﻣﻪﺭﯨﭙﻪﺕ ﺋﺎﺷﯩﻨﺎﻟﯩﺮﯨﻨﯩﯔ ﻣﻪﺩﻩﺕ ﺑﯧﺮﯨﺸﻰ ﯞﻩ ﺑﯩﺮ ﻧﯩﻴﻪﺕ، ﺑﯩﺮ ﻣﻪﻗﺴﻪﺗﺘﻪ ﮬﻪﻣﺪﻩﻣﺪﻩ ﺑﻮﻟﯘﺷﻰ ﻧﻪﺗﯩﺠﯩﺴﯩﺪﻩ ﻳﯧﯖﻰ ﺑﯩﺮ ﺋﻪﯞﻻﺩ ﭘﯩﺪﺍﻛﺎﺭ ﺷﺎﮔﯩﺮﺗﻼﺭﻧﻰ ﺗﻪﺭﺑﯩﻴﯩﻠﻪﭖ ﭼﯩﻘﻘﺎﻥ.
ﺋﻪﻳﻨﻰ ﻳﯩﻠﻼﺭﺩﺍ ﻳﻪﻧﻰ 1920- ﻳﯩﻠﻼﺭﻧﯩﯔ ﺑﯧﺸﯩﺪﺍ ﭼﺎﺭﺭﯗﺳﯩﻴﻪ، ﺑﯩﺮﯨﺘﺎﻧﯩﻴﻪ ﻛﯧﯖﻪﻳﻤﯩﭽﯩﻠﯩﺮﯨﻨﯩﯔ ﺷﯩﻨﺠﺎﯕﻐﺎ ﺑﻮلغاﻥ ﺳﯩﯖﯩﭗﻛﯩﺮﯨﺶ ﻗﺎﺭﺍ ﻧﯩﻴﯩﺘﻰ، ﺷﯩﻨﺠﺎﯕﻨﻰ ﺋﻮﺯﻟﯩﺮﯨﻨﯩﯔ ﺗﻪﺳﯩﺮ ﺩﺍﺋﯩﺮﯨﺴﯩﻪ ﺋﯩﭽﯩﮕﻪ ﺋﯧﻠﯩﺶ ﺋﯘﺭﯗﻧﯘﺷﻠﯩﺮﻯ ﻗﻪﺷﻘﻪﺭ ﯞﻩﺯﯨﻴﯩﺘﯩﻨﻰ ﻧﺎﮬﺎﻳﯩﺘﻰ ﻣﯘﺭﻩﻛﻜﻪﭘﻠﻪﺷﺘﯘﺭﯗﯞﻩﺗﻜﻪﻥ. ﺋﺎﺑﺪﯗﻗﺎﺩﯨﺮ ﺩﺍﻣﻮﻟﻼﻣﻨﯩﯔ ﯞﻩﺗﻪﻧﭙﻪﺭﯞﻩﺭﻟﯩﻚ، ﻣﯩﻠﻠﻪﺗﭙﻪﺭﯞﻩﺭﻟﯩﻚ ﭘﺎﺋﺎﻟﯩﻴﻪﺗﻠﯩﺮﻯ ﺋﯘﻻﺭﻧﯩﯔ ﻛﯘﺗﻤﯩﮕﻪﻥ ﻳﯧﺮﯨﺪﯨﻦ ﭼﯩﻘﻘﺎﻥ. ﺷﯘﻧﯩﯔ ﺑﯩﻠﻪﻥ ﺋﯘﻻﺭﻧﯩﯔ ﺭﻩﺯﯨﻞ ﻣﻪﻗﺴﯩﺘﻰ ﻛﺎﻟﺘﻪ ﭘﻪﻡ، ﺑﯘﺭﻧﯩﻨﯩﯔ ﺋﯘﭼﯘﻧﯩﻼ ﻛﻮﺭﯗﺩﯨﻐﺎﻥ، ﺷﻪﺧﺴﯩﻴﻪﺗﭽﻰ، ﮬﻪﺳﻪﺗﺨﻮﺭ ﻳﻪﺭﻟﯩﻚ ﻣﯘﻧﺎﭘﯩﻖ ﺑﺎﻱ- ﺋﻮﻟﯩﻤﺎﻻﺭﻧﯩﯔ ﻏﺎﻟﭽﯩﻠﯩﻖ ﻗﯩﻠﯩﭗ ﻣﺎﺳﻠﯩﺸﯩﺸﻰﺑﯩﻠﻪﻥ ﺋﻪﻣﻪﻟﮕﻪﺋﺎﺷﻘﺎﻥ.
ﺋﯘﻳﻐﯘﺭ ﺧﻪﻟﻘﯩﻨﯩﯔ ﻣﯘﻧﻪﯞﯞﻩﺭﺋﻮﻏﻠﻰ، ﻣﻪﻧﯩﯟﻯ ﺩﺍﮬﯩﻴﺴﻰ، ﭘﯩﺪﺍﻛﺎﺭ ﻣﯘﺗﻪﭘﻪﻛﻜﯘﺭﻯ، ﺋﻮﺕ ﻳﯘﺭﻩﻙ ﺟﻪﺩﯨﺘﯩﺰﯨﻤﭽﯩﺴﻰ ﺋﺎﺑﺪﯗﻗﺎﺩﯨﺮﺩﺍﻣﻮﻟﻼﻡ 1924- ﻳﯩﻠﻰ 8- ﺋﺎﻳﻨﯩﯔ 14- ﻛﯘﻧﻰ ﺗﺎﯓ ﺳﻪﮬﻪﺭﺩﻩ ﺋﻮﺯ ﺋﻮﻳﯩﺪﻩ ﻳﺎﻟﻼﻧﻐﺎﻥ ﻗﺎﺗﯩﻞ ﺗﻪﺭﯨﭙﯩﺪﯨﻦ ﻗﻪﺳﺘﻠﻪﭖ ﺋﻮﻟﺘﯘﺭﯗﻟﮕﻪﻥ. ﺋﯘﻳﻐﯘﺭ ﺧﻪﻟﻘﻰ ﺋﯘﭼﯘﻥ ﺯﻭﺭ ﻳﻮﻗﯩﺘﯩﺶ ﮬﯩﺴﺎﺑﻼﻧﻐﺎﻥ ﺑﯘﻗﺎﺗﯩﻠﻠﯩﻖ ﯞﻩﻗﻪﺳﻰ ﭘﯘﺗﻜﯘﻝ ﺋﻮﺗﺘﯘﺭﺍ ﺋﺎﺳﯩﻴﺎﻏﺎ ﭘﯘﺭ ﻛﻪﺗﻜﻪﻥ. ﺋﺎﯞﺍﻡ ﭼﻪﻛﺴﯩﺰ ﻗﺎﻳﻐﯘ – ﮬﻪﺳﺮﻩﺗﻜﻪ ﭼﻮﻣﮕﻪﻥ، ﺷﺎﺋﯩﺮﻻﺭ ﺋﺎﺯﺍﭘﻠﯩﻖ ﮬﯩﺴﻴﺎﺗﻰ ﺑﯩﻠﻪﻥ ﻣﻪﺭﺳﯩﻴﯩﻠﻪﺭ ﻳﯧﺰﯨﺸﻘﺎﻥ. ﻳﻮﻝ ﺑﺎﺷﭽﻰ ﺋﺎﺑﺪﯗﻗﺎﺩﯨﺮ ﺩﺍﻣﻮﻟﻼﻣﻨﯩﯔ ﺳﯘﻳﻘﻪﺳﺘﻜﻪ ﺋﯘﭼﺮﯨﺸﻰ ﮬﻪﻗﯩﻘﻪﺗﻪﻧﻤﯘ، ﺯﯨﻴﯩﻨﻰ ﻧﺎﮬﺎﻳﯩﺘﻰ ﺯﻭﺭﺑﻮﻟﻐﺎﻥ، ﺋﯘﻳﻐﯘﺭ ﺧﻪﻟﻘﯩﻨﻰ ﻣﻪﯕﮕﯘ ﮬﻪﺳﺮﻩﺗﻠﻪﻧﺪﯗﺭﺩﯨﻐﺎﻥ ﺗﺎﺭﯨﺨﻰ ﺗﯩﺮﻭﺭﻟﯘﻕ ﺋﯩﺪﻯ.

ئەسكەرتىش: ئۇيغۇر ئاكادېمىيىسى تور بېتىدىكى ئەسەرلەر ئاپتورنىڭ ئۆزىنىڭ كۆز-قارىشىغا ۋەكىللىك قىلىدۇ. تور بېتىمىزدىكى ئەسەرلەرنى مەنبەسىنى ئەسكەرتىش شەرتى بىلەن كۆچۈرۈپ كەڭ تارقىتىشقا بولىدۇ.

ئاكادېمىيە ئورگان تورى ©

Scroll to top