ئۇيغۇرچە    Uyghurche    Уйғурчә   
  • 2018 - يىلى 27 - ئۆكتەبىر يەكشەنبە كۈنى سائەت 2:00 دە ئىستانبۇلدا «خىتاينىڭ جازا لاگىرلىرىدىكى شەرقىي تۈركىستانلىقلارنىڭ ئاقىۋىتى مۇھاكىمە يىغىنى» ئۆتكۈزۈلدى. ...
سىزنىڭ ئورنىڭىز: باشبەت » ئاكادېمىيە ھەققىدە

ئاكادېمىيە ھەققىدە

ئۇيغۇر ئاكادېمىيىسى 2009- يىلى 9- ئاينىڭ 9- كۈنى ئىستانبۇلدا ئوقۇ-ئوقۇتۇش ۋە ئىلمىي تەتقىقات بىلەن شۇغۇللىنىۋاتقان توققۇز ئۇيغۇر زىيالىسى تەرىپىدىن قۇرۇلغان، تۈركىيە دۆلىتى تەرىپىدىن تەستىقلىنىپ رەسمىي ئەنگە ئېلىنغان، ھەم شۇنداقلا، دۇنيانىڭ ئوخشىمىغان دۆلەت ۋە رايۇنلىرىدا ئىشلەۋاتقان ئۇيغۇر پەن-تەتقىقاتچى، ئەدىب ۋە مۇتەخەسىسلەر بىلەن ئوقۇۋاتقان ئۇيغۇر ئوقۇغۇچىلار بولۇپ يۈزلەرچە ئۇيغۇر زىيالىلىرىدىن تەشكىل تاپقان پىداكار ئەزالىرى بىلەن بىرلىكتە ئاساسلىق ئۇيغۇر پەن – مائارىپىنىڭ تەرەققىياتى، ئۇيغۇر مىللىي روھىنىڭ ئويغىنىشى ۋە ئۇيغۇر ئىختىساسلىق خادىملىرىنىڭ يېتىشىپ چىقىشى ئۈچۈن خىزمەت قىلىدىغان قانۇنلۇق بىر ئىلمىي تەتقىقات جەمىئىيىتىدۇر.

ئاكادېمىيەنىڭ بۇرچى

ئۇيغۇر زىيالىلارنىڭ ئۆز ئارا ھەمكارلىقىنى ئەمەلگە ئاشۇرۇشىغا تۈرتكە بولۇپ، ئۇيغۇر مىللىي روھىنى ئويغۇتۇش ۋە مىللىي كىملىكىنى قوغداش بىلەن بىرلىكتە، ئۇيغۇرلار ئىھتىياجلىق مۇھىم ساھەلەردە ئىختىساسلىق خادىملارنىڭ يېتىشىپ چىقىشى ئۈچۈن خىزمەت قىلىش

ئاكادېمىيەنىڭ نىشانى

يۈسۈپ خاس ھاجىب تەتقىقات ئېنىستىتوتى قۇرۇپ، ئۇيغۇرلارنىڭ مىللىي مەنپەئەتىنى ئۈچۈن ياراملىق ئادەم يېتىشتۈرۈش

ئاكادېمىيە تەشكىلىي قۇرۇلمىسى

ئۇيغۇر ئاكادېمىيسى قۇرۇلغاندىن بېرى، تۈركىيە، ياۋروپا، ئامېرىكا، ياپونىيە، ئاۋىستىرالىيە ۋە ئۇيغۇر دىيارىدىن بۇلۇپ، جەمئىي 20 دۆلەتتىن يۈزلەرچە ئۇيغۇر زىيالىلىرىنىڭ ئۇيغۇر ئاكادېمىكلار كېڭىشى ئەزاسى، ئاكادېمىيە ئەزاسى، ئاكادېمىيە كاندىدات ئەزاسى ۋە ئاكادېمىيە ۋەكىلى بولۇپ كىرىشى بىلەن ئۇيغۇرلارنىڭ پەن-مائارىپى ۋە مىللىي ئېڭىنىڭ يۈكسىلىشى ئۈچۈن خىزمەت قىلىدىغان ئىلمىي بىر جەمىئىيەتكە ئايلاندى.

2010 – يىلى 5- ئاينىڭ 8 – كۈنى، 2012- يىلى 11- ئاينىڭ 18- كۈنى، 2015 – يىلى 8- ئاينىڭ 23 – كۈن ۋە 2018 – يىلى 8- ئاينىڭ 24 – كۈنلىرىدە، ئىستانبۇلدا چاقىرىلغان تۆت قېتىملىق ئۇيغۇر ئاكادېمىيىسى دېمۇگراتىك يۈشۈرۈن ئاۋازدا ئېلىپ بېرىلغان ئومۇمىي سايلاملىرى ئارقىلىق، ئۇيغۇر ئاكادېمىيىسى تەشكىلىي قۇرۇلمىسىدىكى كەم تەرەپلەر تۇلۇقلىنىپ ۋە مۇكەممەللىشىپ، بۈگۈنكىدەك مۇھاجىرەتتە تەسىرى كۈچلۈك ۋە تەشكىلىي خىزمەتلىرى سىستېمىلاشقان بىر «ئۇيغۇر ئاكادېمىكلار جەمىئىيىتى» – ئۇيغۇر ئاكادېمىيىسى بارلىققا كەلدى.

ئۇيغۇر ئاكادېمىكلار كېڭىشى

مۇھاجىرەتتىكى ئۇيغۇر زىيالىلار ئىچىدىن ئەڭ تۆۋەن بولغاندا دوكتۇرلۇق ئۇنۋانى ئالغان سەرخىل 27 كىشىدىن تەركىپ تاپقان ئۇيغۇر ئاكادېمىيىسىنىڭ ئومۇرۇتقىسى – «ئۇيغۇر ئاكادېمىكلار كېڭىشى» 2017 – يىلى 11 – نويابىر ئىتىبارى بىلەن رەسمىي قۇرۇلدى. ھازىر «ئۇيغۇر ئاكادېمىكلار كېڭىشى» ئەزالىرى 33 ئاكادېمىك تەتقىقاتچىغا يەتتى.

ئۇيغۇر ئاكادېمىكلار كېڭىشى رەئىسى

دوكتور رىشات ئابباس بورھان

ئۇيغۇر ئاكادېمىكلار كېڭىشى دانىشمەنلىرى

دوكتور ئەركىن سىدىق، دوكتور شۆھرەت مۇتەللىپ ۋە پروفېسسور دوكتور ئالىمجان ئىنايەت

ئۇيغۇر ئاكادېمىكلار كېڭىشى ئىجرائىيە رەئىسى

ئابدۇلھەمىد قاراخان

ئۇيغۇر ئاكادېمىكلار كېڭىشى ئەزالىرىنىڭ ھوقۇقى ۋە مەجبۇرىيەتلىرى

1. ئۇيغۇر ئاكادېمىيىسىنىڭ مۇھىم قارار ۋە پائالىيەتلىرى ئۇيغۇر ئاكادېمىكلار كېڭىشىدە مەسلىھەت قىلىنىدۇ.

2. ئاكادېمىكلار كېڭىشى ئەزالىرى ئۆزلىرى تۇرۇشلۇق دۆلەت ۋە رايۇنلاردا ئۇيغۇر زىيالىلار ئارىسىدىكى ھەمكارلىقنى كۈچەيتىش ئارقىلىق، ئاكادېمىيەگە ۋاكالىتەن ئىلمىي پائالىيەتلەرنى تەشكىللەشكە يىتەكچىلىك قىلىدۇ.

3. ئاكادېمىكلار كېڭىشى ئەزالىرى ئۆزلىرى تۇرۇشلۇق دۆلەت ۋە رايۇنلاردا ئۇيغۇر ئوقۇغۇچىلار بىلەن مۇناسىۋەت ئورنىتىش ئارقىلىق، ئۇيغۇرلار ئۈچۈن مۇھىم ساھەلەردە نوقتىلىق ئادەم يېتىشتۈرۈشكە يىتەكچىلىك قىلىدۇ.

4. ئاكادېمىكلار كېڭىشى ئەزالىرى ھەر ئۈچ يىلدا بىر قېتىم ئېلىپ بېرىلىدىغان ئۇيغۇر ئاكادېمىيسى ئومۇمىي سايلىمىغا يىتەكچىلىك قىلىدۇ. بۇ جەرياندا، ئائىلىچە بىر ھەپتىلىك كېڭەش كامپىغا  قېتىلىپ، ئاكادېمىيەنىڭ ئۆتمۈشتىكى ئۈچ يىللىق خىزمەتلىرىنى كۆزدىن كەچۈرىدۇ ۋە كەلگۈسى ئۈچ يىللىق پائالىيەت ۋە خىزمەت لاھىيەسىنى تۈزۈپ چىقىشقا مەسئۇل بولىدۇ.

5. ئاكادېمىكلار كېڭىشى ئەزالىرى ئۆزلىرى تۇرۇشلۇق دۆلەت ۋە رايۇنلارنىڭ ئىقتىسادى ئەھۋالىغا ئاساسەن، يىللىق كېڭەش ئەزالىق بەدەل پۇلى تۆلەيدۇ. بۇ بەدەل پۇلى ئاكادېمىيەنىڭ ئىدارى ئىشلىرى ۋە ئىلمىي پائالىيەتلىرىدە ئىشلىتىلىدۇ.

ئۇيغۇر ئاكادېمىكلار كېڭىشى ئەزالىقى

ئاكادېمىيە، مىللەتنىڭ قۇدرەت تېپىش ئۈچۈن كۈچ قوشۇشنى خالايدىغان ۋە ئەڭ تۆۋەن بولغاندىمۇ دوكتورلۇق ئۇنۋانىنى ئالغان ئۇيغۇر زىيالىلارنىڭ «ئۇيغۇر ئاكادېمىكلار كېڭىشى» گە ئەزا بولۇپ كىرىشىنى تەۋسىيە قىلىدۇ. شەرتى توشقان ئۇيغۇر زىيالىلار تۆۋەندىكى ئۇيغۇر ئاكادېمىكلار كېڭىشى ئەزالىق جەدۋىلىنى تولدۇرۇپ ئاكادېمىيە ئېلخېتىگە يوللاپ بەرسە بولىدۇ.

ئۇيغۇر ئاكادېمىكلار كېڭىشى ئەزالىق جەدىۋېلى Word

ئاكادېمىيە ئېلخەت ئادرىسى: uyghurakademy@gmail.com

ئۇيغۇر ئاكادېمىيىسى ئامېرىكا تارمىقى

ئۇيغۇر ئاكادېمىيىسى ئامېرىكا، ياۋرۇپا، ئوتتۇرا ئاسىيا، ياپۇنىيە ۋە ئاۋىسترالىيە قاتارلىق دۆلەت ۋە رايۇنلاردا ئاكادېمىيەنىڭ تارماقلىرىنى قۇرۇپ، ئۇيغۇرلار ئىچىدىكى ئاۋانگارت زىيالىيلار ۋە ئوقۇغۇچىلار بىلەن بىرلىكتە مىللەت ئالدىدىكى بۇرچىمىزنى ئادا قىلىپ، مىللىتىمىزنىڭ بۇ ئېغىر مۇسىبەت كۈنلىرىدىن تىزرەك قۇتۇلۇشى ئۈچۈن خىزمەت قىلىدۇ.

ئامېرىكا ۋە ياۋرۇپادىكى ئۇيغۇر زىيالىيلارنىڭ يېقىنقى بىر قانچە يىللىق تىرىشچانلىقى نەتىجىسىدە، ئۇيغۇر ئاكادېمىيىسى ئامېرىكا تارمىقىنىڭ قۇرۇلۇشى ئارزۇدىن رىئاللىققا ئايلاندى.

2018 – يىلى 20 – ماي يەكشەنبە كۈنى كەچ سائەت 6:00 دە، ئامېرىكىنىڭ پايتەختى ۋاشىڭگتوندىكى ئۇيغۇر ئانا تىل مەكتىپىدە ئۆتكۈزۈلگەن «ئۇيغۇر ئاكادېمىيىسى ئامېرىكا تارمىقى» نىڭ قۇرۇلۇش يىغىنىدا، قۇرغۇچى ھەيئەتلەر ئارسىدا ئېلىپ بېرىلغان يۇشۇرۇن ئاۋازلىق سايلامدا، دوكتور ئەركىن ئابلېز يۇقۇرى ئاۋاز بىلەن «ئۇيغۇر ئاكادېمىيىسى ئامېرىكا تارمىقى» نىڭ رەئىسلىكىگە سايلاندى. نىزامنامىگە ئاساسەن، يۇشۇرۇن ئاۋازلىق دېمۇگراتىك ئۇسۇلدا ئېلىپ بېرىلغان سايلامدا سايلانغان رەئىس دوكتور ئەركىن ئابلېز نەخ مەيداندا ئۆزى بىلەن بىرگە 9 كىشلىك قۇرغۇچى دائىمىي ھەيئەتنى تاللاپ ۋەزىپىگە تەيىنلىدى.

2018 – يىلى 25 – ماي جۈمە كۈنى جورج ۋاشىڭگتون ئۇنىۋېرسىتېتىدا «ئۇيغۇر ئاكادېمىيىسى ئامېرىكا تارمىقى» نىڭ قۇرۇلۇش مۇراسىمى ئۆتكۈزۈلدى.

ياۋرۇپا دۆلەتلىرىدە ئوقۇش ۋە تەتقىقات بىلەن شۇغۇللىنىۋاتقان ھەم شۇنداقلا ۋەتەن – مىللەت تەقدىرى ئۈسىتىدە ئىزدىنىۋاتقان ئۇيغۇر زىيالىيلارنىڭ تىرىشچانلىقى نەتىجىسىدە، 2018-يىلى 11-ئاينىڭ 10-كۈنى شەنبە چۈشتىن كېيىن سائەت 3:30 دا مىيۇنخىندا ”ئۇيغۇر ئاكادېمىيىسى ياۋرۇپا تارمىقى“ رەسمىي قۇرۇلدى.

د ۇ ق ساھىپخانىلىقىدا ئېلىپ بېرىلغان ”شەرقىي تۈركىستان مىللىي كېڭىشى“ تۈگىشىگە ئۇلىنىپلا، مىيۇنخىندىكى تۈركىيە دىيانەت ئىسلام مەدەنىيەت مەركىزىدە «ئۇيغۇر ئاكادېمىيىسى ياۋرۇپا تارمىقى» نىڭ قۇرۇلۇش مۇراسىمى ئۆتكۈزۈلدى. ئاكادېمىيە ياۋرۇپا تارمىقىدا قۇرغۇچى ھەيئەت بولۇپ ۋەزىپە ئالىدىغان ئاكادېمىيە ئەزالىرى ئارسىدا ئېلىپ بېرىلغان يۇشۇرۇن ئاۋازلىق سايلامدا، شىۋىتسارىيەدىن دوكتور ئابدۇشۈكۈر ئابدۇرېشىت يۇقۇرى ئاۋاز بىلەن «ئۇيغۇر ئاكادېمىيىسى ياۋرۇپا تارمىقى» نىڭ رەئىسلىكىگە سايلاندى. نىزامنامىگە ئاساسەن، يۇشۇرۇن ئاۋازلىق دېمۇگراتىك ئۇسۇلدا ئېلىپ بېرىلغان سايلامدا سايلانغان رەئىس دوكتور ئابدۇشۈكۈر ئابدۇرېشىت نەخ مەيداندا ئۆزى بىلەن بىرگە 18 كىشلىك قۇرغۇچى دائىمىي ھەيئەتنى تاللاپ ۋەزىپىگە تەيىنلىدى.

ۋاشىڭگتۇندا قۇرۇلغان «ئۇيغۇر ئاكادېمىيىسى ئامېرىكا تارمىقى» بىلەن مىيۇنخىندا قۇرۇلغان «ئۇيغۇر ئاكادېمىيىسى ياۋرۇپا تارمىقى» ئامېرىكا ۋە ياۋرۇپادىكى ئۇيغۇر زىيالىيلار ۋە ئوقۇغۇچىلار ئىچىدىن ئەزا توپلاپ، ئۇشبۇ تەشكىلاتنى كۈچلەندۈرۈش ۋە ئەزالارنى سەرخىللاشتۇرۇش بىلەن بىرگە، ئامېرىكا ۋە ياۋرۇپادىكى ئۇيغۇر زىيالىيلار ۋە ئوقۇغۇچىلارنىڭ ئۆز ئارا ھەمكارلىقىنى ئەمەلگە ئاشۇرۇشىغا تۈرتكە بولۇش، ئىلىم – پەن ئارقىلىق ئۇيغۇر مىللىي روھىنى ئويغۇتۇپ، ئۇيغۇر مىللىي كىملىكىنى قوغداش ۋە ئۇيغۇرلار ئىھتىياجلىق مۇھىم ساھەلەردە ئىختىساسلىق خادىملارنىڭ يېتىشىپ چىقىشى ئۈچۈن زۆرۈر بولغان ئىلمىي خىزمەتلەرنى قىلىدۇ.

ئۇيغۇر ئاكادېمىيىسى ئىقتىسادى قېيىن شارائىتتا قۇرۇلغان بولسىمۇ، ھېچبىر تەشكىلات ۋە دۆلەتتىن ياردەم ئالمايمۇ يەنىلا ۋەتەنپەرۋەر ئۇيغۇر پەن – تەتقىقاتچى ۋە زىيالىلارنىڭ بىرلىكتە ۋاقتى بارلار ۋاقتىنى، كۈچى بارلار كۈچىنى ۋە پۇلى بارلار پۇلىنى چىقىرىپ مۆرىنى-مۆرىگە تىرەپ ئۇلۇغ ۋە ئاق كۆڭۈل ئۇيغۇر مىللىتىنىڭ ئۇزۇن مۇددەتلىك مەۋجۇدىيىتى ۋە كەلگۈسى تەرەققىياتى ئۈچۈن قىلالايدىغان ھەرقانداق ئىشنى مەيلى كىچىك مەيلى چوڭ دەپ ئايرىماي ئىمكانىيەتنىڭ بارىچە قىلىپ كېلىۋاتىدۇ.

ئاكادېمىيەنىڭ ئاساسلىق پائالىيەتلىرى

1) ئۇيغۇر پەن-تەتقىقاتچى، ئەدىب ۋە مۇتەخەسىسلەر ئىلمىي مۇھاكىمە يىغىنلىرى

2) ئۇيغۇر ئانا تىل تەتقىقاتى ئىلمىي مۇھاكىمە يىغىنلىرى

3) ئۇيغۇر ماگېستىر ۋە دوكتۇر ئوقۇغۇچىلار ئىلمىي مۇھاكىمە يىغىنلىرى

4) ئۇيغۇر مۇتەپەككۇرلارنى خاتىرىلەش ئىلمىي مۇھاكىمە يىغىنلىرى

5) ئاكادېمىيە تەۋپىق ئوقۇش مۇكاپاتى

6) ئۇيغۇر ماگېستىر ۋە دوكتۇر ئوقۇغۇچىلارنىڭ ئالىي مەكتەپلەرگە كىرىشىگە ياردەم قىلىش خىزمىتى

7) ئاكادېمىيە تورى ۋە تور كۈتۈپخانىسى خىزمىتى

8) ئاكادېمىيە لىكسىيەلىرى

9) ئاكادېمىيە ئىلمىي سۆھبەتلىرى


ئۇيغۇر ئاكادېمىيسىنىڭ قۇرۇلۇشىدىن كۈنىمىزگىچە ئاكادېمىيەدە جان كۆيدۈرۈپ خىزمەت قىلغان پەخىرى رەئىس ۋە رەئىسلەر

ئۇيغۇر ئاكادېمىيىسىدە ۋەزىپە ئۆتىگەن پەخىرى رەئىسلەر

* * * * *

Erkin Sidiq

 دوكتۇر ئەركىن سىدىق

تۇنجى نۆۋەتلىق ئۇيغۇر ئاكادېمىيسى پەخىرى رەئىسى

(ئامىرىكا ئالەم قاتناش ئىدارىسى ئالىي ئوپتىك فىزىكا ئېنژىنىرى)

ۋەزىپە ئۆتىگەن مۇددىتى: 2009 – يىلى 9 – سىنتەبىردىن 2013 – يىلى 21 – سىنتەبىرگىچە

* * * * *

Shöret Mutellip

دوكتۇر شۆھرەت مۇتەللىپ

2- نۆۋەتلىق ئۇيغۇر ئاكادېمىيسى پەخىرى رەئىسى

(ئامېرىكا ئورىگون سەھىيە پەن – تېخنىكا ئونىۋېرسىتېتى ھۈجەيرە ۋە گىن ئالىي تەتقىقاتچىسى)

ۋەزىپە ئۆتىگەن مۇددىتى: 2013 – يىلى 21 – سىنتەبىردىن 2015 – يىلى 10 – ئۆكتەبىرگىچە

* * * * *
Rishat-Abbas-275x300

 دوكتۇر رىشاد ئابباس

3- ۋە 4- نۆۋەتلىق ئۇيغۇر ئاكادېمىيسى پەخىرى رەئىسى

(ئامېرىكا فايزىر دورا تەتقىقات مەركىزى باش تەتقىقاتچىسى)

ۋەزىپە ئۆتىگەن مۇددىتى: 2015 – يىلى 10 – ئۆكتەبىردىن باشلاپ كۈنىمىزگىچە داۋام …

* * * * *


ئۇيغۇر ئاكادېمىيىسىدە ۋەزىپە ئۆتىگەن رەئىسلەر

* * * * *

Karahan

 ئابدۇلھەمىد قاراخان

ئۇيغۇر ئاكادېمىيسى قۇرغۇچى رەئىسى

(يادرو ئېنىرگىيە ئېنژىنىرى)

ۋەزىپە ئۆتىگەن مۇددىتى: 2009 – يىلى 9 – سىنتەبىردىن 2010 – يىلى 9 – مايغىچە

* * * * *

Alimjan

 پىروفىسسور دوكتور ئالىمجان ئىنايەت

تۇنجى نۆۋەتلىق ئۇيغۇر ئاكادېمىيسى رەئىسى

(تۈركىيە ئەگە ئۇنىۋېرسىتېتى تۈرك دۇنياسى تەتقىقات ئېنىستىتوتى ئوقۇتقۇچىسى)

ۋەزىپە ئۆتىگەن مۇددىتى: 2010 – يىلى 9 – مايدىن 2012 – يىلى 18 – نويابىرغىچە

* * * * *

Ablet Turan

دوكتۇر ئابلەت تۇران

2- نۆۋەتلىق ئۇيغۇر ئاكادېمىيسى رەئىسى

(يۈرەك كېسەللىكلىرى مۇتەخەسىسى)

ۋەزىپە ئۆتىگەن مۇددىتى: 2012 – يىلى 18 – نويابىردىن 2015 – يىلى 23 – ئاۋغۇستغىچە

* * * * *

ئابدۇلھەمىد قاراخان

3- نۆۋەتلىق ئۇيغۇر ئاكادېمىيسى رەئىسى

(تۈركىيە تاشقىي تۈركلەر ۋە قېرىنداش مىللەتلەر ئىدارىسى مۇتەخەسىسى، يادرو ئېنىرگىيە ئېنژىنىرى)

ۋەزىپە ئۆتىگەن مۇددىتى: 2015 – يىلى 23 – ئاۋغۇسىتتىن 2018 – يىلى 24 – ئاۋغۇسىتغىچە

Alimjan

 پىروفىسسور دوكتور ئالىمجان ئىنايەت

4- نۆۋەتلىق ئۇيغۇر ئاكادېمىيسى رەئىسى

(تۈركىيە ئەگە ئۇنىۋېرسىتېتى تۈرك دۇنياسى تەتقىقات ئېنىستىتوتى ئوقۇتقۇچىسى)

ۋەزىپە ئۆتىگەن مۇددىتى: 2018 – يىلى 24 – ئاۋغۇسىتتىن باشلاپ كۈنمىزگىچە داۋام …

* * * * *

ئۇيغۇر ئاكادېمىيسىدە ۋەزىپە ئۆتەۋاتقان ئاساسلىق دائىمىي ھەيئەت ئەزالىرى

رەئىس: پروفېسسور دوكتور ئالىمجان ئىنايەت، ئىجرائىيە رەئىسى: ئابدۇلھەمىد قاراخان، مۇئاۋىن رەئىس: دوكتور مەغپىرەت كامال، باش كاتىپ: دوكتور پەرھات تەڭرىتاغلى، مالىيە ئىشلىرى مەسئۇلى: دوختور ئەخمەتجان پولات، دائىمىي ھەيئەت ئەزالىرى: دوكتور شەۋكەت ناسىر ۋە دوكتور مۇھەممەت قۇربان، باش نازارەتچى: دوكتور گۈلزادە تەڭرىتاغلى، نازارەتچى: دوختور مەمەتئېلى ھافىز

ئۇيغۇر ئاكادېمىيسى خىزمەت بۆلۈملىرى: ئاكادېمىك تەتقىقات بۆلۈمى، تەرجىمە – تەھرىر بۆلۈمى، ئوقۇغۇچى ئىشلىرى بۆلۈمى، مېدىيا-تاراتقۇ بۆلۈمى، ئىدارە ئىشلار بۆلۈمى ۋە مالىيە بۆلۈمى


* * * * *

ئاكادېمىيەدە ۋەزىپە ئۆتىگەن ئاكادېمىيە تارماقلىرىنىڭ رەئىسلىرى

دوكتور ئەركىن ئابلېز

تۇنجى نۆۋەتلىق ئامېرىكا ئۇيغۇر ئاكادېمىيسى رەئىسى

(ھايۋانات تىببىي پەنلىرى دوكتورى)

ۋەزىپە ئۆتىگەن مۇددىتى: 2018 – يىلى 20 – مايدىن باشلاپ كۈنمىزگىچە داۋام …

* * * * *

ئامېرىكا ئۇيغۇر ئاكادېمىيسىدە ۋەزىپە ئۆتەۋاتقان ئاساسلىق دائىمىي ھەيئەت ئەزالىرى

رەئىس: دوكتور ئەركىن ئابلىز، مۇئاۋىن رەئىس: دوكتور پەيزۇللاھ زەيدۇن، باش كاتىپ: رۈشەن ئابباس، مالىيە ئىشلىرى مەسئۇلى: قەيسەر سېيىت، مالىيە نازارەتچىسى: دوختور مەمەت ئېمىن، مېدىيا – تاراتقۇ ئىشلىرى مەسئۇلى: دىلمۇرات سۇلايمان ۋە دىلمۇرات ئاتامان، دائىمىي ھەيئەت ئەزالىرى: دوكتور ئابلىز ئابدۇقادىر ۋە مۇھەممەت بۇغرا


* * * * *

دوكتور ئابدۇشۈكۈر ئابدۇرېشىت

تۇنجى نۆۋەتلىق ياۋرۇپا ئۇيغۇر ئاكادېمىيسى رەئىسى

(فىزىكا پەنلىرى دوكتورى)

ۋەزىپە ئۆتىگەن مۇددىتى: 2018 – يىلى 10 – نويابىردىن باشلاپ كۈنمىزگىچە داۋام …

* * * * *

ياۋرۇپا ئۇيغۇر ئاكادېمىيسىدە ۋەزىپە ئۆتەۋاتقان ئاساسلىق دائىمىي ھەيئەت ئەزالىرى

رەئىس: دوكتور ئابدۇشۈكۈر ئابدۇرېشىت (شىۋىتسارىيە)، مۇئاۋىن رەئىس: دوكتور مەمتىمىن ئابباس (فىرانسىيە)، باش كاتىب: زۇلھايات ئۆتكۈر (شىۋىتسىيە)، باش نازارەتچىسى: ئابدۇشۈكۈر مۇھەممەت (شىۋىتسىيە)، مالىيە مەسئۇلى: دوكتور قەيسەر ئابدۇقادىر (شىۋىتسارىيە)، تەشۋىقات ئىشلىرى مەسئۇلى: مۇھەممەتئېلى نىياز (گىرمانىيە)، باشقا ھەيئەت ئەزالار: دوكتور ۋارىس ئابدۇكېرىم جانباز (فىرانسىيە)، غەييۇر قۇربان (گىرمانىيە)، ئۆمەرجان جامال (شىۋىتسىيە)، ئەلى ئەمەت (بىلگىيە)، ئادىل چىنار (گوللاندىيە)، ئۆمەرجان ئىمىن (گىرمانىيە)، ھەبىبۇللاھ ئابلىمىت (گىرمانىيە)، ئايشە مۇسا (نۇرۋىگىيە)


ئۇيغۇر ئاكادېمىيىسىنىڭ 2018-يىلى 24-ئاۋغۇستتا ئېلىپ بېرىلغان 4-قېتىملىق دېمۇگراتىك سايلىمىدا، يەتتە كىشىلىك ئۇيغۇر ئاكادېمىيىسى دائىمىي ھەيئىتى، يەتتە كىشىلىك زاپاس دائىمىي ھەيئىتى، ئۈچ كىشىلىك دائىمىي نازارەت ھەيئىتى، ئۈچ كىشىلىك زاپاس دائىمىي نازارەت ھەيئىتى بولۇپ، جەمئىي 20 كىشى رەسمىي ۋەزىپە ئېلىپ، ۋاقىت ئىچىدىن ۋاقىت چىقىرىپ، ئاكادېمىيەنىڭ مەقسەد ۋە نىشانىنى ئەمەلگە ئاشۇرۇش يولىدا تىرىشماقتا.

ئاكادېمىيە يول خەرىتىسى

ئۇيغۇر ئاكادېمىيىسى ئۆزىنىڭ ھەرقايسى دۆلەتلەردىكى ئۇيغۇر پەن – تەتقىقاتچى ئەزا ۋە ۋەكىللىرى بىلەن ئۇيغۇر ئاكادېمىيىسى تەشكىلىي قۇرۇلمىسى مۇستەھكەملىگەن بولۇپ، ئۇيغۇر زىيالىلارنىڭ ئۆز ئارا ھەمكارلىقىنى ئەمەلگە ئاشۇرۇشىغا تۈرتكە بولۇش، ئىلىم – پەن ئارقىلىق ئۇيغۇر مىللىي روھىنى ئويغۇتۇپ، ئۇيغۇر مىللىي كىملىكىنى قوغداش ۋە ئۇيغۇرلار ئىھتىياجلىق مۇھىم ساھەلەردە ئىختىساسلىق خادىملارنىڭ يېتىشىپ چىقىشى ئۈچۈن ئىشلەش يولىدا تەۋرەنمەي خىزمەت قىلىشنى ئۆزىگە يول خەرىتىسى قىلىپ بىكىتتى.

مىللىي ئېڭى تىكلەنمىگەن ۋە پەن – مائارىپى تەرەققىي قىلمىغان مىللەت  مەڭگۈ يۈكسىلەلمەيدۇ ۋە يوق بۇلۇشقا مەھكۇمدۇر! ئۇيغۇر مىللىتىنىڭ مەۋجۇدىيىتى ۋە پەن-مائارىپ تەرەققىياتى ئۈچۈن پۈتۈن ئۇيغۇر تەتقىقاتچى ۋە زىيالىلار مۆرىنى-مۆرىگە تىرەپ بىرلىكتە تىرىشقاندىلا، مىللىي ئېڭى يۈكسەك، پەن-مەدەنىيىتى تەرەققىي قىلغان ۋە تارىخ سەھنىسىدە قايتىدىن باش كۆتۈرگەن كۈچلۈك ئۇيغۇر جەمىئىيىتىنى ھەممىمىز بىرلىكتە كۆرەلەيمىز!

بۇ سەپتە سىزنىڭمۇ ئورنىڭىز ۋە ۋەزىپىڭىز بار، ئەمدى يەنە نېمىگە قاراپ تۇرىسىز؟ ئاكادېمىيەگە ئەزا بولۇپ سېپىمىزگە قېتىلىڭ …

ئۇيغۇر ئاكادېمىيىسىنىڭ خىزمەت ئىىشخانىسى ئىستانبۇلنىڭ ئەڭ قەدىمىي شەھەر رايونى – فاتىھ چاپادىكى ئىستانبۇل ئۇنىۋېرسىتېتى تېبابەت فاكۇلتېتى ئۇدۇلىغا جايلاشقان بۇلۇپ، ئايلىق چىقىملار (ئىجارە ۋە باشقا چىقىملار)نى ئاكادېمىيە قۇرغۇچىلىرى، دائىمىي ھەيئەت ئەزالىرى، ئەزالار ۋە مەرىپەتپەرۋەر ئۇيغۇرلار ئۆز ئۈستىگە ئالماقتا.

ئۇيغۇر ئاكادېمىيىسى ئۇيغۇر زىيالىلارنىڭ ئۆز ئارا ھەمكارلىقىنى ئەمەلگە ئاشۇرۇشىغا تۈرتكە بولۇش، ئىلىم – پەن ئارقىلىق ئۇيغۇر مىللىي روھىنى ئويغۇتۇپ، ئۇيغۇر مىللىي كىملىكىنى قوغداش ۋە ئۇيغۇرلار ئىھتىياجلىق مۇھىم ساھەلەردە ئىختىساسلىق خادىملارنىڭ يېتىشىپ چىقىشى ئۈچۈن خىزمەت قىلىدىغان ئۇيغۇر زىيالىلىرىنىڭ بىر ئىلمىي جەمىئىيىتىدۇر. بارلىق ئۇيغۇر قېرىنداشلارنىڭ ئۇيغۇر ئاكادېمىيىسىنى ماددىي ۋە مەنىۋىي جەھەتتىن قوللاپ بېرىشىنى سەمىمىي ئۈمىد قىلىمىز.

– ئۇيغۇر ئاكادېمىيىسى دائىمىي ھەيئەت كومىتېتى

قوشۇمچە: ئاكادېمىيە لوگولىرى

1. ئاكادېمىيە لوگوسى، شەرقىي تۈركىستان بايرىقى ۋە دۆلەت گىرىبىلەرنىڭ ۋىكتور نۇسخىسى (Corel Draw) – ئاكادېمىيە تور كۈتۈپخانىسىدا (ئاكادېمىيە تور كۈتۈپخانىسىدىن چۈشۈرۋالالايسىز.)

2. ئاستى سۈزۈك PNG رەسىم نۇسخىسى

                  

                                       

                                

                               

3. Jpeg رەسىم نۇسخىسى

ئاكادېمىيە ئورگان تورى ©

ئۈستىگە قايتىش