ئۇيغۇرچە    Uyghurche    Уйғурчә    Ortaq Türkçe   
  • 2017-يىلى 8-ئۆكتەبىردە ئامېرىكا جۈرەكسىل ئۇنىۋېرسىتېتىدا «مۇھاجىرەتتىكى ئۇيغۇرلار ۋە ئۇلارنىڭ مائارىپى» ئىلمىي مۇھاكىمە يىغىنى ئۆتكۈزۈلىدۇ. ۋاقتىدا
سىزنىڭ ئورنىڭىز: باشبەت » مەمتېلى تەۋپىق فوندى

مەمتېلى تەۋپىق فوندى

Email this to someoneTweet about this on TwitterShare on LinkedIn0Print this pageShare on Facebook33Share on Google+0

ئۇيغۇر ئاكادېمىيىسى مەمتېلى تەۋپىق فوندى

ئۇيغۇر ئاكادېمىيىسى تەۋپىق فوندىنىڭ قۇرۇلۇش مەقسىتى:

يېقىنقى بىر قانچە يىلدىن بۇيان، تۈركىيەگە ئۆز خىراجىتى بىلەن كېلىپ ئوقۇيدىغان ئۇيغۇر ئوقۇغۇچىلارنىڭ سانى كۆپىيىپ باردى. ئاخىرقى 10 ئايدىن بېرى تۈركىيەدە ئۆز خىراجىتى بىلەن ئوقۇۋاتقان ئۇيغۇر ئوقۇغۇچىلار ئائىلىسى بىلەن بولغان ئالاقىسى ئۈزۈلۈپ قالغانلىقتىن ئائىلىسىدىن ئىقتىسادىي ياردەم ئالالمايۋاتىدۇ. نەتىجىدە ئۆز خىراجىتى بىلەن ئوقۇۋاتقان خېلى كۆپ ئۇيغۇر ئوقۇغۇچىلار ئىقتىسادىي قىيىنچىلىق سەۋەبىدىن تۈركىيەدىكى ئوقۇشىنى داۋاملاشتۇرۇشتا قىينالماقتا.

تۈركىيەدە ئوقۇش پۇلىنى تۆلىيەلمىگەن، ياتاق ۋە تۇرمۇش راسخۇتىنى ھەل قىلالمىغان خېلى كۆپ ئۇيغۇر ئوقۇغۇچىلار مەۋجۇت. ھەتتا ئاپتۇبۇسقا چىققۇدەك ۋە تاماق يىگۈدەك پۇلى قالمىغان ئويغۇر ئوقۇغۇچىلارنىڭمۇ بارلىقى مەلۇم بولماقتا. تۈركىيە نوپۇسنىڭ كۆپلىكى ۋە ئىش تېپىشنىڭ قىيىنلىقى سەۋەبىدىن ئۇيغۇر ئوقۇغۇچىلار ئوقۇش ۋە تۇرمۇش راسخۇتلىرىنى ئۆز قابىلىيەتلىرىگە تايىنىپ ھەل قىلىشىمۇ قېيىن بولماقتا.

ئۇيغۇر ئاكادېمىيىسى دەل نامرات، ئەمما ئوقۇشتا ئەلاچى ئۇيغۇر ئوقۇغۇچىلارغا ياردەم قىلىش ئۈچۈن، مەمتىلى تەۋپىق فوندىنى 2012 – يىلىدىن باشلاپ رەسمىي تەسىس قىلدى.
مەمتىلى تەۋپىق فوندى ئىشلىتىلىش ساھەسى: ئوقۇشى ئەلا ئەمما ئائىلە ئىقتىسادى نامىرات بولغان ئۆز خىراجىتى بىلەن ئوقۇۋاتقان ئۇيغۇر ئالىي مەكتەپ ئوقۇغۇچىلىرى
مەمتىلى تەۋپىق فوندى ياردىمىگە ئېرىشىش شەرتى: ئوقۇشى ئەلا، ئەخلاقى ياخشى ۋە ئائىلە ئىقتىسادى نامىرات بولغان بولىشى.
ئەسكەرتىش: ئىلتىماس قىلغان ئۇيغۇر ئوقۇغۇچىلاردىن ئۇيغۇرلار ئۈچۈن مەلۇم بىر ساھەدە پايدىلىق بولغان ۋە ئۆزى ياخشى كۆرۈپ قىلالايدىغان ئىشلار ھەققىدىكى پىلان – لاھىيەسى ۋە ئۇنى ئۇرۇنلاش جەريانىنى ئوتتۇرىغا قويۇشى تەلەپ قىلىنىدۇ.

ئۇيغۇر ئاكادېمىيسى تەۋپىق فوندىغا ياردەم قىلغۇچىلار ئۆزلىرى تەلەپ قىلمىغۇچە كىملىكى ئاشكارىلانمايدۇ ۋە ئۇلارنىڭ بەرگەن ياردىمى نەگە قانچىلىك مىقداردا ئىشلىتىلگەنلىكى ھەر ۋاقىت ياردەم بەرگۈچىگە تەپسىلاتى ۋە ئىسپاتى بىلەن ۋاقتىدا بىلدۈرىلىدۇ.
ياردەم قىلىش ئىمكانى بولغان ئۇيغۇر قېرىنداشلىرىمىزنىڭ ئاكادېمىيە بىلەن ئالاقە قىلىشىنى ۋە ياردەمگە مۇھتاج ئۇيغۇر ئوقۇغۇچىلارنىڭ ئۈمىدىنى يەردە قويماسلىقىنى ئۈمىد قىلىمىز.
ھۆرمەت بىلەن: – ئۇيغۇر ئاكادېمىيىسى دائىمىي ھەيئەت كومىتېتى
ئۇيغۇر ئاكادېمىيىسى ئىئانە قۇبۇل قىلىش ئۇچۇرلىرى:

1. ئىئانە ۋە بانكا ھېسابى

2. ئۇيغۇر ئاكادېمىيىسى Paypal تور بانكا ھېسابات ئېلخېتى: uyghuracademy@gmail.com


تەۋپىق ئوقۇش مۇكاپاتى

ئۇيغۇر ئاكادېمىيىسى 8 يىلىدىن بۇيان ئۇيغۇر مىللىتى ئۈچۈن قىلغان خالىس خىزمەتلىرى سەۋەبىدىن ۋەتەن ئىچى – سىرتىدا خىزمەت قىلىۋاتغان ئۇيغۇر پەن – تەتقىقاتچى، مۇتەخەسىس، زىيالىلار ۋە ئۇيغۇر ئالىي مەكتەپ ئوقۇغۇچىلىرىنىڭ قوللىشىغا ۋە مەدەت بېرىشىگە مۇيەسسەر بولۇپ كەلمەكتە.
تېخىمۇ كۆپ ۋەتەن ۋە مىللەتكە ياراملىق ئۇيغۇر ياشلىرىنىڭ يېتىشىپ، ئۇيغۇر پەن – تەتقىقاتچى ۋە مۇتەخەسىسلەرنىڭ سېپىگە قېتىلىشى ئۈچۈن، ئۇيغۇر ئاكادېمىيىسى چەتئەلدىكى مەرىپەتپەرۋەر ئۇيغۇرلارنىڭ ياردىمى بىلەن 2014 – يىلىدىن باشلاپ، مەمتىلى تەۋپىقنىڭ تۈركىيەدىكى مائارىپ مەشئەلىنى تۈركىيەدە ياندۇرۇش مەقسىتىدە، ئۇيغۇر ئوقۇغۇچىلار ئۈچۈن «تەۋپىق ئوقۇش مۇكاپاتى» نى تەسىس قىلىپ، 2014-، 2015 – ۋە 2016- يىللىرىدا ئوقۇش نەتىجىسى ئالاھىدە ياخشى، ئەمما ئوقۇش ياردە پۇلىغا ئىھتىياجلىق بولغان 3 باكلاۋۇر، 17 ماگىستىر ۋە 9 دوكتۇر ئوقۇغۇچىسى بولۇپ جەمىئىي 29 ئوقۇغۇچىغا ئوقۇش مۇكاپاتى بەردى. بۇ ئوقۇش مۇكاپاتى، تۈركىيەدە ئوقۇۋاتقان دەرستە ئەلا، ئەمما ئائىلە ئىقتىسادى ياخشى بولمىغان ئۇيغۇر ئوقۇغۇچىلارنىڭ دەردىگە دەرمان بولۇپ كەلمەكتە.
ئۇيغۇر ئاكادېمىيىسى مەرىپەتپەرۋەر ئۇيغۇرلارنىڭ ياردىمى بىلەن، 2017 – 2016 ئوقۇش يىلىدا، ئۇيغۇر ئالىي مەكتەپ ئوقۇغۇچىلار ئۈچۈن «تەۋپىق ئوقۇش مۇكاپاتى» نى داۋاملاشتۇرىدىغان بولۇپ، ئىلتىماس قىلغۇچىلارنىڭ ئاساسلىق شەرتلىرى تۆۋەندىكىدەك:
1) چوقۇم تۈركىيەنىڭ مەلۇم بىر ئالىي مەكتىپىدە ئۆز خىراجىتى بىلەن باكلاۋۇرلۇق، ماگېستىرلىق ۋە دوكتۇرلۇقتا ئوقۇۋاتقان بولىشى
2) ھەرقانداق بىر دۆلەت ئورگانىدىن ئوقۇش مۇكاپاتى ياكى ئوقۇش ياردەم پۇلى ئالمىغان بولىشى
3) مەكتەپتىكى دەرسلەردە ئەلا نەتىجە قازىنىشنى نىشان قىلىپلا قالماي، بەلكى ئىجتىمائىي مۇناسىۋەتلەردە ئويغۇر ئوقۇغۇچىلارغا ئۈلگىلىك ئىش ۋە ھەرىكەتلەردە بولىشى ۋە ئۇيغۇر ئاكادېمىيسىنىڭ ئىلمىي پائالىيەتلىرىگە ئۆزلىكىدىن ئاكتىپ قاتنىشىشى تەلەپ قىلىنىدۇ.
يۇقارقى شەرتلەرنى ھازىرلىغان ئۇيغۇر ئوقۇغۇچىلار تۆۋەندىكى ماتېرىياللار بىلەن بىۋاستە ئۇيغۇر ئاكادېمىيىسىگە ئېلخەت ئارقىلىق ئىلتىماس قىلىشى كىرەك:
1. ئۇيغۇر ئوقۇغۇچىلار ئۈچۈن «تەۋپىق ئوقۇش مۇكاپاتى» ئىلتىماس جەدېۋىلى Tevfik Bursu Başvuru Formu
2. ئوقۇشىنى داۋاملاشتۇرۋاتقانلىقى ھەققىدىكى ئىسپات (Öğrenci Belgesi)
3. مەكتەپتىكى دەرس نەتىجىسى (ئەڭ يېڭى نۇسخىسى)
4. پاسپورت كۆپەيتىلمە نۇسخىسى
5. ئىقامەت كۆپەيتىلمە نۇسخىسى
6. قىسقىچە تەرجىمىھالى
7. تۈركىيەدە ئوقۇش مەقسىدى، ئوقۇش – تەتقىقات نىشانى ۋە ئوقۇش پۈتتۈرگەندىن كېيىنكى پىلان-لاھىيەسى ھەققىدە كۆز قاراشلىرى (نىيەت مەكتۇبى)
8. ئىككى پارچە تەۋسىيە خېتى (تەۋسىيە خېتىنىڭ بىرسى چوقۇم يىتەكچى ئوقۇتقۇچى، يەنە بىرسى جەمئىيەتتە ئۆز كەسپىدە نەتىجە قازانغان مەلۇم ئۇيغۇر تەرىپىدىن بېرىلگەن بولىشى كىرەك.)
9. ئەگەر بولسا، ئوقۇش ۋە خىزمەت ھاياتىدا قولغا كەلتۈرگەن نەتىجە ۋە ئالغان مۇكاپاتلىرى (چەتئەل تىلى ئىمتىھان نەتىجىلىرى، كومپىيوتېر قابىلىيىتى كېنىشكىسى، يازغان ئەسەرلىرى ۋە باشقا ئالغان مۇكاپاتلىرى)
10. ھىچقانداق بىر دۆلەت ئورگانلىرىدىن ئوقۇش مۇكاپاتى ياكى ئوقۇش ياردەم پۇلى ئالمىغانلىق ھەققىدە ئەھدىنامە.
تەۋپىق ئوقۇش مۇكاپاتى سوممىسى:
دوكتۇر ئوقۇغۇچىلىرى 400 لىرا
ماگېستىر ئوقۇغۇچىلىرى 350 لىرا
باكلاۋۇر ئوقۇغۇچىلىرى 300 لىرا
2017–2016 ئوقۇش يىلى «تەۋپىق ئوقۇش مۇكاپاتى» ئالغان ئۇيغۇر ئوقۇغۇچىلار كېيىنكى يىلى ئۆز ئەمەلىي ئەھۋالى ۋە قولغا كەلتۈرگەن نەتىجىلىرىگە ئاساسەن قايتا ئىلتىماس قىلسا بولىدۇ.
ئىلتىماس قۇبۇل قىلىش ئاخىرقى ۋاقتى: 2016 – يىلى 10 – ئاينىڭ 31- كۈنىگىچە
تەۋپىق ئوقۇش مۇكاپاتى ئېلتىماس قوبۇل قىلىش ئېلخېتى: memtilitewpiq@gmail.com
يانفۇن: 05306677851

– ئۇيغۇر ئاكادېمىيىسى تەۋپىق ئوقۇش مۇكاپاتى باھالاش كومىتېتى

تەۋپىق ئوقۇش مۇكاپاتى ئىستاتىسكىسى

يىل        ماگېستىر      دوكتۇر       باكلاۋۇر

2014        5             2              –

2015        8             2              –

2016        4             5              3

جەمىئىي     17           9              3

2014-، 2015 – ۋە 2016- يىللىرىدا ئوقۇش نەتىجىسى ئالاھىدە ياخشى، ئەمما ئوقۇش ياردەم پۇلىغا ئىھتىياجلىق بولغان 3 باكلاۋۇر، 17 ماگىستىر ۋە 9 دوكتۇر ئوقۇغۇچىسى بولۇپ، جەمىئىي 29 ئوقۇغۇچىغا تەۋپىق ئوقۇش مۇكاپاتى بېرىلدى.


مەمتىلى تەۋپىق فوندى بانكا ھىسابى

(تۈركىيە مالىيە بانكىسى) Türkiye Finans Katılım Bankası

Hesap Sahibi : Uluslararası Uygur Akademisyenler Derneği

TL Hesap No : 1104815-1

Cüzdan No : 011048150001000

86 – Fındıkzade Şube

IBAN NO: TR 9200 2060 0086 0110 4815 0001

======================================================

مەمتىلى تەۋپىق فوندى ئىئانە قۇبۇل قىلىش ئالاقە ئۇچۇرلىرى:

Uyghur Academy

Address: Şehrimeni Mah. Börekçi Veli Sok. No: 38/4  Fatih, Istanbul / TURKEY

  Mobile Phone: 05306677851, 05063845639

E-mail: uyghuracademy@gmail.com

 Web: www.akademiye.org

Uyghur Academy Facebook

بۇ يازما 1,273 قېتىم كۆرۈلدى.

Email this to someoneTweet about this on TwitterShare on LinkedIn0Print this pageShare on Facebook33Share on Google+0

ئاكادېمىيە ئورگان تورى ©

ئۈستىگە قايتىش