ئۇيغۇرچە    Uyghurche    Уйғурчә    Ortaq Türkçe   
  • 2017- يىلى 11- ۋە 12- نويابىردا ئىستانبۇلدىكى فاتىھ سۇلتان مەھمەت ۋەخپە ئۇنىۋېرسىتېتىنىڭ فاتىھتىكى مۇدىرىيەت بىناسىدا «ئۇيغۇر مەدەنىيىتى تەتقىقاتى» ئىلمىي مۇھاكىمە يىغىنى ئۆتكۈزۈلىدۇ. ۋاقتىدا
سىزنىڭ ئورنىڭىز: باشبەت » مەمتېلى تەۋپىق فوندى

مەمتېلى تەۋپىق فوندى

Email this to someoneTweet about this on TwitterShare on LinkedIn0Print this pageShare on Facebook33Share on Google+0

ئۇيغۇر ئاكادېمىيىسى مەمتېلى تەۋپىق فوندى

ئۇيغۇر ئاكادېمىيىسى تەۋپىق فوندىنىڭ قۇرۇلۇش مەقسىتى:

يېقىنقى بىر قانچە يىلدىن بۇيان، تۈركىيەگە ئۆز خىراجىتى بىلەن كېلىپ ئوقۇيدىغان ئۇيغۇر ئوقۇغۇچىلارنىڭ سانى كۆپىيىپ باردى. ئاخىرقى 10 ئايدىن بېرى تۈركىيەدە ئۆز خىراجىتى بىلەن ئوقۇۋاتقان ئۇيغۇر ئوقۇغۇچىلار ئائىلىسى بىلەن بولغان ئالاقىسى ئۈزۈلۈپ قالغانلىقتىن ئائىلىسىدىن ئىقتىسادىي ياردەم ئالالمايۋاتىدۇ. نەتىجىدە ئۆز خىراجىتى بىلەن ئوقۇۋاتقان خېلى كۆپ ئۇيغۇر ئوقۇغۇچىلار ئىقتىسادىي قىيىنچىلىق سەۋەبىدىن تۈركىيەدىكى ئوقۇشىنى داۋاملاشتۇرۇشتا قىينالماقتا.

تۈركىيەدە ئوقۇش پۇلىنى تۆلىيەلمىگەن، ياتاق ۋە تۇرمۇش راسخۇتىنى ھەل قىلالمىغان خېلى كۆپ ئۇيغۇر ئوقۇغۇچىلار مەۋجۇت. ھەتتا ئاپتۇبۇسقا چىققۇدەك ۋە تاماق يىگۈدەك پۇلى قالمىغان ئويغۇر ئوقۇغۇچىلارنىڭمۇ بارلىقى مەلۇم بولماقتا. تۈركىيە نوپۇسنىڭ كۆپلىكى ۋە ئىش تېپىشنىڭ قىيىنلىقى سەۋەبىدىن ئۇيغۇر ئوقۇغۇچىلار ئوقۇش ۋە تۇرمۇش راسخۇتلىرىنى ئۆز قابىلىيەتلىرىگە تايىنىپ ھەل قىلىشىمۇ قېيىن بولماقتا.

ئۇيغۇر ئاكادېمىيىسى دەل نامرات، ئەمما ئوقۇشتا ئەلاچى ئۇيغۇر ئوقۇغۇچىلارغا ياردەم قىلىش ئۈچۈن، مەمتىلى تەۋپىق فوندىنى 2012 – يىلىدىن باشلاپ رەسمىي تەسىس قىلدى.
مەمتىلى تەۋپىق فوندى ئىشلىتىلىش ساھەسى: ئوقۇشى ئەلا ئەمما ئائىلە ئىقتىسادى نامىرات بولغان ئۆز خىراجىتى بىلەن ئوقۇۋاتقان ئۇيغۇر ئالىي مەكتەپ ئوقۇغۇچىلىرى
مەمتىلى تەۋپىق فوندى ياردىمىگە ئېرىشىش شەرتى: ئوقۇشى ئەلا، ئەخلاقى ياخشى ۋە ئائىلە ئىقتىسادى نامىرات بولغان بولىشى.
ئەسكەرتىش: ئىلتىماس قىلغان ئۇيغۇر ئوقۇغۇچىلاردىن ئۇيغۇرلار ئۈچۈن مەلۇم بىر ساھەدە پايدىلىق بولغان ۋە ئۆزى ياخشى كۆرۈپ قىلالايدىغان ئىشلار ھەققىدىكى پىلان – لاھىيەسى ۋە ئۇنى ئۇرۇنلاش جەريانىنى ئوتتۇرىغا قويۇشى تەلەپ قىلىنىدۇ.

ئۇيغۇر ئاكادېمىيسى تەۋپىق فوندىغا ياردەم قىلغۇچىلار ئۆزلىرى تەلەپ قىلمىغۇچە كىملىكى ئاشكارىلانمايدۇ ۋە ئۇلارنىڭ بەرگەن ياردىمى نەگە قانچىلىك مىقداردا ئىشلىتىلگەنلىكى ھەر ۋاقىت ياردەم بەرگۈچىگە تەپسىلاتى ۋە ئىسپاتى بىلەن ۋاقتىدا بىلدۈرىلىدۇ.
ياردەم قىلىش ئىمكانى بولغان ئۇيغۇر قېرىنداشلىرىمىزنىڭ ئاكادېمىيە بىلەن ئالاقە قىلىشىنى ۋە ياردەمگە مۇھتاج ئۇيغۇر ئوقۇغۇچىلارنىڭ ئۈمىدىنى يەردە قويماسلىقىنى ئۈمىد قىلىمىز.
ھۆرمەت بىلەن: – ئۇيغۇر ئاكادېمىيىسى دائىمىي ھەيئەت كومىتېتى
ئۇيغۇر ئاكادېمىيىسى ئىئانە قۇبۇل قىلىش ئۇچۇرلىرى:

1. ئىئانە ۋە بانكا ھېسابى


تەۋپىق ئوقۇش مۇكاپاتى

ئۇيغۇر ئاكادېمىيىسى 2009–يىلى 9-سىنتەبىردە تۈركىيە دۆلىتىگە رەسمىي ئەنگە ئېلىنىپ قۇرۇلغان كۈنىدىن ئىتىبارەن ئۇيغۇرلارنىڭ تارىخى، مەدەنىيىتى، تىلى ۋە مائارىپى ھەققىدە كۆپلىگەن ئىلمىي خىزمەتلەرنى قىلىپ، ئۇيغۇر زىيالىلارنى ئۆز رولىنى ۋەتەن ئىچى – سىرتىدا ئاكتىپ جارى قىلدۇرۇشىغا ئۈندەپ، مىللىتىمىزنى غەپلەت ئۇيقۇسىدىن ئويغۇتۇش ۋە ئۇيغۇر مىللىي روھىنى كۈچلەندۈرۈش ئۈچۈن قۇربىنىڭ يېتىشىچە خالىس خىزمەت قىلىپ كەلمەكتە.

ئۇيغۇر ئاكادېمىيىسى، ئۇيغۇرلارنىڭ مىللىي مەنپەئەتىنى شەخسى مەنپەئەتىدىن ئۈستۈن كۆرۈدىغان ياراملىق ئىختىساس ئىگىللىرىنىڭ يېتىشىپ چىقىشى ئۈچۈن ئادەم تەربىيەلەپ يېتىشتۈرۈشتىن ئىبارەت قېيىن، ئۇزۇن مەزگىللىك، مۈشكۈل ۋە مۇقەددەس ۋەزىپىنى ئاساسلىق خىزمەتلىرىدىن بىرسى سۈپتىدە قىلىپ كەلمەكتە.

مەمتىلى تەۋپىقنىڭ مائارىپ مەشئىلىنى تۈركىيەدە ياندۇرۇش مەقسىتىدە، مۇھاجىرەتتىكى بىر قانچە مەرىپەتپەرۋەر ئۇيغۇرنىڭ ياردىمى بىلەن 2014–يىلىدىن باشلاپ تۈركىيەدىكى ئوقۇشتا ئەلا ۋە مىللىي روھى كۈچلۈك بولغان ئۆز خىراجىتى بىلەن ئوقۇۋاتقان ئۇيغۇر ئوقۇغۇچىلار ئۈچۈن ئاكادېمىيە تەرىپىدىن «تەۋپىق ئوقۇش مۇكاپاتى» تەسىس قىلىنغان ئىدى. بۇ مۇناسىۋەت بىلەن، 2014-، 2015– ۋە 2016- ئوقۇش يىللىرىدا ئوقۇش نەتىجىسى ئالاھىدە ياخشى، ئەمما ئوقۇش ياردەم پۇلىغا ئىھتىياجلىق ئۆز خىراجىتى بىلەن تۈركىيەدە ئوقۇۋاتقان ئۈچ باكلاۋۇر، 17 ماگىستىر ۋە توققۇز دوكتۇر ئوقۇغۇچىسى بولۇپ جەمىئىي 29 ئۇيغۇر ئوقۇغۇچىغا ئوقۇش مەۋسۇملىرىدا تەۋپىق ئوقۇش مۇكاپاتى تارقىتىپ بېرىلدى.

تەۋپىق ئوقۇش مۇكاپاتى ئۈچۈن 2014–يىلىدىن بۇيان ھەر يىلى 10 مىڭ دوللار تەسىس قىلىنغان بولۇپ، يىلدا 10 ئەتراپىدا ئۇيغۇر ئوقۇغۇچى ئوقۇش مۇكاپاتىغا ئېرىشتى ۋە بۇ ئوقۇغۇچىلار ئوقۇش مەۋسۇمى بويىچە يىلدا 8 ئاي ئوقۇش مۇكاپاتى ئالدى. بۇ ئۈچ يىلدا تارقىتىلغان تەۋپىق ئوقۇش مۇكاپات سوممىسى 30 مىڭ ئامىرىكا دوللىرى بولدى.

يېقىنقى بىر قانچە يىلدىن بۇيان، تۈركىيەگە ئۆز خىراجىتى بىلەن كېلىپ ئوقۇيدىغان ئۇيغۇر ئوقۇغۇچىلارنىڭ سانى كۆپىيىپ باردى. ئاخىرقى 10 ئايدىن بېرى تۈركىيەدە ئۆز خىراجىتى بىلەن ئوقۇۋاتقان ئۇيغۇر ئوقۇغۇچىلار ئائىلىسى بىلەن بولغان ئالاقىسى ئۈزۈلۈپ قالغانلىقتىن ئائىلىسىدىن ئىقتىسادىي ياردەم ئالالمايۋاتىدۇ. نەتىجىدە ئۆز خىراجىتى بىلەن ئوقۇۋاتقان خېلى كۆپ ئۇيغۇر ئوقۇغۇچىلار ئىقتىسادىي قىيىنچىلىق سەۋەبىدىن تۈركىيەدىكى ئوقۇشىنى داۋاملاشتۇرۇشتا قىينالماقتا.

تۈركىيەدە ئوقۇش پۇلىنى تۆلىيەلمىگەن، ياتاق ۋە تۇرمۇش راسخۇتىنى ھەل قىلالمىغان خېلى كۆپ ئۇيغۇر ئوقۇغۇچىلار مەۋجۇت. ھەتتا ئاپتۇبۇسقا چىققۇدەك ۋە تاماق يىگۈدەك پۇلى قالمىغان ئويغۇر ئوقۇغۇچىلارنىڭمۇ بارلىقى مەلۇم بولماقتا. تۈركىيە نوپۇسنىڭ كۆپلىكى ۋە ئىش تېپىشنىڭ قىيىنلىقى سەۋەبىدىن ئۇيغۇر ئوقۇغۇچىلار ئوقۇش ۋە تۇرمۇش راسخۇتلىرىنى ئۆز قابىلىيەتلىرىگە تايىنىپ ھەل قىلىشىمۇ قېيىن بولماقتا.

تۈركىيەدە ئۆز خىراجىتى بىلەن ئوقۇۋاتقان ئۇيغۇر ئوقۇغۇچىلارنىڭ ماددىي قىيىنچىلىقىنى ھەل قىلىش ئۈچۈن، 2018-2017 ئوقۇش يىلىدا تەۋپىق ئوقۇش مۇكاپاتىنىڭ سوممىسىنى كۆپەيتىپ، تېخىمۇ كۆپ ئۇيغۇر ئوقۇغۇچىلارغا تەۋپىق ئوقۇش مۇكاپاتى ھەل قىلىش ئاكادېمىيەنىڭ نۆۋەتتىكى جىددى ئىشلەشكە تېگىشلىك خىزمەتلەرنىڭ بىرى بولىۋاتىدۇ.

ئاكادېمىيە مالىيەسىدە قولدىن ماددىي ياردەم مۇمكىن قەدەر قوبۇل قىلىنماي، پۈتۈن كىرىم چىقىم بانكا ھېساباتى ئارقىلىق ئېلىپ بېرىلىپ، مالىيە نازارەتچىلىكى جەھەتتىن قېلىپلاشقان بولغاچقا، قۇرۇلغان كۈنىدىن باشلاپ ھازىرغىچە مالىيەدە ھىچبىر مەسىلە كۆرۈلمىدى.

نەتىجە ئىتىبارى بىلەن، 2018-2017 ئوقۇش يىلى ئۈچۈن تەۋپىق ئوقۇش مۇكاپاتىنىڭ سوممىسىنى ئاشۇرۇپ، تېخىمۇ كۆپ ئۆز خىراجىتى بىلەن تۈركىيەدە ئوقۇۋاتقان ئۇيغۇر ئوقۇغۇچىلارنىڭ ئوقۇشىنى ئوڭۇشلۇق داۋاملاشتۇرۇشىغا ياردەم قىلىش تولىمۇ زۆرۈر بولماقتا.

شۇڭا ھەرقايسى دۆلەتلەردىكى مەرىپەتپەرۋەر ئۇيغۇر قېرىنداشلىرىمىزنىڭ ئۇيغۇر ئاكادېمىيسى تەسىس قىلغان مەمتىلى تەۋپىق فوندىغا تۆۋەندىكى ئىككى خىل شەكىلدىن قايسىسنى مۇۋاپىق كۆرسە ياردەم قىلىپ، تۈركىيەدە ئۆز خىراجىتى بىلەن ئوقۇۋاتقان ئۇيغۇر ئوقۇغۇچىلارنىڭ تەۋپىق ئوقۇش مۇكاپاتى ئېلىپ خاتىرىجەم ئوقۇشىنى داۋاملاشتۇرۇشىغا مۇمكىن قەدەر ياردەم قىلىشىنى ئۈمىد قىلىمىز. ھۆرمەت بىلەن:

– ئاكادېمىيە دائىمىي ھەيئەت كومىتېتى، 2017-يىلى 23-ئۆكتەبىر، تۈركىيە

ئۇيغۇر ئاكادېمىيىسى مەرىپەتپەرۋەر ئۇيغۇرلارنىڭ ياردىمى بىلەن، 2017 – 2016 ئوقۇش يىلىدا، ئۇيغۇر ئالىي مەكتەپ ئوقۇغۇچىلار ئۈچۈن «تەۋپىق ئوقۇش مۇكاپاتى» نى داۋاملاشتۇرىدىغان بولۇپ، ئىلتىماس قىلغۇچىلارنىڭ ئاساسلىق شەرتلىرى تۆۋەندىكىدەك:
1) چوقۇم تۈركىيەنىڭ مەلۇم بىر ئالىي مەكتىپىدە ئۆز خىراجىتى بىلەن باكلاۋۇرلۇق، ماگېستىرلىق ۋە دوكتۇرلۇقتا ئوقۇۋاتقان بولىشى
2) ھەرقانداق بىر دۆلەت ئورگانىدىن ئوقۇش مۇكاپاتى ياكى ئوقۇش ياردەم پۇلى ئالمىغان بولىشى
3) مەكتەپتىكى دەرسلەردە ئەلا نەتىجە قازىنىشنى نىشان قىلىپلا قالماي، بەلكى ئىجتىمائىي پائالىيەتلەردە ئويغۇر ئوقۇغۇچىلارغا ئۈلگىلىك ئىش ۋە ھەرىكەتلەردە بولىشى تەلەپ قىلىنىدۇ.
يۇقارقى شەرتلەرنى ھازىرلىغان ئۇيغۇر ئوقۇغۇچىلار تۆۋەندىكى ماتېرىياللار بىلەن بىۋاستە ئۇيغۇر ئاكادېمىيىسىگە ئېلخەت ئارقىلىق ئىلتىماس قىلىشى كىرەك:
1. ئۇيغۇر ئوقۇغۇچىلار ئۈچۈن «تەۋپىق ئوقۇش مۇكاپاتى» ئىلتىماس جەدېۋىلى Tevfik Bursu Başvuru Formu
2. ئوقۇشىنى داۋاملاشتۇرۋاتقانلىقى ھەققىدىكى ئىسپات (Öğrenci Belgesi)
3. مەكتەپتىكى دەرس نەتىجىسى (ئەڭ يېڭى نۇسخىسى)
4. پاسپورت كۆپەيتىلمە نۇسخىسى
5. ئىقامەت كۆپەيتىلمە نۇسخىسى
6. قىسقىچە تەرجىمىھالى
7. تۈركىيەدە ئوقۇش مەقسىدى، ئوقۇش – تەتقىقات نىشانى ۋە ئوقۇش پۈتتۈرگەندىن كېيىنكى پىلان-لاھىيەسى ھەققىدە كۆز قاراشلىرى (نىيەت مەكتۇبى)
8. ئىككى پارچە تەۋسىيە خېتى (تەۋسىيە خېتىنىڭ بىرسى چوقۇم يىتەكچى ئوقۇتقۇچى، يەنە بىرسى جەمئىيەتتە ئۆز كەسپىدە نەتىجە قازانغان مەلۇم ئۇيغۇر تەرىپىدىن بېرىلگەن بولىشى كىرەك.)
9. ئەگەر بولسا، ئوقۇش ۋە خىزمەت ھاياتىدا قولغا كەلتۈرگەن نەتىجە ۋە ئالغان مۇكاپاتلىرى (چەتئەل تىلى ئىمتىھان نەتىجىلىرى، كومپىيوتېر قابىلىيىتى كېنىشكىسى، يازغان ئەسەرلىرى ۋە باشقا ئالغان مۇكاپاتلىرى)
10. ھىچقانداق بىر دۆلەت ئورگانلىرىدىن ئوقۇش مۇكاپاتى ياكى ئوقۇش ياردەم پۇلى ئالمىغانلىق ھەققىدە ئەھدىنامە.

تەۋپىق ئوقۇش مۇكاپاتى بىۋاستە ياردەم تۈرىدە ئايلىق مۇكاپات سوممىسى:

دوكتۇر ئوقۇغۇچىلىرى ئۈچۈن ھەر ئاي تەخمىنەن 200 دوللار (تەخمىنەن 700 تۈرك لىراسى)
ماگېستىر ئوقۇغۇچىلىرى ئۈچۈن ھەر ئاي تەخمىنەن 150 دوللار (تەخمىنەن 525 تۈرك لىراسى)
باكلاۋۇر ئوقۇغۇچىلىرى ئۈچۈن ھەر ئاي تەخمىنەن 100 دوللار (تەخمىنەن 350 تۈرك لىراسى)

تەۋپىق ئوقۇش مۇكاپاتى ۋاستىلىك ياردەم تۈرى ئايلىق مۇكاپات سوممىسى:

دوكتۇر ئوقۇغۇچىلىرى 500 لىرا
ماگېستىر ئوقۇغۇچىلىرى 400 لىرا
باكلاۋۇر ئوقۇغۇچىلىرى 300 لىرا

بىۋاستە ۋە ۋاستىلىك تەۋپىق ئوقۇش مۇكاپاتى مۇددىتى: يىلدا ئەڭ ئاز 8 ئاي

2017–2016 ئوقۇش يىلى «تەۋپىق ئوقۇش مۇكاپاتى» ئالغان ئۇيغۇر ئوقۇغۇچىلار كېيىنكى يىلى ئۆز ئەمەلىي ئەھۋالى ۋە قولغا كەلتۈرگەن نەتىجىلىرىگە ئاساسەن قايتا ئىلتىماس قىلسا بولىدۇ.
ئىلتىماس قۇبۇل قىلىش ئاخىرقى ۋاقتى: 2017 – يىلى 11 – ئاينىڭ 7 – كۈنىگىچە
يۈز تۇرانە ئىمتىھان ۋاقتى: 2017 – يىلى 11 – ئاينىڭ 13 – كۈنى چۈشتىن كېيىن سائەت 2:00 دىن 6:00 گىچە
تەۋپىق ئوقۇش مۇكاپاتى ئېلتىماس قوبۇل قىلىش ئېلخېتى: memtilitewpiq@gmail.com
يانفۇن: 05306677851

– ئۇيغۇر ئاكادېمىيىسى تەۋپىق ئوقۇش مۇكاپاتى باھالاش كومىتېتى

تەۋپىق ئوقۇش مۇكاپاتى ئىستاتىسكىسى

يىل        ماگېستىر      دوكتۇر       باكلاۋۇر

2014        5             2              –

2015        8             2              –

2016        4             5              3

جەمىئىي     17           9              3

2014-، 2015 – ۋە 2016- يىللىرىدا ئوقۇش نەتىجىسى ئالاھىدە ياخشى، ئەمما ئوقۇش ياردەم پۇلىغا ئىھتىياجلىق بولغان 3 باكلاۋۇر، 17 ماگىستىر ۋە 9 دوكتۇر ئوقۇغۇچىسى بولۇپ، جەمىئىي 29 ئوقۇغۇچىغا تەۋپىق ئوقۇش مۇكاپاتى بېرىلدى.

تەۋپىق ئوقۇش مۇكاپاتى ئوقۇش ياردەم تۈرى تۆۋەندىكىدەك ئىككى شەكىلدە ئېلىپ بېرىلىدۇ:

1) بىۋاستە ياردەم تۈرى

بىر ئائىلە ياكى بىر قانچە ئائىلە بىرلىشىپ بىر ئوقۇغۇچىنى يىللىق ئوقۇش ياردىمى بىلەن تەمىنلەش تۈرى

مۇھاجىرەتتىكى ئىقتىسادى ياخشى بولغان ئۇيغۇرلار ئىچىدىن بىر ئائىلە ياكى بىر قانچە ئائىلە بىرلىشىپ ئالىي مەكتەپتە ئوقۇۋاتقان بىر ئۇيغۇر باكلاۋۇر، ماگېستىر ياكى دوكتور ئوقۇغۇچىسىنى ئوقۇتۇشتا يىللىق ياردەمدە بولۇشى ئالاھىدە تەۋسىيە قىلىنىدۇ. يىلدا بېرىلىدىغان ئوقۇش ياردەم مۇددىتى مۇمكىن بولسا 12 ئاي، بولمىسا ئەڭ ئاز دېگەندىمۇ 8 ئاي ياردەم بېرىلىسە، بىر ئوقۇغۇچىنىڭ ئەڭ تۆۋەن ئوقۇش ۋە تۇرمۇشىغا كاپالەتلىك قىلغىلى بولىدۇ.

بۇ بىۋاستە ياردەم تۈرىدە، ئوقۇش ياردىمىگە ئېھتىياجى بولغان ئوقۇغۇچىلارنىڭ كېرەكلىك زۆرۈر ماتېرىياللىرى بىلەن ئالاقە ئۇچۇرلىرىنى ئۇيغۇر ئاكادېمىيىسى ياردەم قىلىشنى خالايدىغان ئۇيغۇر ئائىلىلەرگە تەمىنلەپ بېرىدۇ. بۇنىڭلىق بىلەن ياردەم قىلغۇچى ئائىلە بىلەن ياردەمگە مۇھتاج ئۇيغۇر ئوقۇغۇچى بىۋاستە ئۇچرۇشالايدۇ ۋە كېرەكلىك ياردەم دەل جايىغا بارغان بولىدۇ.

ئەسكەرتىش: بىۋاستە ياردەم تۈرىدە ياردەم بەرگۈچى ئائىلە بىلەن ياردەمگە ئالغۇچى ئوقۇغۇچى ئارىسىدىكى ئالاقە ۋە ياردەم يەتكۈزۈلۈش ئەھۋالىغا ئاكادېمىيە ئۆزى نازارەتچىلىك قىلىدۇ. ياردەم قىلغۇچى ئائىلىلەر ئوقۇغۇچىدىن ئوقۇش ئىسپاتى، دەرس نەتىجىسى ۋە تېلىفۇن نۇمۇرىدىن باشقا ئارتۇق ئۇچۇر تەلەپ قىلماسلىقى ۋە ياردەم يەتكۈزگەندە ئارتۇق تەلەپلەردە بولماسلىقى ئالاھىدە ئەسكەرتىلىدۇ. ياردەم ئالغۇچى ئوقۇغۇچى بۇ جەرياندا ھەرقانداق بىنۇرمال ئەھۋالدىن ئاكادېمىيەنى خەۋەردار قىلىشى زۆرۈر.

بىر ئائىلە ياكى بىر قانچە ئائىلە بىرلىشىپ بىر ئوقۇغۇچى ئوقۇتۇش تۈرىدە تۈركىيەدىكى ئۇيغۇر ئوقۇغۇچىلارغا مۇۋاپىق كۆرۈلگەن ئايدا بېرىلىدىغان ئوقۇش ياردىمى ئۆلچىمى تۆۋەندىكىچە:

تەۋپىق ئوقۇش مۇكاپاتى بىۋاستە ياردەم تۈرىدە ئايلىق مۇكاپات سوممىسى:
دوكتۇر ئوقۇغۇچىلىرى ئۈچۈن ھەر ئاي تەخمىنەن 200 دوللار (تەخمىنەن 700 تۈرك لىراسى)
ماگېستىر ئوقۇغۇچىلىرى ئۈچۈن ھەر ئاي تەخمىنەن 150 دوللار (تەخمىنەن 525 تۈرك لىراسى)
باكلاۋۇر ئوقۇغۇچىلىرى ئۈچۈن ھەر ئاي تەخمىنەن 100 دوللار (تەخمىنەن 350 تۈرك لىراسى)

ئەسكەرتىش: ئوقۇغۇچىلارغا ياردەم قىلغۇچى ئۇيغۇر ئائىلەلەر ئۆزلىرىنىڭ ئەمەلىي ئىقتىسادى ئەھۋالىغا ئاساسەن يۇقارىقى ياردەم مىقدارىنى ئاشۇرسا بولىدۇ.

ئۇيغۇر ئاكادېمىيىسى ئالاقە ئۇچۇرلىرى

Uyghur Academy

 Mobile Phone: +905306677851, +905063845639 يانفۇن

 E-mail: uyghuracademy@gmail.com ئېلخەت

Web: www.akademiye.org ئورگان تورى

 Address: Şehrimeni Mah. Börekçi Veli Sok. No: 38/4  Fatih, Istanbul / TURKEY ئادرىس

2) ۋاستىلىك ياردەم تۈرى

ھەر ئاي داۋاملىق بىر ئۇيغۇر ئوقۇغۇچىنى ئوقۇتۇشقا ئىقتىسادى يار بەرمىگەن ئۇيغۇرلار ئۆزلىرى خالىغان مىقداردا تەۋپىق ئوقۇش مۇكاپاتىغا ياردەمدە بولسا بولىدۇ. ئۇيغۇر ئاكادېمىيىسى تەۋپىق ئوقۇش مۇكاپاتى ئۈچۈن مەخسۇس ئايرىم بانكا ھېسابى تۇرغۇزغان بولۇپ، ئاكادېمىيەنىڭ باشقا پائالىيەت چىقىملىرى ئۈچۈن بۇ ھېساب قەتئىي ئىشلىتىلمەيدۇ. ياردەم بەرگۈچىلەرگە تەۋپىق ئوقۇش مۇكاپاتى تارقىتىلىش ئەھۋالىدىن دەلىل ئىسپاتلىرى بىلەن دوكىلات بېرىلىدۇ.

تەۋپىق ئوقۇش مۇكاپاتى ۋاستىلىك ياردەم تۈرىدە ئايلىق مۇكاپات سوممىسى:
دوكتۇر ئوقۇغۇچىلىرى 500 لىرا
ماگېستىر ئوقۇغۇچىلىرى 400 لىرا
باكلاۋۇر ئوقۇغۇچىلىرى 300 لىرا

مۇكاپات مۇددىتى: 8 ئاي (كۈز ۋە باھار ئوقۇش مەۋسۇمى)

ئۇيغۇر ئاكادېمىيىسى مەمتىلى تەۋپىق فوندى ئىئانە بانكا ھىسابى ئۇچۇرلىرى

(تۈركىيە فىنانس بانكىسى) Türkiye Finans Katılım Bankası

Hesap Sahibi: Uluslararası Uygur Akademisyenler Derneği

TL Hesap No: 1104815-1 (تۈرك لىراسى ھىسابى)

86 – Fındıkzade Şube

IBAN NO: TR92 0020 6000 8601 1048 1500 01

USD Hesap No: 1104815-101 (ئامېرىكا دوللىرى ھىسابى)

IBAN NO: TR11 0020 6000 8601 1048 1501 01

Euro Hesap No: 1104815-102 (ياۋرو ھىسابى)

IBAN NO: TR81 0020 6000 8601 1048 1501 02


Email this to someoneTweet about this on TwitterShare on LinkedIn0Print this pageShare on Facebook33Share on Google+0

ئاكادېمىيە ئورگان تورى ©

ئۈستىگە قايتىش